പ്രവാസികള്ക്ക് വന് തിരിച്ചടി. 50 വയസ്സ് കഴിഞ്ഞവരെ പിരിച്ചുവിടാം. ഒറ്റ കണ്ടീഷന് മാത്രം നോക്കിയാല് മതിയെന്നും സര്ക്കാര് ഉത്തരവ്.
പ്രവാസികള് വമ്പന് തിരിച്ചടിയാകുന്നതും എന്നാല് ബിസിനസ് ഉടമകള്ക്ക് തീര്ത്തും അനുകൂലമായതുമായ പ്രഖ്യാപനവുമായി അബുദാബി ഭരണകൂടം. കമ്പനികളില് ജോലി ചെയ്യുന്ന 50 വയസ്സിന് മുകളില് പ്രായമുള്ള ജീവനക്കാരെ പിരിച്ചുവിടാനാണ് അബുദാബി ഡിപ്പാര്ട്ട്മെന്റ് ഓഫ് ഇക്കണോമിക്സ് ഡവലപ്പ്മെന്റ് അനുമതി നല്കിയിട്ടുള്ളത്. അബുദാബിയിലെ തൊഴിലാളികളുടെ അവകാശങ്ങള് സംരക്ഷിക്കുക എന്ന കാഴ്ചപ്പാടിനൊപ്പം നിലവിലെ സാഹചര്യത്തില് കൊറോണ വൈറസ് പ്രതിസന്ധി മറികടക്കുന്നതിന് കൂടി വേണ്ടിയാണ് നീക്കമെന്നാണ് അദികൃതരുടെ വിശദീകരണം. തൊഴിലാളികളെ പിരിച്ചുവിടാന് ആഗ്രഹിക്കുന്ന ജീവനക്കാര് അതാത് സ്ഥാപനങ്ങളുമായി സഹകരിക്കാനും അബുദാബി അബുദാബി ഡിപ്പാര്ട്ട്മെന്റ് ഓഫ് ഇക്കണോമിക്സ് ഡവലപ്പ്മെന്റ് വ്യക്തമാക്കിയിട്ടുണ്ട്. മന്ത്രാലായം ബിസിനസ് ഉടമകള്ക്ക് ഇ-മെയിലിലൂടെ അയച്ച പ്രസ്താവനയില് ജീവനക്കാരുടെ യാത്രാ ചെലവ് കമ്പനികള് വഹിക്കണമെന്നും നിര്ദേശിച്ചിട്ടുണ്ട്.
ഇത്തരത്തില് മടക്കിയയ്ക്കാന് തീരുമാനിച്ചിട്ടുള്ള 50 വയസ്സിന് മുകളിലുള്ള ജീവനക്കാരുടെ വിവരങ്ങള് സമര്പ്പിക്കാനും അബുദാബി സാമ്പത്തികകാര്യ വികസന മന്ത്രാലയം നിര്ദേശിച്ചിട്ടുണ്ട്. പിരിച്ചുവിടുന്നവര്ക്ക് അവരുടെ രാജ്യങ്ങളിലേക്ക് മടങ്ങിപ്പോകുന്നിനുള്ള ചെലവ് കമ്പനി നല്കണം. നിലവിലെ സാഹചര്യത്തില് അവര്ക്ക് അനിശ്ചിത കാലത്തേക്ക് അവധി നല്കാനും കമ്പനികള്ക്ക് നിര്ദേശമുണ്ട്. അതുവരെ അവരെ എളുപ്പത്തില് കണ്ടെത്തുന്നതിനും ലക്ഷ്യ സ്ഥാനങ്ങളിലേക്ക് എത്തിക്കുന്നതിനും സാധിക്കുമെന്നും അബുദാബി ഡിപ്പാര്ട്ട്മെന്റ് ഓഫ് ഇക്കണോമിക്സ് ഡവലപ്പ്മെന്റ് പറയുന്നു. കൊറോണ വൈറസിന്റെ പരിണിത ഫലങ്ങളുടെ തീവ്രത കുറയ്ക്കുന്നതിന് വേണ്ടിയാണ് യുഎഇ ഇത്തരം നടപടികള് സ്വീകരിക്കുന്നതെന്നാണ് ഔദ്യോഗിക വൃത്തങ്ങളുടെ വിശദീകരണം.
അതിനിടെ, അബുദാബിയില് ജീവനക്കാര്ക്കായി സൌജന്യ കൊറോണ വൈറസ് പരിശോധനാ സംവിധാനവും ഒരുക്കിയിട്ടുണ്ട്. ജീവനക്കാര്ക്കായി രണ്ട് തരത്തിലുള്ള കൊറോണ വൈറസ് പരിശോധനകള് ആരംഭിച്ചതായി ഇക്കണോമിക്സ് ഡവലപ്പ്മെന്റ് വകുപ്പ് സോഷ്യല് മീഡിയ വഴി പ്രഖ്യാപിച്ചിരുന്നു. കൊറോണ വൈറസ് രോഗലക്ഷണങ്ങളായ കടുത്ത പനി, ചുമ, ശ്വാസതടസ്സം എന്നിവ അനുഭവപ്പെടുന്ന 50 വയസ്സിന് മുകളിലുള്ള ജീവനക്കാര് ക്ലിനിക്കുകളുമായി ബന്ധപ്പെട്ട് സ്ക്രീനിംഗിന് വിധേയരാകാനും ആവശ്യപ്പെട്ടിട്ടുണ്ട്. രോഗലക്ഷണങ്ങളുള്ള അല്ലാത്തവരും ക്ലിനിക്കുകളിലെത്തി പരിശോധനകള് നടത്തണമെന്നും അറിയിച്ചിട്ടുണ്ട്. നിയമസാധുതയില്ലാത്ത റസിഡന്റ് വിസകള് ഇല്ലാത്തവര് ഉള്പ്പെടെ എല്ലാവര്ക്കും സൌജന്യ പരിശോധാ സംവിധാനം ലഭിക്കുമെന്നും ഡിപ്പാര്ട്ട്മെന്റ് സോഷ്യല് മീഡിയയിലൂടെ വ്യക്തമാക്കിയിട്ടുണ്ട്.
https://www.facebook.com/Malayalivartha
