ഒടുവിൽ മ​സ്​​ക​ത്ത് വിമാനത്താവളത്തെ തേടി മറ്റൊരു ബഹുമതികൂടി എത്തിയിരിക്കുകയാണ്. കൂ​ടു​ത​ൽ രാ​ജ്യ​ങ്ങ​ളി​ലേ​ക്ക്​ നേ​രി​ട്ടു​ള്ള സ​ർ​വി​സു​ക​ളു​ള്ള പ​ശ്ചി​മേ​ഷ്യ​യി​ലെ ആ​ദ്യ പ​ത്ത്​ വി​മാ​ന​ത്താ​വ​ള​ങ്ങ​ളു​ടെ നി​ര​യി​ൽ സ്ഥാനം പിടിച്ചിരിക്കുകയാണ് മ​സ്​​ക​ത്തും. ആ​ദ്യ പ​ത്ത്​ വി​മാ​ന​ത്താ​വ​ള​ങ്ങ​ളു​ടെ നി​ര​യി​ൽ സ്ഥാനം പിടിച്ച മസ്കത്താകട്ടെ വി​മാ​ന​ത്താ​വ​ള​ങ്ങ​ളു​ടെ ക​ണ​ക്​​ടി​വി​റ്റി​യു​മാ​യി ബ​ന്ധ​പ്പെ​ട്ട ഒ.​എ.​ജി മെ​ഗാ​ഹ​ബ്​​സ്​ സൂ​ചി​ക​യി​ൽ മ​സ്​​ക​ത്തി​ന്​ ഒ​മ്പ​താം സ്​​ഥാ​ന​മാ​ണു​ള്ള​ത്.

60 ശ​ത​മാ​ന​വും ദേ​ശീ​യ വി​മാ​ന ക​മ്പ​നി​യാ​യ ഒ​മാ​ൻ എ​യ​ർ സ​ർ​വി​സ്​ ന​ട​ത്തു​ന്ന മ​സ്​​ക​ത്ത്​ വി​മാ​ന​ത്താ​വ​ള​ത്തി​ന്​ ക​ണ​ക്​​ടി​വി​റ്റി സൂ​ചി​ക​യി​ൽ 50 പോ​യ​ൻ​റാ​ണു​ള്ള​ത്. ഇ​ന്ത്യ, യു.​എ.​ഇ, സൗ​ദി അ​റേ​ബ്യ തു​ട​ങ്ങി 27 രാ​ജ്യ​ങ്ങ​ളി​ലേ​ക്കാ​ണ്​ മ​സ്​​ക​ത്ത്​ വി​മാ​ന​ത്താ​വ​ള​ത്തി​ൽ​നി​ന്ന്​ സീ​സ​ണ​ൽ സ​ർ​വി​സു​ക​ളു​ള്ള​ത്.

അ​സ​ർ​ബൈ​ജാ​ൻ, ജോ​ർ​ജി​യ എ​ന്നി​വി​ട​ങ്ങ​ളി​ലേ​ക്ക്​ സീ​സ​ണ​ൽ സ​ർ​വി​സു​ക​ളും ഉ​ണ്ട്. ജൂ​ൺ അ​വ​സാ​ന​ത്തെ ക​ണ​ക്കു​പ്ര​കാ​രം 52,220 അ​ന്താ​രാ​ഷ്​​ട്ര സ​ർ​വി​സു​ക​ളാ​ണ്​ മ​സ്​​ക​ത്ത്​ വി​മാ​ന​ത്താ​വ​ള​ത്തി​ൽ കൈ​കാ​ര്യം ചെ​യ്​​ത​ത്. 73.73 ല​ക്ഷ​മാ​ണ്​ ആ​ദ്യ ആ​റു​മാ​സ​ങ്ങ​ളി​ലെ യാ​ത്രി​ക​രു​ടെ എ​ണ്ണം. ഇ​ന്ത്യ​യി​ൽ​നി​ന്നാ​ണ്​ കൂ​ടു​ത​ൽ വി​മാ​ന​ങ്ങ​ൾ എ​ത്തി​യ​തും പു​റ​പ്പെ​ട്ട​തും. ബം​ഗ്ലാ​ദേ​ശും പാ​കി​സ്​​താ​നു​മാ​ണ്​ ര​ണ്ടും മൂ​ന്നും സ്​​ഥാ​ന​ങ്ങ​ളി​ൽ. ഒ​മാ​ൻ എ​യ​ർ യാ​ത്രി​ക​രു​ടെ എ​ണ്ണം ക​ഴി​ഞ്ഞ വ​ർ​ഷ​ത്തെ അ​പേ​ക്ഷി​ച്ച്​ 14 ശ​ത​മാ​നം ഉ​യ​ർ​ന്നു. ആ​ഗോ​ള ത​ല​ത്തി​ലെ 200 വി​മാ​ന​ത്താ​വ​ള​ങ്ങ​ളെ ഉ​ൾ​പ്പെ​ടു​ത്തി​യാ​ണ്​ സൂ​ചി​ക ത​യാ​റാ​ക്കി​യി​ട്ടു​ള്ള​ത്. ല​ണ്ട​നി​ലെ ഹീ​ത്രു വി​മാ​ന​ത്താ​വ​ള​മാ​ണ്​ ആ​ഗോ​ള​ത​ല​ത്തി​ൽ ഒ​ന്നാ​മ​ത്. രാജ്യത്തെ ഏറ്റവും തിരക്കേറിയ ഹീത്രു വിമാനത്താവളം അടച്ചുപൂട്ടല്‍ അവസ്ഥയിലേയ്ക്ക് എത്തിപ്പെട്ട ഒന്നായിരുന്നു. നാലായിരത്തോളം ജീവനക്കാരുടെ സമരം മൂലമാണ് വിമാനത്താവളം അടച്ചുപൂട്ടല്‍ ഭീഷണി നേരിട്ടത്. ജ​ർ​മ​നി​യി​ലെ ഫ്രാ​ങ്ക്​​ഫ​ർ​ട്ട്​ ആ​ണ്​ ര​ണ്ടാം​സ്​​ഥാ​ന​ത്ത്.

വിമാനത്താവളങ്ങളോട് യാത്രക്കാർക്ക് മടുപ്പ് തോന്നിപ്പിക്കുന്ന പല ഘടകങ്ങളുണ്ട്. വൃത്തി, ജീവനക്കാരുടെ പെരുമാറ്റം, അടിസ്ഥാന സൗകര്യങ്ങൾ, സുരക്ഷ, ടെർമിനലിലെ സൗകര്യങ്ങൾ, വൈഫൈ തുടങ്ങി വിമാനങ്ങളുടെ സമയക്രമം പാലിക്കൽ വരെ അതിൽപ്പെടും. ആ നിലയ്ക്കുള്ള സർവേയിൽ ലോകത്തെ ഏറ്റവും മോശം വിമാനത്താവളമായി 2017 ൽ തിരഞ്ഞെടുക്കപ്പെട്ടത് കുവൈറ്റ് എയർപോർട്ട്. സേവനങ്ങളിലും വിമാനങ്ങളുടെ കൃത്യനിഷ്ഠയിലും ഏറെ പിന്നിലാണ് കുവൈറ്റ്. ലോകത്തെ 76 അന്താരാഷ്ട്ര വിമാനത്താവളങ്ങളെ ഉൾപ്പെടുത്തി എയർഹെൽപ്പ് എന്ന സ്ഥാപനമായിരുന്നു അന്ന് സർവേ നടത്തിയത്.