അധികാരമേറ്റടുക്കലിന്റെ ആഘോഷത്തില് കോടികള് വിതരണം ചെയ്ത് സല്മാന് രാജാവ്
ദുബായിലെ നോട്ട് മഴയ്ക്ക് ശേഷം സൗദിയിലും നോട്ട് മഴ. സൗദിയില് പുതിയ രാജാവ് അധികാരമേല്ക്കുന്ന ചടങ്ങിന്റെ ആഘോഷത്തിലാണ് രണ്ട് ലക്ഷം കോടി രൂപ സമ്മാനങ്ങളായി നല്കിയത്. തന്റെ കിരീടധാരണത്തിന്റെ ആഘോഷങ്ങളുടെ ഭാഗമായിയാണ് സല്മാന് രാജാവ് ഇപ്രകാരം ചെയ്തത്. രാജാവ് എല്ലാ സര്ക്കാര് ജീവനക്കാര്ക്കും രണ്ടു മാസത്തെ ശമ്പളം അധികമായി നല്കി. സൈനികര്ക്കും പെന്ഷന്കാര്ക്കും ഇതേപ്രകാരം നല്കി. സര്ക്കാര് ചെലവില് സ്വദേശത്തും വിദേശത്തും പഠിക്കുന്ന സൗദിക്കാരായ വിദ്യാര്ത്ഥികള്ക്കും കിട്ടി കുറേ.. .
\'പ്രിയപ്പെട്ട ജനങ്ങളെ, നിങ്ങള് ഇതിലേറെ അര്ഹിക്കുന്നു. ഞാന് തന്നത് എത്രയാണെങ്കിലും അത് നിങ്ങള് അര്ഹിക്കുന്നതിനോളം വരില്ല.\' സല്മാന് രാജാവ് ട്വിറ്ററില് പോസ്റ്റ് ചെയ്ത ഈ വാചകം മൂന്നര ലക്ഷത്തിലേറെ പേരാണ് ഷെയര് ചെയ്തത്. അപ്രതീക്ഷിതമായി കയ്യിലെത്തിയ വന് തുക ആഢംബര വസ്തുക്കളും സ്മാര്ട്ട് ഫോണുകളും വാങ്ങാനും വിദേശ വിനോദ യാത്രകള്ക്കും മറ്റുമായി ചെലവഴിക്കുന്ന തിരക്കിലാണിപ്പോള് സൗദികള്. ചില പുരുഷ പ്രജകള് രണ്ടാമത്തേയും മൂന്നാമത്തേയും വിവാഹങ്ങള്ക്കായി തുകമാറ്റിവെയ്ക്കുന്നുമുണ്ട്.
സര്ക്കാര് ജീവനക്കാര്ക്കും മറ്റും വാരിക്കോരി നല്കിയതിനു പുറമെ സാഹിത്യ, കായിക, സാംസ്കാരിക സംഘടനകള്ക്കും ക്ലബുകള്ക്കും രാജാവിന്റെ വക വന് സമ്മാനത്തുകകളുണ്ട്. സൗദിയിലെ മുപ്പത് ലക്ഷത്തോളം വരുന്ന സര്ക്കാര് ജീവനക്കാര്ക്ക് അധിക ശമ്പളം പുതിയ ആവേശം നല്കുമെന്നാണ് വിലയിരുത്തപ്പെടുന്നത്. തങ്ങള്ക്കു ലഭിച്ച സമ്മാനം സൗദികള് സോഷ്യല് മീഡിയയിലും വലിയ ആഘോഷമാക്കി മാറ്റിയിരിക്കുകയാണ്. പുത്തന് റിയാല് നോട്ടുകള് കുട്ടികള്ക്ക് വിതരണം ചെയ്യുന്ന വീഡിയോ ഒരു പൗരന് പോസ്റ്റ് ചെയ്തിരുന്നു.
സ്വകാര്യ കമ്പനികളും തങ്ങളുടെ ജീവനക്കാര്ക്ക് ബോണസ് നല്കുന്നുണ്ട് . ഇതെല്ലാം ആയതോടെ സൗദിയിലാകെ ആഘോഷമാണിപ്പോള്. 90കാരനായിരുന്ന അബ്ദുല്ല രാജാവ് മരണപ്പെട്ടതിനെ തുടര്ന്ന് 79കാരനായ സല്മാന് രാജാവ് കഴിഞ്ഞ മാസമാണ് അധികാരമേറ്റത്. ജനങ്ങളുടെ മനസ്സില് ഇടംപിടിക്കാന് പുതുതായെത്തുന്ന രാജാക്കന്മാര് പണം വാരിക്കോരി കൊടുക്കുന്നത് കാലങ്ങളായുള്ള ഒരു തന്ത്രമാണ്. ഇത് ഫലിക്കുകയും ചെയ്യുന്നുണ്ട്. വിവിധ കമ്പനികള് രാജാവിന് പിന്തുണ പ്രഖ്യാപിച്ച് കൊണ്ട് കൂറ്റന് ബില്ബോഡുകളാണ് തെരുവോരങ്ങളില് സ്ഥാപിച്ചിരിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha