ഇഖാമ പുതുക്കാൻ മാത്രമായി ഇന്ഷുറന്സ് എടുക്കുകയും പുതുക്കുകയും ചെയ്തിരുന്ന രീതി നിർത്തിക്കോ....! സൗദിയിൽ ഹെല്ത്ത് ഇന്ഷൂറന്സില്ലാത്ത ജീവനക്കാരെ കണ്ടെത്താന് കർശന പരിശോധന, പിടിവീണാൽ 2000 റിയാല് മുതല് 20000 റിയാല് വരെ പിഴ
സൗദിയിൽ നിയമം ലംഘിക്കുന്നവർക്കെതിരെ കർശന നടപടിയാണ് സ്വീകരിക്കുന്നത്. അതിപ്പോൾ പ്രവാസികൾളെന്നില്ല,വിദേശികളെന്നില്ല സ്വദേശികളെന്നില്ല ഇവിടെ നിയമം എല്ലാവരും അനുസരിച്ചേ...മതിയാകൂ....ഇല്ലെങ്കിൽ കടുത്ത ശിക്ഷയും പിഴയുമാണ് സമ്മാനം.
സ്വകാര്യ മേഖലയിലാകും മിക്ക പ്രവാസികളും തൊഴിൽ ചെയ്യുന്നത്. എന്നാൽ ജോലി ചെയ്യുന്ന പല പ്രവാസികൾക്ക് കമ്പനി നൽകേണ്ടതായ പല ആനുകൂല്യങ്ങളും നിഷേധിക്കുന്നുവെന്ന് പരക്കെ പരാതി ഉയരുന്നുണ്ട്. ഇപ്പോൾ സൗദി അറേബ്യയില് സ്വകാര്യ മേഖലയിലെ സ്ഥാപനങ്ങളില് ഹെല്ത്ത് ഇന്ഷൂറന്സില്ലാത്ത ജീവനക്കാരെ കണ്ടെത്താന് പരിശോധന നടത്തുകയാണ്.
പ്രവാസികളുടെ ഉൾപ്പെടെ ഉടമസ്ഥതയിലുള്ള സ്ഥാപനങ്ങളിലാണ് പരിശോധന. സൗദി ഇന്ഷൂറന്സ് കൗണ്സിലുമായി സഹകരിച്ചാണ് ഹെല്ത്ത് ഇന്ഷൂറന്സില്ലാത്ത ജീവനക്കാരെ കണ്ടെത്താൻ പരിശോധന നടത്തിവരുന്നത്.
സ്ഥാപനങ്ങളുടെ വലിപ്പമനുസരിച്ച് ഓരോ ജീവനക്കാരനും 2000 റിയാല് മുതല് 20000 റിയാല് വരെയാണ് പിഴ ഈടാക്കാകുക. സ്ഥാപനത്തിലെ ഒരു ജീവനക്കാരന് ഇന്ഷൂറന്സ് പുതുക്കണമെങ്കില് എല്ലാ ജീവനക്കാര്ക്കും ഇന്ഷൂറന്സ് ഉണ്ടാകണമെന്ന ചട്ടവും നിലവിലുണ്ട്.
51 ല് അധികം ജീവനക്കാരുള്ള എ കാറ്റഗറി സ്ഥാപനങ്ങള്ക്ക് ഒരാള്ക്ക് ഇരുപതിനായിരം റിയാല് വീതവും, 11 മുതല് 50 വരെ ജീവനക്കാരുള്ള ബി കാറ്റഗറി സ്ഥാപനങ്ങളില് 5000 റിയാലും, പത്തില് താഴെ ജീവനക്കാരുള്ള സ്ഥാപനങ്ങളില് 2000 റിയാലുമാണ് പിഴ ചുമത്തുക.
സ്ഥാപനങ്ങളില് പരിശോധനക്കെത്തുന്ന ഉദ്യോഗസ്ഥരാണ് ഇന്ഷുറന്സ് പരിരക്ഷ പരിശോധിച്ച് ഉറപ്പു വരുത്തുന്നത്. സി.സി.എച്ച്.ഐയുമായി ബന്ധിപ്പിക്കുന്ന നടപടി വേഗത്തിലാക്കാന് നിരന്തരമായി കാമ്പയിന് നടത്തിവരികയാണെന്നും തൊഴില് മന്ത്രാലയം അറിയിച്ചു.
സ്ഥാപനത്തില് ആര്ക്കൊക്കെ ആരോഗ്യ ഇന്ഷുറന്സ് ഇല്ല എന്നത് കണ്ടെത്തുന്നതിന്റെ ഭാഗമായാണ് നടപടി. ഇതിനായി സ്ഥാപനങ്ങളെ സൗദി ഇന്ഷുറന്സ് അതോറിറ്റിയായ കൗണ്സില് ഓഫ് കോഓപറേറ്റീവ് കൗണ്സിലുമായി ബന്ധിപ്പക്കുന്ന നടപടി പുരോഗമിക്കുകയാണ്.
ജീവനക്കാര്ക്ക് ഇന്ഷുറന്സ് പരിരക്ഷയില്ലെങ്കില് തൊഴിലുടമക്കെതിരെയാണ് പിഴ ചുമത്തുക. സ്വദേശികളും വിദേശികളുമായ ജീവനക്കാര്ക്കും അവരുടെ കുടുംബാംഗങ്ങള്ക്കും ഏകീകൃത ആരോഗ്യ ഇന്ഷുറന്സ് പാക്കേജ് നിര്ബന്ധമാണ്.
ഇഖാമ പുതുക്കുന്നതിന് മാത്രമായി ഇന്ഷുറന്സ് എടുക്കുകയും പുതുക്കുകയും ചെയ്തിരുന്ന രീതിയായിരുന്നു ഇതുവരെ തുടര്ന്നു വന്നിരുന്നത്. ഇതില് മാറ്റം വരുത്തിയാണ് പുതിയ നീക്കം. സ്ഥാപനത്തില് ഒരാള്ക്ക് ഇന്ഷൂറന്സ് പുതുക്കണമെങ്കില് ആ സ്ഥാപനത്തില് ഇന്ഷൂറന്സ് കാലാവധി കഴിഞ്ഞ എല്ലാവരുടേയും പ്രീമിയം തുക ഒന്നിച്ച് അടക്കേണ്ടി വരും.
https://www.facebook.com/Malayalivartha
