പ്രവാസികളെ വ്യാഴാഴ്ച്ച മുതല് നാട്ടിലെത്തിക്കാന് കേന്ദ്ര സര്ക്കാര് തീരുമാനം; 14 ദിവസം നിര്ബന്ധിത ക്വാറന്റൈനില് കഴിയണം
കോവിഡ് 19 നെ തുടര്ന്ന് ലോക്ക് ഡൗണ് പ്രഖ്യാപിച്ചതോടെ വിവിധ വിദേശ രാജ്യങ്ങളില് കുടുങ്ങി പോയ പ്രവാസികളെ മേയ് ഏഴുമുതല് ഇന്ത്യയിലെത്തിക്കാന് കേന്ദ്ര സര്ക്കാര് തീരുമാനം. നാട്ടിലേക്ക് വരുന്നവര് ടിക്കറ്റ് ചാര്ജ് നല്കണമെന്നും കേന്ദ്രത്തിന്റെ നിര്ദ്ദേശങ്ങളില് പറയുന്നു. കപ്പലുകളും സൈനിക വിമാനങ്ങളും വാണിജ്യവിമാനങ്ങളും ഉപയോഗിച്ചാവും പ്രവാസികളെ ഇന്ത്യയിലേക്ക് എത്തിക്കുക.
മുന്ഗണന അനുസരിച്ചാവും പ്രവാസികളെ തിരികെ കൊണ്ട് വരിക. ഇതിനായി പ്രവാസികളുടെ പട്ടിക ഇന്ത്യന് എംബസികളും ഹൈക്കമ്മീഷനുകളും ചേര്ന്ന് തയ്യാറാക്കും. ഇവര് ഏതു രാജ്യത്തുനിന്നാണോ കപ്പലിലോ വിമാനത്തിലോ കയറുന്നത് അവിടെ വെച്ചു തന്നെ അവരുടെ പൂര്ണ വൈദ്യപരിശോധന നടത്തും. കോവിഡ് ഇല്ലെന്ന് ഉറപ്പാക്കിയതിനു ശേഷം മാത്രമേ യാത്രയ്ക്ക് അനുവദിക്കുകയുള്ളൂ.
ഇന്ത്യയിലെത്തിച്ച ശേഷം ഇവരെ വിവിധ സംസ്ഥാനങ്ങളില് സജ്ജമാക്കിയ ക്വാറന്റൈന് കേന്ദ്രങ്ങളിലേക്ക് മാറ്റും. 14 ദിവസം നിര്ബന്ധമായും ക്വാറന്റൈനില് കഴിയണം. അതേസമയം, ആരോഗ്യസേതു ആപ്പ് ഇന്സ്റ്റാള് ചെയ്ത ശേഷം വേണം രാജ്യത്തേക്ക് എത്തണമെന്നും നിര്ദ്ദേശമുള്ളതായാണ് റിപ്പോര്ട്ട്.
https://www.facebook.com/Malayalivartha
