സൗദി അറേബ്യയിലെ ജീസാനിലേക്ക് ഹൂതികള്‍ നടത്തിയ ആറ് ബാലിസ്റ്റിക് മിസൈലുകള്‍ സൗദി സഖ്യസേന തകര്‍ത്തു യമനിലെ സഅദ പ്രവിശ്യയില്‍ നിന്നാണ്. മിസൈല്‍ തൊടുത്തത്. ജിസാനിലെ ജനവാസമേഖലകള്‍ ലക്ഷ്യമാക്കിയുള്ളളതായിരുന്നു ഇവ. ഞായറാഴ്ചയാണ് സംഭവം. അതേ സമയം അബ്ഹയിലെ ഖമീസ് മുശൈത്ത് ലക്ഷ്യമാക്കി ഞായറാഴ്ച രാവിലെ ഹൂതികള്‍ ഡ്രോണ്‍ ആക്രമണം നടത്തിയിരുന്നു. സൗദി വ്യോമപ്രതിരോധ സംവിധാനം ഉപയോഗിച്ചാണ്. ഡ്രോണുകളും മിസൈലുകളും പ്രതിരോധിച്ചത്. നാല് ദിവസമായി അബ്ഹയിലേക്കും ജീസാനിലേക്കും തുടര്‍ച്ചയായി ഡ്രോണ്‍ ആക്രമണങ്ങള്‍ നടക്കുകയാണ്. അതിനിടെയാണ് ആറ് ബാലിസ്റ്റിക് മിസൈലുകള്‍ സൗദിക്ക് നേരെ വന്നത്. കുറച്ചുകാലമായി ഡ്രോണുകളാണ് ഹൂതികള്‍ സൗദിയിലേക്ക് ആക്രമണം നടത്താന്‍ ഉപയോഗിക്കുന്നത്. സൗദി സഖ്യസേന വക്താവ് കേണല്‍ തുര്‍ക്കി അല്‍ മാലിക്കി ബാലിസ്റ്റിക് മിസൈല്‍ ആക്രമണം സ്ഥിരീകരിച്ചു.
പോയ വാരം സൗദി യുഎഇ അതിര്‍ത്തിയിലെ അരാംകോ സ്‌റ്റേഷന്‍ ലക്ഷ്യമാക്കി ഹൂതികള്‍ തുടരെ ഡ്രോണുകളയച്ചിരുന്നു.

ഇതില്‍ സ്‌റ്റേഷനില്‍ തീപിടുത്തമുണ്ടായി. ഇതിന് പിന്നാലെയാണ് ഹൂതികള്‍ക്കെതിരെ സൗദി സൈന്യം നടപടി ശക്തമാക്കിയത്. സന്‍ആയില്‍ ഹൂതികളുടെ ആയുധപ്പുരകള്‍ സഖ്യസേന തകര്‍ത്തു. പിന്നാലെ സൗദിക്ക് നേരെ ഡ്രോണ്‍ ആക്രമണം തുടങ്ങി. നാല് ദിവസത്തിനിടെ ഡ്രോണുകള്‍ ഏറ്റവും കൂടുതലെത്തിയത് യമന്‍ അതിര്‍ത്തിയോട് ചേര്‍ന്നുള്ള ഖമീസ് മുശൈത്തിലാണ്. തുടരെയുള്ള ആക്രമണ ശ്രമങ്ങളെ സൈന്യം വിജയകരമായി തടയുന്നതായി സഖ്യസേനാ വക്താവ് അറിയിച്ചു. എല്ലാ അന്താരാഷ്ട്ര നിയമങ്ങളും കാറ്റില്‍ പറത്തിയാണ് ഇറാന്‍ പിന്തുണയോടെ ഹുതികള്‍ സൗദിക്ക് നേരെ ആക്രമണം നടത്തുന്നത് എന്ന് സഖ്യസേന കുറ്റപ്പെടുത്തി. കഴിഞ്ഞ മാസവും സൗദി അരാംകോയുടെ എണ്ണപ്പാടത്തിന് നേരെ ഹൂതികളുടെ ഡ്രോണ്‍ ആക്രമണനടത്തിയിരുന്നു. അന്ന് രാവിലെ യാണ് ആക്രമണം ഉണ്ടായത്. അല്‍ശൈബ എണ്ണപ്പാടത്തിന് നേരെ സ്‌ഫോടക വസ്തുക്കള്‍ നിറച്ചെത്തിയ ഡ്രോണ്‍ ആക്രമണം നടത്തുകയായിരുന്നു. ആക്രമണത്തെ തുടര്‍ന്ന് ഇവിടുത്തെ പ്രകൃതി വാതക യൂണിറ്റിന് തീപിടിച്ചിരുന്നു

കഴിഞ്ഞ മാസമുണ്ടായ ആക്രമണല്‍ ആളപായമൊന്നും ഇല്ല എന്ന് അധികൃതര്‍ അറിയിച്ചിരുന്നു. ഉടന്‍തന്നെ തീ നിയന്ത്രണ വിധേയമാക്കിയതിനാല്‍ പെട്രോളിയം ഉല്‍പാദനത്തെയോ കയറ്റുമതിയെയോ ബാധിച്ചിട്ടില്ലെന്നും സൗദി ഊര്‍ജ മന്ത്രി എഞ്ചിനീയര്‍ ഖാലിദ് അല്‍ ഫാലിഹ് വ്യക്തമാക്കിയിരുന്നു. സംഭവത്തെ സൗദി അറേബ്യ ശക്തമായി അപലപിച്ചിരുന്നു. സൗദിയിലെ എണ്ണ പൈപ്പ് ലൈനുകളെയും അറേബ്യന്‍ ഗള്‍ഫിലൂടെയുള്ള എണ്ണക്കപ്പലുകളെയും ലക്ഷ്യമിട്ട് നേരത്തെ നടന്ന ആക്രമണങ്ങളുടെ തുടര്‍ച്ചയാണിതെന്നും അന്താരാഷ്ട്ര എണ്ണ വിതരണ സംവിധാനത്തിന്റെ സുരക്ഷക്ക് പോലും ഹൂതികള്‍ ഭീഷണിയാണെന്നും സൗദി ആരോപിക്കുകയുണ്ടായി.