ജയ്പുരില് മലയാളി നഴ്സ് മരിച്ച നിലയില്
ജയ്പുരില് സ്വകാര്യ ആശുപത്രിയിലെ നഴ്സിങ് ട്യൂട്ടറായിരുന്ന യുവതി ദുരൂഹ സാഹചര്യത്തില് മരിച്ച നിലയില്. ചാത്തങ്കരി അമ്പൂരില് ടി.ടി. പ്രകാശിന്റെ മകള് സി.പി. ശ്യാമയാണ് (26) മരിച്ചത്. ഈ മാസം എട്ടിന് നാട്ടിലേക്കു വരാനായി അവധിയെടുത്തിരുന്നെങ്കിലും വീട്ടില് എത്തിയിരുന്നില്ല. അമ്മയ്ക്ക് നല്കാനായി ചില സമ്മാനങ്ങള് വാങ്ങിയിട്ടുണ്ടെന്ന് മകള് ഫോണില് പറഞ്ഞിരുന്നു. പക്ഷെ ഇനിയെത്തുന്നത് മകളുടെ ചേതനയറ്റ ശരീരമാണ്.
വിഷം ഉള്ളില് ചെന്ന് മരിച്ചതായാണ് പോലീസില് നിന്നു കിട്ടിയ വിവരം. ഇതു സംബന്ധിച്ച് ബന്ധുക്കള് തിരുവല്ല പോലീസില് പരാതി നല്കി. നഴ്സിങ് ബിരുദധാരിയായ ശ്യാമ ഈ വര്ഷം ആദ്യമാണ് ജയ്പുരിലെ അപ്പോളോ സ്പെക്ട്രം ആശുപത്രിയില് ജോലിക്കു ചേര്ന്നത്.
വിഷ്ണു എന്ന രാജസ്ഥാന് സ്വദേശിയുമായി ശ്യാമ പ്രണയത്തിലായിരുന്നുവെന്ന് ബന്ധുക്കള്ക്ക് അറിവു ലഭിച്ചിരുന്നു. ജയ്പുരിനടുത്തുള്ള കരോളി എന്ന ഗ്രാമത്തില് വിഷ്ണുവിന്റെ വീട്ടിലാണ് ശ്യാമയെ മരിച്ച നിലയില് കണ്ടതെന്നാണ് പോലീസ് നല്കിയ വിവരം. തുടര് നടപടികള്ക്കായി ബന്ധുക്കള് അവിടേക്കു പോയി.
https://www.facebook.com/Malayalivartha
