പ്രവാസി മലയാളിയെ സംബന്ധിച്ചടുത്തോളം മഴ ഒരു ഗൃഹാതുരത്വം ഉണര്‍ത്തുന്ന ഒന്നാണ്. എന്നാല്‍ ദുബായില്‍ കഴിഞ്ഞ ആഴ്ച അത്യപൂര്‍വമായ ഒരു മഴ പെയ്തു. ദിര്‍ഹം കൊണ്ടുരു മഴ. ലക്ഷക്കണക്കിനു ദിര്‍ഹത്തിന്റെ നോട്ടുകള്‍ മഴയായി പെയ്തിറങ്ങി. ആദ്യം ആള്‍ക്കാര്‍ അത്ഭുതത്തോടെ പകച്ചു നിന്നെങ്കിലും പറന്നകലുന്ന നോട്ടുകളെ പിന്നീടവര്‍ വാരിക്കൂട്ടാന്‍ തുടങ്ങി. 

ദുബായ് നഗരത്തിലെ തിരക്കേറിയ ജുമൈറ മേഖലയിലെ ഒരു റോഡിലാണ് ശക്തമായ കാറ്റിനൊപ്പം നോട്ടുകള്‍ പാറിപ്പറന്നത്. 500 യുഎഇ ദിര്‍ഹമിന്റെ നോട്ടുകളാണ് പെയ്തിറങ്ങി റോഡിലാകെ പരന്നത്.
ഈ മാസം പതിനൊന്നിന് വൈകുന്നേരം മൂന്നു മണിയോടെയായിരുന്നു സംഭവം. നോട്ടുകള്‍ പെറുക്കിയെടുക്കാന്‍ ആളുകള്‍ കൂടിയതോടെ ഗതാഗതം പോലും സ്തംഭിച്ചു. റോഡില്‍ ആളുകള്‍ നോട്ടുകള്‍ പെറുക്കി കൂട്ടുന്നതു കണ്ട് പലരും കാര്‍ നടുറോട്ടില്‍ നിര്‍ത്തി ചാടിയിറങ്ങി ദിര്‍ഹം വാരുന്നതില്‍ വ്യാപൃതരായി. ഒടുവില്‍ പൊലീസെത്തി എല്ലാവരേയും ആട്ടിയോടിച്ചതോടെയാണ് റോഡ് ഗതാഗതം പൂര്‍വ്വസ്ഥിതിയിലായത്. ഈ നോട്ടുകള്‍ എവിടെ നിന്നാണ് വന്നതെന്നോ എങ്ങനെയാണെന്നോ ആര്‍ക്കും ഒരു പിടിയുമില്ല.
കോടിക്കണക്കിനു രൂപ വിലമതിക്കുന്ന രണ്ട് ദശലക്ഷത്തിലേറെ ദിര്‍ഹമിന്റെ നോട്ടുകളാണിതെന്ന് കണക്കാക്കപ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha