യു.എ.ഇയിലെ സ്‌കൂളുകളില്‍ അടുത്ത അധ്യയന വര്‍ഷം മുതല്‍ 14 അവധികള്‍ കൂടുതലായി കിട്ടും. ഇത് സംബന്ധിച്ച് മന്ത്രിസഭ അംഗീകാരം നല്കി. വരുന്ന മൂന്ന് വര്‍ഷത്തേക്കുള്ള സ്‌കൂള്‍ കലണ്ടറിനാണ് യു.എ.ഇ മന്ത്രിസഭ അംഗീകാരം നല്കിയിരിക്കുന്നത്. ഇത് പ്രകാരം അടുത്ത അധ്യയന വര്‍ഷം മുതല്‍ 14 അവധികള്‍ കൂടുതലായി ലഭിക്കും. കലണ്ടര്‍ പ്രകാരം അടുത്ത വിദ്യാലയ വര്‍ഷത്തില്‍ പാഠ്യദിനങ്ങളുടെ എണ്ണം 175 ആയി ചുരുക്കി. ഇപ്പോള്‍ 189 ദിവസമാണ് പാഠ്യദിനങ്ങള്‍. യു.എ.ഇയിലെ മുഴുവന്‍ വിദ്യാലയങ്ങള്‍ക്കും ബാധകമാകുന്നതാണ് ഈ കലണ്ടര്‍.
സ്‌കൂള്‍ അവധി ദിനങ്ങള്‍, പരീക്ഷാ ദിനങ്ങള്‍, പുതിയ വര്‍ഷാരംഭം തുടങ്ങിയവയെല്ലാം കലണ്ടറില്‍ വ്യക്തമാക്കുന്നുണ്ട്. 2015-2016 അധ്യയന വര്‍ഷം തുടങ്ങുന്നത് ഓഗസ്റ്റ് 30ന് ആയിരിക്കും. എന്നാല്‍ ഓഗസ്റ്റ് അഞ്ച് മുതല്‍ ജീവനക്കാര്‍ സ്‌കൂളുകളില്‍ എത്തിത്തുടങ്ങണം. 2016 ജൂണ്‍ 23നാണ് സ്‌കൂളുകള്‍ അടയ്ക്കുക. മാര്‍ച്ചില്‍ തുടങ്ങുന്ന വസന്തകാല അവധിക്ക് രണ്ടാഴ്ച അനുവദിച്ചിട്ടുണ്ട്.
യു.എ.ഇയിലെ ഇന്ത്യന്‍ സ്‌കൂളുകളില്‍ പുതിയ വര്‍ഷത്തെ ക്ലാസുകള്‍ ആരംഭിക്കുന്നത് ഏപ്രില്‍ മുതലാണ്. ഇന്ത്യയിലെ വിദ്യാലയ വര്‍ഷക്രമം അനുസരിച്ചാണ് ഇത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha