പിഞ്ചുകുഞ്ഞിനെ ഒരുനോക്കു കാണാനാവാതെ അവന് യാത്രയായി, ഭാര്യയും കുട്ടികളും എത്തുന്നതിന് മണിക്കൂറുകള്ക്ക് മുമ്പ് കുവൈറ്റില് മലയാളി യുവാവിന് ദാരുണാന്ത്യം
ഭാര്യയും കുഞ്ഞുങ്ങളും നാട്ടില് നിന്നു മടങ്ങി വരുന്നതിന് മണിക്കൂറുകള്ക്കു മുമ്പ് കുവൈറ്റില് മലയാളി യുവാവിനു ദാരുണാന്ത്യം. റാന്നി സ്വദേശിയായ ബിജു ജോര്ജ് (38) ആണ് മരിച്ചത്. ജോലിക്കിടയില് ഡ്രില് മെഷനില് നിന്നും വൈദ്യുതാഘാതമേറ്റാണ് ബിജു മരിച്ചത്.
പ്രിസ്മ അലുമിനിയം കമ്പിനിയിലെ ജോലിക്കാരനായിരുന്നു ബിജു. ഭാര്യയും കുട്ടികളും ഞായറാഴ്ച്ച ബിജുവിന്റെ അടുത്തേയ്ക്കു പോകാനിരിക്കേയാണ് മരണം സംഭവിച്ചത്. ഭര്ത്താവിന്റെ അടുക്കലേയ്ക്ക് മക്കളെയും കൊണ്ട് യാത്ര തിരിക്കുന്നത് വലിയ സ്വപ്നങ്ങള് കണ്ട അവള്ക്ക് തീരാവേദനയായി.
രണ്ടു കുഞ്ഞുങ്ങളേയും കൊണ്ട് ഇനി ഞാനെന്തു ചെയ്യുമെന്ന് അലമുറയിട്ടു കരയുന്ന അവളെ ആശ്വസിപ്പിക്കാനാവാതെ കുടുബാംഗങ്ങള് വീര്പ്പുമുട്ടുന്നു. ബിജുവിന്റെ ഇളയ കുഞ്ഞ് ജനിച്ചിട്ട് കുറച്ചു ദിവസമേ ആയിട്ടുള്ളൂ. മൂത്തകുട്ടിക്ക് മൂന്നു വയസാണ്.
https://www.facebook.com/Malayalivartha