\'സ്മാര്‍ട്ട് ആപ്‌ളിക്കേഷന്‍\'ഉപയോഗിച്ച് എമിഗ്രേഷന്‍ നടപടി പുര്‍ത്തീകരിച്ചത് 55 ശതമാനം യാത്രക്കാര്‍. എയര്‍പോര്‍ട്ടിലുള്ള പ്രവേശന കവാടങ്ങളില്‍ സ്ഥാപിച്ച ഇലക്രേ്ടാണിക് ഗേറ്റുകളിലൂടെ സ്മാര്‍ട്ട് ആപ്പ് ഉപയോക്താവിന്റെ മൊബൈല്‍ ഫോണില്‍ ലഭിക്കുന്ന പ്രൊഫൈല്‍ വിവരങ്ങളുടെ ബാര്‍കോഡ് ഉപയോഗിച്ച് സ്വയം പഞ്ചു ചെയ്ത് രാജ്യത്തേയ്ക്കുള്ള പ്രവേശനവും തിരിച്ച് പോക്കും സാധ്യമാക്കുന്ന നടപടിയാണ് ഇത്.
കഴിഞ്ഞ വര്‍ഷം ജൂണ്‍ മാസത്തിലാണ് ജനറല്‍ ഡയറക്ടറേറ്റ് ഓഫ് റസിഡന്‍സി ആന്‍ഡ് ഫോറീനേഴ്‌സ് അഫയേഴ്‌സ് തലവന്‍ ഡയറക്ടര്‍ ജനറല്‍ മേജര്‍ ജനറല്‍ മുഹമ്മദ് അഹ്മദ് റാഷിദ് അല്‍ മര്‍റി പെതുജനങ്ങള്‍ക്ക് ഉപകാരപ്രദമായ ജിഡിആര്‍എഫ്എ(ട്ട*\'\'ഞ്ചക്ക) എന്ന സ്മാര്‍ട്ട് ആപ്പ് പുറത്തിറക്കിയത്.
ദുബായിയെ ലോകത്തിലെ ആദ്യത്തെ സ്മാര്‍ട്ട് സിറ്റി ആക്കി മാറ്റുന്നതിന്റെ ഭാഗമായി യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തുമിന്റെ പ്രഖ്യാപനത്തിന് ചുവട് പിടിച്ച് ജിഡിആര്‍എഫ് എ തങ്ങളുടെ സേവനങ്ങള്‍ സ്മാര്‍ട്ട് ഫോണ്‍ വഴിയും ടാബ്‌ലറ്റുകളിലൂടെയും മറ്റും പെതു ജനങ്ങളില്‍ എത്തിക്കാനുള സ്മാര്‍ട്ട് രീതിക്ക് തുടക്കം കുറിച്ചത്.
ദുബായിലെ സ്വദേശികള്‍ക്കും സ്ഥിരതാമസക്കാര്‍ക്കും കമ്പനിക്കള്‍ക്കും ഒരേ പോലെ പ്രയോജനപ്പെടുന്ന സ്മാര്‍ട്ട് ആപ്‌ളിക്കേഷനാണ് ഇത്. ദുബായ് എമിഗ്രേഷന്റെ സേവനങ്ങള്‍ എവിടെ നിന്നും ഉപയോക്താവിന് അറിയാനും പ്രവര്‍ത്തികമാക്കാനും കഴിയുന്നത് കൊണ്ട് സര്‍വീസ് സെന്ററുകളെ സമിപിക്കാതെ തന്നെ പെതുജനങ്ങള്‍ക്ക് അവരുടെ സമയം, പണം, അദ്ധ്വാനം എന്നിവ ലാഭിക്കുവാനും തൃപ്തികരമായ സേവനം നിര്‍വഹിക്കാനും കഴിയുന്ന തരത്തിലാണ് ഇതിന്റെ പ്രവര്‍ത്തന രീതി. ഗൂഗ്ള്‍ പ്‌ളേ, ആപ്പിള്‍ സ്‌റ്റോര്‍ തുടങ്ങിയ വിവിധ ആപ്പ് സ്‌റ്റോറുകളില്‍ നിന്ന് ഇത് ഡൗണ്‍ലോഡ് ചെയ്യാന്‍ കഴിയും. രാജ്യത്ത് താമസ വീസയുള്ളവരുടെ എമിറേറ്റ്‌സ് ഐഡിയുടെ വിവരങ്ങളും ജനന തീയതിയും ആപ്‌ളിക്കേഷനില്‍ നല്‍കിയാല്‍ ഒരു രഹസ്യ നമ്പര്‍ ഉപയോക്താവിന് നല്‍കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha