മോഷണം നടത്തിയ ശേഷം കടയടയ്ക്കാന്, കടയുടമയോട് കള്ളന്റെ നിര്ദേശം!
മലപ്പുറത്ത് നിന്നിതാ ഒരു 'മാതൃകാ'കള്ളന്റെ കഥ. മോഷണം നടത്തിയ ശേഷം കടയുടമയെ വിളിച്ച് കടയടയ്ക്കാന് നിര്ദേശിച്ച അഭ്യുദയകാംക്ഷിയാണ് ഈ കള്ളന്!
കട തുറന്ന് തനിക്കാവശ്യമുളള സാധനങ്ങളെല്ലാം കൈക്കലാക്കിയ ശേഷം പഴയ പോലെ കട അടയ്ക്കാന് പറ്റാതെ വന്നപ്പോള് അവിടെ എഴുതി വെച്ച നമ്പറില് വിളിച്ചു. വഴിപോക്കനെന്ന ഭാവത്തില് കടയുടമയോട് പറഞ്ഞു, 'നിങ്ങളുടെ കട തുറന്ന് കിടക്കുകയാണ്, അടച്ചേക്കണേ എന്ന്!
പരിഭ്രാന്തനായ കടയുടമ ഓടി വന്നപ്പോള് 12000 രൂപ വിലയുള്ള മൊബൈല് ഫോണ് നഷ്ടമായതായി കണ്ടെത്തി.
പിന്നീട് സിസിടിവി പരിശോധിച്ചപ്പോഴാണ് കടയുടമ അമ്പരന്നത്. തന്നെ ഫോണ് വിളിച്ച ആള് മോഷ്ടാവ് തന്നെയാണെന്ന് ഇതോടെ വ്യക്തമായി. ഇയാളെ പൊലീസ് ചോദ്യം ചെയ്തു. കടുത്ത സാമ്പത്തിക ബുദ്ധിമുട്ട് കാരണമാണ് മോഷണം നടത്തിയതെന്നും ഇതേ കടയില് നേരത്തേ രണ്ട് തവണ മോഷണം നടത്തിയിട്ടുണ്ടെന്നും ഇയാള് പറഞ്ഞു.
ഏതായാലും മോഷണമുതലിന്റെ പണം തിരിച്ച് നല്കാമെന്ന ധാരണയില് കടയുടമ പരാതി പിന്വലിച്ചു.
https://www.facebook.com/Malayalivartha
