ഇനി സ്‌പോണ്‍സര്‍മാരില്ലാതെ സഞ്ചാരികള്‍ക്ക് ഒമാനിലെത്താം
25 APRIL 2017 02:50 PM IST
മലയാളി വാര്‍ത്ത
ഗസറ്റില്‍ പ്രസിദ്ധീകരിച്ച ഉത്തരവ് പ്രകാരം ഇന്ത്യ ഉള്‍പടെയുള്ള നാല് രാഷ്ട്രങ്ങളില്‍ നിന്നുള്ള സഞ്ചാരികള്‍ക്ക് ടൂറിസ്റ്റ് വീസ ലഭിക്കുന്നതിന് സ്‌പോണ്‍സര്‍മാരുടെ ആവശ്യമില്ല. ഇന്ത്യ, ഇറാന്‍, റഷ്യ, ചൈന എന്നീ രാഷ്ട്രങ്ങളില്‍ നിന്നുള്ള വിനോദ സഞ്ചാരികള്‍ക്കാണ് പുതിയ ആനുകൂല്യം. ഒരു മാസത്തേക്കാണ് വിസ ലഭിക്കുക. 20 റിയാലാണ് വിസാ നിരക്ക്.
നേരത്തെ ഒരു മാസത്തേക്ക് 20 റിയാലും 10 ദിവസത്തെ വിസക്ക് അഞ്ച് റിയാലുമായിരുന്നു നിരക്ക്. പുതിയ ഉത്തരവ് പ്രകാരം ഒരു മാസത്തേക്കുള്ള വീസ മാത്രമാണ് ലഭിക്കുക. ഒരു മാസത്തില്‍ കുറഞ്ഞ ദിവസം മാത്രം ഒമാനില്‍ കഴിയുന്നവരും 20 റിയാല്‍ നല്‍കി വീസ സ്വന്തമാക്കണം.ടൂറിസം എജന്‍സി, ത്രീ സ്റ്റാര്‍ മുതല്‍ ഫൈവ് സ്റ്റാര്‍ വരെയുള്ള ഹോട്ടല്‍, ടൂര്‍ ഓപറേറ്റേഴ്‌സ് എന്നിവര്‍ക്ക് നേരിട്ട് വീസക്ക് അപേക്ഷിക്കാം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
