ഏറെ നാളായി നമ്മൾ ചർച്ച ചെയ്യുന്ന കാര്യമാണ് പ്രവാസികളുടെ തിരിച്ചു വരവിനെ കുറിച്ച് . എന്നാൽ പലപ്പോഴും പലരീതിയിലുള്ള വാർത്തകൾ എല്ലാവരെയും ആശങ്കപ്പെടുത്തുന്നുമുണ്ട്. പ്രവാസികളുട മടങ്ങി വരവിനെ കുറിച്ച് വ്യക്തമായി തീരുമാനമാകാത്തതാണ് ഈ ആശങ്കകളുടെയും കാരണം . വിദേശരാജ്യങ്ങളിൽ കുടുങ്ങിയ ഇന്ത്യക്കാരെ നാട്ടിലെത്തിക്കാൻ​ കേന്ദ്ര വിദേശകാര്യ മന്ത്രാലയം വിശദ പദ്ധതിയാണ്​ തയാറാക്കിയിരിക്കുന്നത്​​. തിരിച്ചുപോക്കിന്​ ഗൾഫിലെ ഇന്ത്യക്കാർക്കാണ്​ മുൻഗണന. എന്നാൽ, ഇന്ത്യയിലെ ലോക്​ഡൗണിന്​ ശേഷം മാത്രമേ മടങ്ങി വരവ് തുടങ്ങൂ എന്നാണ് നിലവിൽ ലഭ്യമാകുന്ന വിവരം.. കേന്ദ്ര അംഗീകാരം കിട്ടുന്ന മുറക്ക്​ തിരിച്ചുകൊണ്ടുപോകൽ തുടങ്ങുമെന്ന്​ കാബിനറ്റ്​ സെക്രട്ടറി സംസ്​ഥാനങ്ങളെ കഴിഞ്ഞ ദിവസം അറിയിച്ചിട്ടുണ്ട്​.

തിരിച്ചുവരുന്നവരിൽനിന്ന്​ തന്നെ വിമാനടിക്കറ്റ്​ തുക ഇൗടാകാണാൻ കേന്ദ്ര തീരുമാനം. . പ്രവാസികൾ കോവിഡ്​ നെഗറ്റീവ്​ സർട്ടിഫിക്കറ്റുകളുമായാണ് വരേണ്ടതെന്ന സുപ്രധാന നിർദേശവും ഇതോടൊപ്പമുണ്ട്. ​​​. ഇത് സൃഷ്ടിക്കുന്നത് വലിയ തോതിലുള്ള ആശങ്കയാണ് . കോവിഡ്​ ലക്ഷണങ്ങൾ ഇല്ലാത്ത ആളുകൾക്ക്​ നിലവിൽ ഗൾഫ്​ രാജ്യങ്ങളിൽ കോവിഡ്​ നെഗറ്റീവ്​ സർട്ടിഫിക്കറ്റ്​ കിട്ടുക പ്രയാസകരമാണ്​ എന്നിട്ടീക്കെ ഈ തീരുമാനത്തെ എങ്ങനെ നടപ്പിലാക്കും എന്നതാണ് ഏറ്റവും പ്രധാനപ്പെട്ട കാര്യം.

നാട്ടിലെത്തുമ്പോൾ സമ്പർക്കവിലക്കിന്​ ക്വാറന്റൈൻ കേന്ദ്രങ്ങളിലേക്കാണോ വീടുകളിലേക്കാണോ പറഞ്ഞുവിടേണ്ടത്​ എന്ന്​ തീരുമാനിക്കാനാണ്​ ഈ സർട്ടിഫിക്കറ്റ്​ എന്നാണ്​ സർക്കാർ ഭാഷ്യം .​​​. പ്രവാസികളെ തിരിച്ചുകൊണ്ടുപോകാൻ വിമാനങ്ങൾക്ക്​ പുറമെ നാവികസേന കപ്പൽ ഉപയോഗിക്കാനും നിർദേശമുണ്ട്​.
പ്രവാസികൾ ടിക്കറ്റെടുക്കു​േമ്പാൾ തൊട്ടടുത്ത വിമാനത്താവളങ്ങളിലേക്കാണ്​ എടുക്കേണ്ടത്​. സംസ്​ഥാനത്തെ നാല്​ വിമാനത്താവളങ്ങളിലും പരിശോധനക്ക്​ വിപുല സജ്ജീകരണം ഒരുക്കുമെന്ന്​ മുഖ്യമന്ത്രി പറയുന്നു. ഇവിടത്തെ പരിശോധനയിൽ രോഗലക്ഷണമില്ലെങ്കിൽ 14 ദിവസം വീടുകളിൽ നിരീക്ഷണത്തിൽ കഴിയണം.

വീടുകളിൽ സൗകര്യമില്ലെങ്കിൽ സർക്കാർ നേരിട്ട്​ ഒരുക്കുന്ന നിരീക്ഷണകേന്ദ്രത്തിൽ കഴിയണം. അധികം കാലാതാമസമില്ലാതെ യാത്രാസൗകര്യം ലഭ്യമാകുമെന്നാണ്​ പ്രതീക്ഷ.
നാട്ടിലെത്തുന്ന പ്രവാസിയെ സ്വീകരിക്കാൻ ആളുകൾ എത്താൻ പാടില്ല. സ്വന്തം വാഹനം വരികയാണെങ്കിൽ ഡ്രൈവർ മാത്രമേ പാടുള്ളൂ. നേരെ വീട്ടിലേക്ക്​ ചെല്ലണം. ആരെയും വഴിയിൽ സന്ദർശിക്കരുത്​.

രോഗലക്ഷണത്തോടെ നിരീക്ഷണകേന്ദ്രത്തിലേക്ക്​ പോകേണ്ടി വരുന്നവരെ കൂടുതൽ പരിശോധനക്ക്​ വിധേയരാക്കും. ഇവരെ കോവിഡ്​ ആശുപത്രിയിൽ പ്രവേശിപ്പിക്കും. ഇവരുടെ ലഗേജുകൾ ബന്ധപ്പെട്ട കേന്ദ്രങ്ങളിൽ സൂക്ഷിക്കും. ഇതുമായി ബന്ധപ്പെട്ട പഞ്ചായത്ത് തലത്തിൽ തന്നെ പ്രവർത്തനങ്ങളും ആരംഭിച്ചിട്ടുണ്ട്. പല ഇടങ്ങളിലും പ്രത്യേക ഫോമുകൾ തയ്യാറാക്കി വിവര ശേഖരണം നടത്താനുള്ള പ്രവർത്തനങ്ങളും പഞ്ചായത്ത് മെമ്പർമാർ മുഖേന ആരംഭിച്ചതായി റിപ്പോർട്ടുണ്ട്.