നാടിനെ വിറപ്പിച്ച പോലീസുകാരനെ കള്ളി പഠിപ്പിച്ച കഥ... ഇത് നമ്മളുടെ ജീവിതത്തിലും സംഭവിക്കാതിരിക്കട്ടെ
ഇതാരുടെ ജീവിതത്തിലും സംഭവിക്കാമെന്നാണ് ആ പോലീസുകാരന് പറയുന്നത്. ഒരാളെ കൈയ്യോടെ പിടികൂടിയിട്ടും അവസാനം പേരുദോഷം വന്നാലോ. നാടിനെ വിറപ്പിച്ച ഒരു പോലീസുകാരനാണ് കഥയിലെ നായകന്.
ഫെബ്രുവരി എട്ടിന് ഉച്ചയ്ക്കാണു സംഭവം. ആലുവ ചെമ്പറക്കി സ്വദേശിയായ പോലീസുകാരന് സ്റ്റേഷനില് നൈറ്റ് ഡ്യൂട്ടി കഴിഞ്ഞു വീട്ടില് വന്നു മയക്കത്തിലായ വേളയിലാണ് യുവതി വീട്ടിലെത്തിയത്. പോലീസുകാരന്റെ ഭാര്യ ആശുപത്രിയില് പോയിരിക്കുകയായിരുന്നു. ഭാര്യ ഉടന് വരുമെന്നു പറഞ്ഞതിനാല് മുന്വാതിലിന്റെ കുറ്റിയിട്ടിരുന്നില്ല. അകത്തുകയറിയ സ്ത്രീ തലയിണ ഉയര്ത്തുന്നതിനിടെ പോലീസുകാരന് ഉണര്ന്നതോടെ അവര് രക്ഷപ്പെടാന് ശ്രമിച്ചു.
മാല പറിക്കാന് ആരോ പിന്നാലെ വന്നതുകൊണ്ട് ഓടി കയറിയതാണെന്നായിരുന്നു ഇവര് പറഞ്ഞത്. എന്നാല് കവര്ച്ചയാണു ലക്ഷ്യമെന്നു മനസിലാക്കിയ പോലീസുകാരന് ഇവരെ തടഞ്ഞുവച്ച് വിവരം തടിയിട്ടപറമ്പ് പോലീസ് സ്റ്റേഷനില് അറിയിച്ചു. വീട്ടിലെത്തിയ വനിതാ പോലീസ് ബലപ്രയോഗത്തിലൂടെ ഇവരെ കീഴ്പ്പെടുത്തി സ്റ്റേഷനിലേക്കു കൊണ്ടുപോയി. സമീപത്തെ മറ്റൊരു വീട്ടിലും ഇവര് മോഷണത്തിനു ശ്രമിച്ചെന്നു വിവരം ലഭിച്ചു.
എന്നാല് പോലീസുകാരന് അനാശാസ്യത്തിനു ക്ഷണിച്ചിട്ടാണ് വീട്ടില് വന്നതെന്നു യുവതി സ്റ്റേഷനില്വച്ച് ആരോപിച്ചതോടെ പരാതി നല്കിയ പോലീസുകാരനും ബന്ധുക്കളും അങ്കലാപ്പിലായി. മാനഹാനി ഭയന്നു പരാതി പിന്വലിക്കാന് ഇവര് നിര്ബന്ധിതരായി. ഇതിനിടെ യുവതി സ്റ്റേഷനില് കുഴഞ്ഞുവീണു. തുടര്ന്ന് പെരുമ്പാവൂര് താലൂക്ക് ആശുപത്രിയിലേക്ക് കൊണ്ടുപോവുകയും ഒരു മണിക്കൂറിനുശേഷം ആശുപത്രിയില് നിന്നു വിട്ടയയ്ക്കുകയുമായിരുന്നു.
അതേസമയം കുപ്രസിദ്ധ മോഷ്ടാവും അങ്കമാലി സ്വദേശിയുമായ നാല്പതുകാരിയാണ് പോലീസുകാരന്റെ വീട്ടില് മോഷ്ടിക്കാന് കയറിയതെന്ന് വ്യക്തമായി. കൊച്ചി സെന്ട്രല് പോലീസ് സ്റ്റേഷന്റെ ഓടിളക്കി മാറ്റി രക്ഷപ്പെടാന് ശ്രമിച്ചതടക്കം ആലുവ, അങ്കമാലി പോലീസ് സ്റ്റേഷനുകളിലെ കേസുകളില് പ്രതിയാണു യുവതി.
https://www.facebook.com/Malayalivartha