ഇന്ത്യന് - ഏഷ്യന് വിദ്യാര്ഥികള്ക്കെതിരേ ഹാര്വഡ് യൂണിവേഴ്സിറ്റി അഡ്മിഷന് കാര്യത്തില് വിവേചനം നടത്തുന്നുവെന്ന പരാതിയില് ട്രമ്പ് ഭരണകൂടം അന്വേഷണം നടത്തും
ന്യൂയോര്ക്ക്: പ്രശസ്തമായ ഹാര്വഡ് യൂണിവേഴ്സിറ്റി അഡ്മിഷന് കാര്യത്തില് ഇന്ത്യന് - ഏഷ്യന് വിദ്യാര്ഥികളോട് വിവേചനം പുലര്ത്തുന്നുവെന്ന പരാതിയില് ട്രമ്പ് ഭരണകൂടം അന്വേഷണത്തിന് ഒരുങ്ങുന്നു. ഇന്ത്യന് അമേരിക്കന് സംഘടനകളും, ഏഷ്യന് ഗ്രൂപ്പുകളുമാണ് ഇതേപ്പറ്റി പരാതി നല്കിയിരുന്നത്. 2015 മേയില് 64 ഏഷ്യന് അമേരിക്കന് അസോസിയേഷനുകളുടെ കൂട്ടായ്മ നല്കിയ പരാതിയില് മുന് ഭരണകൂടം നടപടിയൊന്നും സ്വീകരിച്ചില്ലെന്നും, ജസ്റ്റിസ് ഡിപ്പാര്ട്ട്മെന്റ് ഇക്കാര്യത്തില് അന്വേഷണം ആരംഭിക്കുകയാണെന്നും ഡിപ്പാര്ട്ട്മെന്റിന്റെ വക്താവ് സാറാ ഇസ്ഗര് ഫ്ളോര്സ് അറിയിച്ചു.
ഗ്ലോബല് ഓര്ഗനൈസേഷന്സ് ഓഫ് ഇന്ത്യന് ഒറിജിന് (ഗോപിയോ), നാഷണല് ഫെഡറേഷന് ഓഫ് ഇന്ത്യന് അമേരിക്കന് അസോസിയേഷന്സ്, അമേരിക്കന് സൊസൈറ്റി ഓഫ് എന്ജിനിയേഴ്സ് ഓഫ് ഇന്ത്യന് ഒറിജിന് എന്നിവയുള്പ്പെടെ 64 സംഘടനകളാണ് പരാതി നല്കിയിരുന്നത്. എസ്.എ.ടി യില് പെര്ഫക്ട് സ്കോര് നേടുകയും, ഉന്നത ജി.പി.എ പുലര്ത്തുകയും, നേതൃത്വപരമായ കഴിവും പാഠ്യേതര കാര്യങ്ങളില് മികവും പുലര്ത്തുയും ചെയ്തിട്ടും നിരവധി ഏഷ്യന് അമേരിക്കന് വിദ്യാര്ഥികള്ക്ക് ഹാര്വഡ് യൂണിവേഴ്സിറ്റിയും, മറ്റ് ഐവി ലീഗ് കോളജുകളും അഡ്മിഷന് നിരസിക്കുകയാണെന്ന് പരാതിയില് പറയുന്നു.
ഇന്ത്യയിലെ സംവരണ വ്യവസ്ഥ പോലെ ഈ കോളജുകളില് ക്വോട്ട സമ്പ്രദായമുണ്ടെങ്കിലും ഇന്ത്യന് - ഏഷ്യന് വിദ്യാര്ഥികളുടെ ചെലവില് വെള്ളക്കാരായ വിദ്യാര്ഥികള്ക്ക് സഹായകമായ സംവിധാനമാണിതെന്ന് പറയപ്പെടുന്നു. അഡ്മിഷന് വേളയില് ഏഷ്യന് വിദ്യാര്ഥികള്ക്ക് മേല്ക്കോയ്മ കിട്ടാതിരിക്കാന് ഈ യൂണിവേഴ്സിറ്റികള് വെള്ളക്കാരായ വിദ്യാര്ഥികളേക്കാള് ഉയര്ന്ന അക്കാഡമിക് സ്റ്റാന്ഡേര്ഡ് ഇന്ത്യന് - ഏഷ്യന് വിദ്യാര്ഥികള്ക്ക് ഏര്പ്പെടുത്തുന്നുണ്ടെന്നും പരാതിയില് ചൂണ്ടിക്കാട്ടി. ഇന്ത്യന് - ഏഷ്യന് സംഘടനകള് നല്കിയ പരാതിയെപ്പറ്റി അന്വേഷിക്കുവാന് ട്രമ്പ് ഭരണകൂടം നടപടി എടുത്തതിനെ 'ഗോപിയോ' ഇന്റര്നാഷണല് ചെയര്മാന് തോമസ് ഏബ്രഹാം സ്വാഗതം ചെയ്തു. കോളജുകളിലെ ജനറല് ക്വോട്ട പൂര്ണമായും മെരിറ്റ് അടിസ്ഥാനത്തിലായിരിക്കണെമന്നും, വെള്ളക്കാരായ വിദ്യാര്ഥികള്ക്ക് ഇന്ത്യന് - ഏഷ്യന് വിദ്യാര്ഥികളേക്കാള് മുന്ഗണന കിട്ടുന്ന വ്യവസ്ഥ ഉണ്ടാകരുതെന്നും അദ്ദേഹം പറഞ്ഞു.
https://www.facebook.com/Malayalivartha