അങ്ങനെ അതും സംഭവിച്ചു!കുടിയന്മാര് പ്രതിഷേധ പ്രകടനവുമായി ഇറങ്ങി..
പൂട്ടിയ ബിവറേജ് ഔട്ട്ലെറ്റുകള് തുറക്കണമെന്നാവശ്യപ്പെട്ട് കോട്ടയം കടുത്തുരുത്തിയില് കുടിയന്മാരുടെ പ്രതിഷേധപ്രകടനം. കടുത്തുരുത്തിയിലെ മദ്യസേവസമിതിയുടെ നേതൃത്വത്തിലാണ് മാര്ച്ച് നടന്നത്. കണ്ടോളൂ കണ്ടോളൂ.. കുടിയന്മാരെ കണ്ടോളൂ, കഞ്ചാവില് നിന്നും നാടിനെ രക്ഷിക്കുക.. തുടങ്ങിയ മുദ്രാവാക്യങ്ങള് ഉറക്കെ വിളിച്ചുകൊണ്ട് ആവേശത്തോടെയായിരുന്നു ഇവരുടെ പ്രകടനം.
കടുത്തുരുത്തിയിലായിരുന്നു ബിവറേജ് ഔട്ട്ലെറ്റ് സ്ഥിതി ചെയ്തിരുന്നത്. എന്നാല് കോടതി വിധി വന്നപ്പോള് ഇത് ആദിത്യപുരത്തേക്ക് മാറ്റാനുള്ള ശ്രമങ്ങള് ആരംഭിച്ചു. ഇതിനായി ആദിത്യപുരത്ത് കെട്ടിട്ടം കണ്ടെത്തുകയും ബില് കൗണ്ടറുകളടക്കം അടിസ്ഥാന സൗകര്യങ്ങള് ഒരുക്കുകയും ചെയ്തു.
എന്നാല് ഇതിനെതിരെ മദ്യ വിരുദ്ധസമിതിയും റസിഡന്സ് അസോസിയേഷനുകളും പ്രതിഷേധവുമായി എത്തി. ഇതോടെ ഔട്ട്ലെറ്റ് ആദിത്യപുരത്ത് നിന്നും മാറ്റമെന്ന് തോന്നിയപ്പോഴാണ് കുടിയന്മാര് പ്രതിഷേധവുമായി രംഗത്തെത്തിയത്. ഔട്ട്ലെറ്റ് ആദിത്യപുരത്ത് തന്നെ വേണമെന്നാണ് ഇവരുടെ ആവശ്യം. പ്രദേശത്ത് കഞ്ചാവും വ്യാജമദ്യവും സുലഭമാണെന്നും ഗുണനിലവാരമുള്ള മദ്യം ലഭിക്കാന് സര്ക്കാര് മദ്യശാല വേണമെന്നുമാണ് ഇവരുടെ നിലപാട്.
മാര്ച്ചില് പങ്കെടുക്കാന് എത്തിയവരെ നിയന്ത്രിക്കാനായി കടുത്തുരുത്തി, വൈക്കം, കുറുവിലങ്ങാട് പൊലീസ് സ്റ്റേഷനുകളില് നിന്നും പൊലീസുകാര് എത്തിയിരുന്നു. എന്നാല് പ്രകടനം സമാധാനപരമായിരുന്നെന്ന് ഉദ്യോഗസ്ഥര് അറിയിച്ചു.
https://www.facebook.com/Malayalivartha