യുഎഇയില് നിന്നുള്ള ആദ്യ ഹജ്ജ് തീര്ഥാടക സംഘം ഇന്ന് ദുബായ് രാജ്യാന്തര വിമാനത്താവളത്തില്നിന്ന് സൗദിയിലേക്ക് യാത്ര തിരിക്കും
യുഎഇയില് നിന്നുള്ള ആദ്യ ഹജ്ജ് തീര്ഥാടക സംഘം ഇന്ന് ദുബായ് രാജ്യാന്തര വിമാനത്താവളത്തില്നിന്ന് സൗദിയിലേക്ക് യാത്ര തിരിക്കും. യുഎഇയില്നിന്ന് ഇത്തവണ 6626 തീര്ഥാടകരാണ് ഹജ് നിര്വഹിക്കാനുള്ള അവസരം ലഭിച്ചത്.
ഇതില് 2300 പേര് ദുബായ് രാജ്യാന്തര വിമാനത്താവളം വഴിയാണ് പോകുന്നതെന്ന് ദുബായ് എയര്പോര്ട്ട് ടെര്മിനല് മേധാവി മുഹമ്മദ് അല് മര്സൂഖി പറഞ്ഞു.പുറപ്പെടുന്ന സമയത്തില്നിന്നും നാലു മണിക്കൂര് മുന്പ് തീര്ഥാടകര് വിമാനത്താവളത്തില് എത്തണം.
സൗദി എയര്ലൈന്സ് ഒന്നാം ടെര്മിനലില്നിന്നും ഫ്ലൈ ദുബായ് രണ്ടാം ടെര്മിനലില്നിന്നും എമിറേറ്റ്സ് മൂന്നാം ടെര്മിനലില്നിന്നുമാണ് ഹജ് തീര്ഥാടകരെ കൊണ്ടുപോകുന്നത്. ശേഷിച്ചവര് അബുദാബി വിമാനത്താവളം വഴിയും കരമാര്ഗവും സൗദിയിലെത്തും. യാത്രയ്ക്കു 15 ദിവസം മുന്പ് പ്രതിരോധ കുത്തിവയ്പ് എടുക്കണമെന്നും ഇതിന്റെ കാര്ഡ് കൈവശം വയ്ക്കണമെന്നും ആരോഗ്യവിദഗ്ധര് നേരത്തെ നിര്ദേശിച്ചിരുന്നു.
പാസ്പോര്ട്ടിന്റെയും വീസയുടെയും കാലാവധി പരിശോധിച്ച് സാധുതയുള്ളതാണെന്ന് ഉറപ്പുവരുത്തണമെന്നും ഓര്മപ്പെടുത്തി. അവസാന നിമിഷം യാത്ര തടസപ്പെടാതിരിക്കാനാണ് മുന്നറിയിപ്പ്.
https://www.facebook.com/Malayalivartha
