പാകിസ്താനെതിരെ മുസ്ലിം രാജ്യങ്ങളെ അണിനിരത്തുക എന്ന ഇന്ത്യയുടെ ആദ്യ പരിശ്രമം വിജയകരമായ വാര്‍ത്തയാണ് സൗദിയില്‍ നിന്നും പുറത്തുവരുന്നത്, കശ്മീര്‍ വിഷയം മുഖ്യ ചര്‍ച്ചാവിഷയമായ സൗദി കിരീടാവകാശിയുമായുള്ള സുരക്ഷാ ഉപദേഷ്ടാവ് അജിത്ത് ഡോവലുമായുള്ള ചര്‍ച്ചയില്‍ നിര്‍ണായക തീരുമാനം ഉണ്ടായതായാണ് വിവരം. രണ്ടുമണിക്കൂര്‍ നീണ്ട കൂടിക്കാഴ്ചയായിരുന്നു കഴിഞ്ഞ ദിവസം നടന്നത് കഴിഞ്ഞ മാസം കശ്മീര്‍ വിഷയവുമായി ബന്ധപ്പെട്ട് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ സൗദി രാജകുമാരനെ കണ്ടതിന് പിന്നാലെയായിരുന്നു അജിത് ഡോവലിന്റെ ഈ സന്ദര്‍ശനം. സൗദി കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനുമായി ദേശീയ സുരക്ഷാ ഉപദേഷ്ടാവ് അജിത് ഡോവലുമായി നടത്തിയ കൂടിക്കാഴ്ച ലോക മാധ്യമങ്ങള്‍ ഏറെ വാര്‍ത്താ പ്രാധാന്യത്തോടെയാണ് നോക്കിക്കാണുന്നത്. ഇന്ത്യയും സൗദിയും തമ്മിലുള്ള ഉഭയകക്ഷി സഹകരണം ശക്തിപ്പെടുത്തുന്നതിന്റെ ഭാഗമായി രണ്ടുമണിക്കൂര്‍ നീണ്ടു നിന്ന കൂടിക്കാഴ്ചയില്‍ കശ്മീര്‍ വിഷയമടക്കം മേഖലയിലെ പല വിഷയങ്ങളും ഇരുവരും ചര്‍ച്ച ചെയ്തു.ചൊവ്വാഴ്ചയാണ് അജിത് ഡോവല്‍ സൗദിയിലേക്ക് തിരിച്ചത്. കഴിഞ്ഞ മാസം കശ്മീര്‍ വിഷയവുമായി ബന്ധപ്പെട്ട് പാകിസ്ഥാന്‍ പ്രധാനമന്ത്രി ഇമ്രാന്‍ ഖാന്‍ സൗദി രാജകുമാരനെ കണ്ടതിന് പിന്നാലെയായിരുന്നു അജിത് ഡോവലിന്റെ സന്ദര്‍ശനം. ജമ്മു കശ്മീരിലെ ഇന്ത്യന്‍ നീക്കങ്ങളോട് അനുകൂലമായ പ്രതികരണം സൗദി രാജകുമാരന്റെ ഭാഗത്ത് നിന്നുമുണ്ടായതായാണ് റിപ്പോര്‍ട്ട്.

ആഗസ്റ്റിലാണ് കശ്മീരിന് പ്രത്യേക പദവി നല്‍കിയിരുന്ന ഭരണഘടനാ അനുച്ഛേദം 370 സര്‍ക്കാര്‍ എടുത്തുകളഞ്ഞത്. തുടര്‍ന്ന് ജമ്മുകശ്മീരിനെ രണ്ട് കേന്ദ്രഭരണപ്രദേശങ്ങളാക്കി പ്രഖ്യാപിക്കുകയും ചെയ്തു. കശ്മീരിന്റ പ്രത്യേക പദവി എടുത്തുകളഞ്ഞതിന് പിന്നാലെ ഇന്ത്യയും പാകിസ്ഥാനും തമ്മിലുള്ള ബന്ധം വഷളകാന്‍ തുടങ്ങിയത്. കശ്മീര്‍ വിഷയത്തില്‍ ഇടപ്പെടണമെന്ന് ഇമ്രാന്‍ ഖാന്‍ യുഎന്നിനെ സമീപിച്ചിരുന്നുന്നെങ്കിലും ഇരുവരും ചര്‍ച്ച ചെയ്ത് പ്രശ്നത്തിന് പരിഹാരം കാണണമെന്നായിരുന്നു യുഎന്നിന്റെ തീരുമാനം. കശ്മീര്‍ വിഷയത്തില്‍ ലോകരാഷ്ട്രങ്ങളുടെ പിന്തുണ നേടാനുള്ള ഇമ്രാന്‍ ഖാന്റെ ശ്രമങ്ങളെല്ലാം പരാജയപ്പെട്ടിരുന്നു. വിഷയത്തില്‍ ഇന്ത്യയുമായി ചര്‍ച്ച നടത്താമെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ് അറിയിച്ചിരുന്നെങ്കിലും ആരുടെയും ഇടപെടല്‍ ആവശ്യമില്ലെന്ന് ഇന്ത്യ വ്യക്തമാക്കുകയായിരുന്നു. ചൈന മാത്രമാണ് പാകിസ്ഥാന്റെ നിലപാടിനെ പിന്തുണച്ച് രംഗത്തെത്തിയ ഒരേയൊരു രാജ്യം.

അതുപോലെതന്നെ ഇന്ത്യ സൗദി ബന്ധം ഇപ്പോള്‍ കൂടുതല്‍ ഊര്‍ജ്ജിതമാകുകയാണ്. നരേന്ദ്ര മോദിയുടെ കഴിഞ്ഞ ദിവസത്തെ സന്ദര്‍ശനത്തില്‍ അത് പ്രകടമാകുകയും ചെയ്തു. സൗദി അറേബ്യ ഇന്ത്യയില്‍ വന്‍ നിക്ഷേപത്തിനൊരുങ്ങുന്നു എന്നതുതന്നെ ഒരു മാറ്റത്തിന്റെ ലക്ഷണമായി വിലയിരുത്തപ്പെടുന്നു. അടിസ്ഥാന സൗകര്യ വികസനം അടക്കമുള്ള മേഖലകളില്‍ നൂറു കോടി യുഎസ് ഡോളറിന്റെ നിക്ഷേപം നടത്താനാണ് തീരുമാനം. പ്രധാനമന്ത്രി നരേന്ദ്രമോദി അടുത്തമാസം സൗദി സന്ദര്‍ശിക്കാനിരിക്കെയാണ് നിര്‍ണായക തീരുമാനം. ഇന്ത്യയുമായി മികച്ചതും ദീര്‍ഘവുമായ ബന്ധം തുടരാനാഗ്രഹിക്കുന്നതിന്റെ ഭാഗമായാണ് വ്യവസായ നിക്ഷേപത്തിനൊരുങ്ങുന്നതെന്നു ഇന്ത്യയിലെ സൗദി സ്ഥാനപതി സൗദ് ബിന്‍ മുഹമ്മദലി സാദി വ്യക്തമാക്കി. പെട്രോകെമിക്കല്‍, അടിസ്ഥാന സൗകര്യ വികസനം, മൈനിംഗ്, ഊര്‍ജം, കാര്‍ഷികം തുടങ്ങിയ മേഖലകളിലാണ് ഏഴു ലക്ഷം കോടിരൂപയുടെ നിക്ഷേപം. ഇന്ത്യയും സൗദിയും തമ്മില്‍ 40 രംഗങ്ങളില്‍ സംയുക്ത പങ്കാളിത്തത്തിനും നിക്ഷേപത്തിനുമുള്ള സാധ്യതകള്‍ തിരിച്ചറിഞ്ഞിട്ടുണ്ട്. സൗദി കിരീടാവകാശി മുഹമ്മദ് ബിന്‍ സല്‍മാന്റെ വിഷന്‍ 2030 പദ്ധതിയുടെ ഭാഗമായാണ് വന്‍ നിക്ഷേപത്തിനു വഴിയൊരുങ്ങുന്നത്. സൗദി അരാംകോയും റിലയന്‍സുമായുള്ള പങ്കാളിത്തം ഇന്ത്യയുമായുള്ള സൗദിയുടെ ഉഭയകക്ഷി ബന്ധം കൂടുതല്‍ കരുത്തുറ്റതാക്കിയെന്നു സൗദ് ബിന്‍ മുഹമ്മദലി സാദി പറഞ്ഞു. അടുത്തമാസം 27, 28 തിയതികളിലാണ് പ്രധാനമന്ത്രി നരേന്ദ്രമോദി സൗദി സന്ദര്‍ശിക്കുന്നത്. വ്യാപാരവ്യവസായ രംഗങ്ങളിലടക്കം വിവിധ കരാറുകളില്‍ ഇരുരാജ്യങ്ങളും ഒപ്പുവയ്ക്കുമെന്നാണ് സൂചന.