മെയില് കാരിയര് തസ്തിക അവസാനിപ്പിച്ച് മേരിക്കുട്ടി പോസ്റ്റ് ഓഫീസിന്റെ പടിയിറങ്ങി!
35 വര്ഷം കാല്നടയായി മെയില് ബാഗ് ചുമന്ന മെയില്കാരിയര് മേരിക്കുട്ടി നൂറനാട് പോസ്റ്റ് ഓഫിസിന്റെ പടിയിറങ്ങി, ഒപ്പം മെയില് കാരിയര് എന്ന തസ്തികയും. ഇനി പോസ്റ്റ്മാന്/വുമണ് തസ്തികയിലുള്ളവരാണ് മെയില് ബാഗുകളെടുക്കേണ്ടത്.
നൂറനാട് പോസ്റ്റ് ഓഫിസില് നിന്നു മെയില് ബാഗുകള് പണയില്, പള്ളിക്കല് പോസ്റ്റ് ഓഫിസുകളിലേക്കും അവിടുന്നുള്ളവ ഉച്ചയ്ക്കു തിരികെ നൂറനാട്ടും എത്തിക്കുന്ന ജോലിയായിരുന്നു.
നൂറനാട് എരുമക്കുഴി ചെട്ടിയാരയ്യത്ത് മേരിക്കുട്ടി 35 വര്ഷം മുന്പ് മെയില് കാരിയറായി ജോലിയില് പ്രവേശിച്ചത് ജോലിയിലിരിക്കെ പിതാവ് മരിച്ചതിനെ തുടര്ന്നായിരുന്നു. പോസ്റ്റല് ഡിപ്പാര്ട്മെന്റില് ജെഡിഎസ് എന്ന തസ്തിക ആയിരുന്നു. ആറ് കിലോമീറ്ററോളം ദൂരം മെയില്ബാഗുകള് ചുമന്നു നടന്നായിരുന്നു അന്നൊക്കെ ജോലി ചെയ്തിരുന്നത്.
ഇന്നലെ പോസ്റ്റ് ഓഫിസില് നടന്ന യാത്രയയപ്പില് ഡിവിഷന് സൂപ്രണ്ട് വേണുനാഥന്പിള്ള, മാവേലിക്കര സബ് ഡിവിഷനല് ഇന്സ്പെക്ടര് ആര്യ, ഉണ്മ മോഹന്, പോസ്റ്റ് മിസ്ട്രസ് ബി.ബീന, റിട്ട. പോസ്റ്റ്മാസ്റ്റര്മാരായ കൊച്ചുനാരായണന്, കുഞ്ഞപിള്ള തുടങ്ങിയവര് പങ്കെടുത്തു.
https://www.facebook.com/Malayalivartha
