ഖത്തറിന്റെ ഉപരോധം മയപ്പെടുത്തണമെന്ന ആവശ്യവുമായി അമേരിക്ക
ഉപരോധത്തിന് മുന്നില് നിന്ന അമേരിക്ക അവസാനം കാല് മാറുന്നു. ഖത്തറുമായുള്ള ഗള്ഫ് രാജ്യങ്ങളുടെ ഉപരോധം മയപ്പെടുത്തണമെന്ന ആവശ്യവുമായി അമേരിക്ക. ഇത് കടുത്ത മാനുഷിക പ്രത്യാഘാതങ്ങള്ക്ക് കാരണമാകുമെന്ന് അമേരിക്കന് വിദേശകാര്യ സെക്രട്ടറി റെക്സ് ടില്ലെഴ്സണ് പറഞ്ഞു. ഇത്തരം നടപടികള് അമേരിക്കയുടെ നേതൃത്വത്തില് നടക്കുന്ന ഐ.എസ് വിരുദ്ധ പോരാട്ടത്തെ ദുര്ബലപ്പെടുത്തുമെന്നും വിലയിരുത്തിയിരുന്നു.
ഖത്തറിനെതിരായ നടപടികള് മയപ്പെടുത്തണമെന്ന് അമേരിക്ക, സൗദിയോടും യു.എ.ഇയോടും ബഹ്റൈനോടും ഈജിപ്തിനോടും ആവശ്യപ്പെടുന്നു. നയതന്ത്ര ഒറ്റപ്പെടുത്തല് മാനുഷിക പ്രത്യാഘാതങ്ങള്ക്കിടയാക്കും. ഇത് ഭക്ഷ്യ ക്ഷാമത്തിനും കുടുംബങ്ങള് തമ്മിലുള്ള ബന്ധങ്ങള് തകരുവാനും കുട്ടികളുടെ വിദ്യാഭ്യാസത്തെ ബാധിക്കുവാനും സാധ്യതയുണ്ട്. ഇതിന് പുറമെ മേഖലയില് അമേരിക്കയുടെ നേതൃത്വത്തില് നടക്കുന്ന ഐ.എസ് വിരുദ്ധ പോരാട്ടത്തെ ദുര്ബലപ്പെടുത്തുകയും ചെയ്യും. അതിനാല് അഭിപ്രായ വ്യത്യാസങ്ങള് മാറ്റിവെച്ച് പ്രശ്നപരിഹാരത്തിനാവശ്യമായ നടപടികള് സ്വീകരിക്കാന് ഈ രാജ്യങ്ങള് തയാറാവുമെന്നാണ് പ്രതീക്ഷയെന്നും ടില്ലെവ്സണ് പറഞ്ഞു.
വെള്ളിയാഴ്ച ഖത്തര് വിദേശകാര്യമന്ത്രി ശൈഖ് മുഹമ്മദ് ബിന് അബ്ദുറഹ്മാന് ആല്ഥാനി, ടില്ലേഴ്സണുമായി ടെലിഫോണ് സംഭാഷണം നടത്തിയിരുന്നു. ഇതിനു പിന്നാലെയാണ് വിദേശകാര്യ സെക്രട്ടറിയുടെ പ്രസ്താവന പുറത്തുവന്നത്. ഐഎസിനെതിരെ 11,000 യുഎസ് സൈന്യം ഖത്തറില് വിന്യസിച്ചിട്ടുണ്ട്.
https://www.facebook.com/Malayalivartha