ഒരു പ്രസവത്തിന്റെ പൊല്ലാപ്പ്‌ അടുത്തിടെ കളിമണ്ണായതേ ഉള്ളൂ. അതിനിടയ്‌ക്ക്‌ ചൈനയില്‍ നിന്നുള്ള മറ്റൊരു പ്രസവം കേരളത്തിലേക്ക്‌. യാത്രക്കിടെ ചൈനീസ് യുവതിയ്ക്ക് പ്രസവവേദന അനുഭവപ്പെട്ടതിനെ തുടര്‍ന്ന് വിമാനം തിരുവനന്തപുരം വിമാനത്താവളത്തില്‍ അടിയന്തരമായി ഇറക്കി. തിങ്കളാഴ്ച രാത്രി എട്ട് മണിയോടെയാണ് മാലിദ്വീപില്‍ നിന്ന് ചൈനയിലേക്ക് പോവുകയായിരുന്ന എയര്‍മാല്‍ദ്വീവ്സ് വിമാനം നിലത്തിറക്കിയത്. ചൈനയിലേക്കുള്ള വിമാനം തിരുവനന്തപുരത്തിന്‌ മുകളിലെത്തിയപ്പോള്‍ യുവതിക്ക് പ്രസവവേദന കലശലായി. തുടര്‍ന്ന് പൈലറ്റ് തിരുവനന്തപുരം വിമാനത്താവളത്തില്‍ ബന്ധപ്പെട്ട് എമര്‍ജെന്‍സി ലാന്‍ഡിംഗിന് അനുമതി തേടുകയായിരുന്നു. മാലി വിമാനത്തിന്റെ പൈലറ്റിന്റെ സന്ദേശം ലഭിച്ചതോടെ തിരുവനന്തപുരത്തെ എയര്‍ട്രാഫിക് കണ്‍ട്രോള്‍ വേണ്ട സജ്ജീകരണങ്ങള്‍ ഒരുക്കിയിരുന്നു. അങ്ങനെ വിസയൊന്നുമില്ലാതെ ചൈനാക്കാരി പ്രസവത്തിനായി ഇന്ത്യയിലിറങ്ങി.

പുതിയ വാര്‍ത്തകള്‍ അപ്പപ്പോള്‍ അറിയാന്‍ മലയാളി വാര്‍ത്തയുടെ ഫേസ്‌ബുക്കില്‍ പോയി Like ചെയ്യുക

https://www.facebook.com/Malayalivartha