ദുബായിൽ നിന്ന്​ കാണാതായ തൃശൂര്‍ സ്വദേശി മരിച്ചതായി റിപ്പോർട്ട്. തിരൂര്‍ മാവുംകുന്ന്​ മ​ദ്രസക്ക്​ സമീപം പരേതനായ ഹംസക്കുട്ടിയുടെയും പാത്തുമ്മയുടെയും മകന്‍ ഷമീര്‍ ബാബു(37) ആണ്​ മരിച്ചത്​. അല്‍ഖൂസില്‍ പിക്കപ്പ്​ വാനില്‍ നിന്ന്​ ആഗസ്​റ്റ്​ 27ന്​ കണ്ടെത്തിയ മൃതദേഹം ഷമീര്‍ ബാബുവിന്റേതാണെന്ന് ചൊവ്വാഴ്​ചയാണ്​ ബന്ധുക്കള്‍ തിരിച്ചറിഞ്ഞത്​.

ഷമീര്‍ ബാബു ജോലി ചെയ്​തിരുന്ന സ്​ഥാപനം ഏതാനും മാസം മുമ്പ് പൂട്ടിയിരുന്നു. അതിനെ തുടർന്ന് ജോലിയും താമസ സ്​ഥലവും നഷ്​ടപ്പെട്ട ഷമീര്‍ പിക്കപ്പ്​ വാനിലാണ്​ ഉറങ്ങിയിരുന്നത്.

20 ദിവസം മുമ്പ്​ കാണാതായ ഷമീര്‍ ബാബുവിനായുള്ള അന്വേഷണത്തിനിടയില്‍​ ബര്‍ദുബൈ ​പൊലീസ്​ സ്​റ്റേഷനില്‍ എത്തിയ​പ്പോഴാണ്​ പൊലീസ്​ മോര്‍ച്ചറിയില്‍ അജ്​ഞാത മൃതദേഹം ഉള്ള വിവരം അറിയുന്നത്​. തുടര്‍ന്ന്​ മൃതദേഹം ബന്ധുക്കള്‍ തിരിച്ചറിയുകയായിരുന്നു. ഇൗ മാസം 27നാണ്​ മരണം സംഭവിച്ചതെന്ന്​ പൊലീസ്​ പറയുന്നു.