പ്രവാസികള്‍ക്ക്‌ വളരെ അനുഗ്രഹമായി ഖത്തര്‍ എയര്‍വേസ് ടിക്കറ്റില്‍ 25 ശതമാനം ഇളവ് പ്രഖ്യാപിച്ചു. എല്ലാ ക്ലാസുകളിലേക്കുമുള്ള ടിക്കറ്റിലും 25 ശതമാനം ഇളവ്‌ പ്രഖ്യാപിച്ചിട്ടുണ്ട്‌.

യാത്രക്കാര്‍ക്ക് ഖത്തര്‍ എയര്‍വേസ് വെബ്‌ സൈറ്റ് വഴിയും ട്രാവല്‍ എജന്‍സികള്‍ വഴിയും വിവിധ സെയില്‍ സ് കൗണ്ടറുകള്‍ വഴിയും ടിക്കറ്റ് ബുക്ക് ചെയ്യാവുന്നതാണ്.

റിട്ടേണ്‍ ടിക്കറ്റുകള്‍ക്കുള്ള പ്രമോഷനും ലഭ്യമാണ്‌. റിട്ടേണ്‍ ടിക്കറ്റുകള്‍ക്കുള്ള പ്രമോഷന്‍ ഇന്നലെ അര്‍ധരാത്രി മുതല്‍ പ്രാബല്യത്തില്‍ വന്നു. 21 മുതല്‍ 24ന് അര്‍ധരാത്രി വരെയാണ് പ്രമോഷന്‍ കാലാവധി. 27 മുതല്‍ 2014 ജൂണ്‍ 19 വരെ ടിക്കറ്റുകള്‍ക്ക് പ്രാബല്യമുണ്ടാകും.

ഖത്തര്‍ എയര്‍വെയ്സിന്റെ 130 ഓളം ഡെസ്റ്റിനേഷനുകളിലേക്ക് മിതമായ നിരക്കില്‍ യാത്ര ചെയ്യാനുള്ള അവസരമൊരുക്കുകയാണ്‌ ഖത്തര്‍ എയര്‍വേസ്‌ ഇതിലൂടെ ചെയ്യുന്നത്‌.
ദോഹയില്‍ നിന്നും ചിക്കാഗോ, ലണ്ടന്‍, കോപ്പര്‍ഹോഗന്‍, ബ്രസസ്, മിലാന്‍, നെയ്റോബി, ഗോവ, ഡല്‍ഹി, ക്വാലലംപൂര്‍, ബീജിംഗ്, സിംഗപ്പൂര്‍, ന്യൂയോര്‍ക്ക് തുടങ്ങിയ കേന്ദ്രങ്ങളിലേക്ക് യാത്ര ചെയ്യാനുള്ള അവസരവും ഖത്തര്‍ എയര്‍വേസ്‌ ഒരുക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha