സൗദിയില് വീട്ടുജോലിക്കാര് മറ്റു ജോലികള് ചെയ്താല് കര്ശന നടപടി
സൗദിയിലെ വീട്ടുജോലിക്കാര് കരാര്പ്രകാരമല്ലാതെ മറ്റു ജോലികളില് ഏര്പ്പെടുന്നത് തൊഴില് നിയമപ്രകാരം നിരോധിച്ചതാണെന്നും അത്തരക്കാര്ക്കെതിരെ കര്ശന നടപടി സ്വീകരിക്കുമെന്നും തൊഴില് മന്ത്രാലയം കിഴക്കന് പ്രവിശ്യാ ഡയറക്ടര് മുഹമ്മദ് അല് ഫലാഹ് ആവര്ത്തിച്ചു വ്യക്തമാക്കി. സ്പോണ്സര്ഷിപ് പ്രകാരമുള്ള തൊഴില് ഒഴി കെയുള്ള ജോലിയില് ഏര്പ്പെടുന്നതു കുറ്റകരമാണ്.
ചില തൊഴില് ഉടമകള് ജോലിക്കാരെ, പ്രത്യേകിച്ചു വീട്ടുജോലിക്കാരെ മറ്റു പണികള്ക്കായി ഉപയോഗപ്പെടുത്തുന്നതായി ശ്രദ്ധയില്പ്പെട്ടതിനെ തുടര്ന്നാണു മന്ത്രാലയം ഇതു സംബന്ധിച്ചു മുന്നറിയിപ്പു നല്കിയത്. നിയമം ലംഘിക്കുന്നവര്ക്കെതിരെ ശിക്ഷാനടപടികള് സ്വീകരിക്കും. ഔദ്യോഗിക അനുമതിയില്ലാതെ പുതിയ സ്പോണ്സറുടെ കീഴില് ജോലി യെടുക്കുന്നവര് നാടുകടത്തല് നടപടികള് പൂര്ത്തിയാക്കുന്നതിനായി വിവരം മന്ത്രാലയത്തില് അറിയിക്കണമെന്നും നിയമത്തില് വ്യവസ്ഥയുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha