മലയാളികളുടെ ഇഷ്ട്ട ഭക്ഷണ വിഭവമാണ് മൽസ്യം. ഇന്നും മീൻകറി കൂട്ടി ചോറ് കഴിക്കാൻ പറ്റാത്ത സുഹൃത്തുക്കളൊക്കെ ചിലപ്പോൾ നമ്മുക്ക് ഉണ്ടായേക്കാം. അങ്ങനെ ഉള്ള മൽസ്യ പ്രേമികളെ ഞെട്ടിക്കുന്ന വാർത്തയായിരുന്നു വർക്കലയിൽ വറ്റ മത്സ്യം കഴിച്ച് ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ചികിത്സയിൽ കഴിഞ്ഞുവന്ന മത്സ്യത്തൊഴിലാളി മരിച്ചു. വർക്കല ചിലക്കൂർ ഗ്രാലിയിൽകുന്ന് തൈക്കാവിൽ വീട്ടിൽ സുധീർ (40) ആണ് മരിച്ചത്. ഇക്കഴിഞ്ഞ ഒക്ടോബർ 28-നാണ് ദേഹാസ്വാസ്ഥ്യത്തെ തുടർന്ന് സുധീറിനെ വർക്കല താലൂക്ക് ആശുപത്രിയിലും തുടർന്ന് പാരിപ്പള്ളി മെഡിക്കൽ കോളേജ് ആശുപത്രിയിലും പ്രവേശിപ്പിച്ചത്.

ആരോഗ്യനില വഷളായതോടെ തിരുവനന്തപുരം മെഡിക്കൽ കോളേജിലേക്ക് മാറ്റിയിരുന്നു.മത്സ്യം കഴിച്ചശേഷം സുധീറിന് ശ്വാസംമുട്ടും അലർജി പ്രശ്‌നങ്ങളും ഉണ്ടായി. സുധീറിന്റെ ബന്ധുക്കളിൽ ചിലർക്കും ഇതേ പ്രശ്നങ്ങളും നേരിട്ടിരുന്നു. ബന്ധുവായ മുഹമ്മദ് ഹാഷിമിനെ അന്ന് പാരിപ്പള്ളി മെഡിക്കൽ കോളേജിൽ പ്രവേശിപ്പിച്ചിരുന്നു. പിന്നീട് ആരോഗ്യനില മെച്ചപ്പെട്ടതിനെ തുടർന്ന് ആശുപത്രി വിട്ടു.ഒക്ടോബർ 26 മുതൽ പെരുമാതുറ, മുതലപ്പൊഴി ഭാഗത്ത് വറ്റ മത്സ്യത്തിന്റെ ചാകരയുണ്ടായിരുന്നു. വിപണിയിൽ നിന്നും മത്സ്യം വാങ്ങി ഉപയോഗിച്ച ചിലർക്ക് ദേഹാസ്വാസ്ഥ്യം അനുഭവപ്പെട്ടിരുന്നു. മത്സ്യം വാങ്ങുമ്പോൾ അതീവ ജാഗ്രത പുലർത്തണമെന്ന് വർക്കല നഗരസഭ നിർദേശവും പുറത്തിറക്കിയിരുന്നു.

വെട്ടൂർ പഞ്ചായത്ത് പരിധിയിൽ വറ്റ മത്സ്യത്തിന്റെ വില്പന പഞ്ചായത്തും ആരോഗ്യ വിഭാഗവും പോലീസിന്റെ സഹായത്തോടെ തടയുകയും ചെയ്തിരുന്നു.ആരോഗ്യപ്രശ്‌നങ്ങൾ ശ്രദ്ധയിൽപ്പെട്ടതോടെ വിപണിയിൽ എത്തിയ മത്സ്യത്തിന്റെ സാമ്പിളുകൾ ഭക്ഷ്യസുരക്ഷാ വിഭാഗം ഉദ്യോഗസ്ഥർ ശേഖരിച്ചു. തുടർന്ന് കൊച്ചിയിലെ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്‌നോളജിയിൽ പരിശോധനയ്ക്കും അയച്ചു. ഇതിന്റെ ഫലം വരാനിരിക്കെയാണ് മത്സ്യത്തൊഴിലാളിയുടെ മരണം സംഭവിച്ചത്.ഇപ്പോൾ പുറത്തു വരുന്ന വാർത്ത വർക്കലയിൽ മത്സ്യം കഴിച്ച് ഒട്ടേറെപ്പേർ ആശുപത്രിയിലായ സംഭവം ‘സിഗ്വാറ്റെറ’ എന്ന മത്സ്യവിഷബാധയാകാമെന്ന് സംശയം.

വറ്റ മത്സ്യമാണ് വിഷബാധയ്ക്കു കാരണമായതെന്നാണ് കരുതുന്നതെന്ന് കേരള ഫിഷറീസ് ആൻഡ് ഓഷ്യൻ സ്റ്റഡീസ് സർവകലാശാല (കുഫോസ്) വൈസ് ചാൻസലർ പ്രൊഫ. എ. ബിജുകുമാർ പറഞ്ഞു. എന്നാൽ, രോഗകാരണം ഇതുവരെ സ്ഥിരീകരിച്ചിട്ടില്ല. പവിഴപ്പുറ്റുകൾക്കും പാറക്കെട്ടുകൾക്കും സമീപമുള്ള വലിയ ഇരപിടിയൻ മത്സ്യങ്ങളിൽ അടിഞ്ഞുകൂടുന്ന സിഗ്വാറ്റോക്സിൻ എന്ന പ്രകൃതിദത്ത വിഷമാണ് വില്ലനാകുന്നത്.

നിറമോ മണമോ രുചിയോ ഇല്ലാത്ത ഈ വിഷം പാചകംചെയ്താലോ ശീതീകരിച്ചാലോ ഉണക്കിയാലോ നശിക്കില്ല.പവിഴപ്പുറ്റുകളും പാറക്കെട്ടുകളുമുള്ള കടൽഭാഗങ്ങളിൽ കാണുന്ന ഗാംബിയർഡിസ്കസ്, ഫുകുയോവ തുടങ്ങിയ സൂക്ഷ്മജീവികളിൽനിന്നാണ് വിഷം ഉണ്ടാകുന്നത്.ചാകര (Chakara) സമയത്ത് ലഭിക്കുന്ന മീനുകൾ പൊതുവേ വളരെ നല്ലതും ഫ്രഷും ആയിരിക്കും. കടലിൽ ഉണ്ടാകുന്ന പ്രത്യേക പ്രതിഭാസം കാരണം വൻതോതിൽ മീനുകൾ തീരത്തോടടുക്കുന്ന സമയമാണിത്.

പരമാവധി ഫ്രഷ് ആയിരിക്കും:വള്ളങ്ങൾ തീരത്തോട് വളരെ അടുത്താണ് വലവീശുന്നത്. മീൻ പിടിച്ചയുടൻ തന്നെ തീരത്ത് എത്തിക്കാൻ കഴിയുന്നതുകൊണ്ട് ഇവ കേടുപാടുകൾ കൂടാതെ ഏറ്റവും ഫ്രഷായി ലഭിക്കുന്നു.വളരെ വലിയ അളവിൽ മീൻ ഒന്നിച്ച് ലഭിക്കുന്നതുകൊണ്ട് വിപണിയിൽ സാധാരണ നിരക്കിനേക്കാൾ വളരെ കുറഞ്ഞ വിലയ്ക്ക് മീൻ വാങ്ങാൻ സാധിക്കും.പെട്ടെന്ന് പിടിച്ചെടുത്ത് അപ്പോൾ തന്നെ വിറ്റഴിക്കുന്നതിനാൽ, ഇവ ദീർഘനാൾ കേടുകൂടാതെ സൂക്ഷിക്കാൻ ഉപയോഗിക്കുന്ന ഫോർമാലിൻ, അമോണിയ തുടങ്ങിയ മാരകമായ രാസവസ്തുക്കൾ ചേർക്കേണ്ട സാഹചര്യം വരുന്നില്ല.വിലക്കുറവ് കണ്ട് വലിയ അളവിൽ വാങ്ങി

ദിവസങ്ങളോളം സാധാരണ ഫ്രിഡ്ജിൽ സൂക്ഷിച്ചാൽ മീനിന്റെ ഗുണമേന്മ നഷ്ടപ്പെടാം.ചില സമയങ്ങളിൽ ചാകരയുടെ മറവിൽ വൻകിട ബോട്ടുകൾ ദിവസങ്ങൾക്ക് മുൻപ് പിടിച്ചതും ഐസിട്ട് സൂക്ഷിച്ചതുമായ പഴയ മീനുകൾ വിൽക്കാൻ സാധ്യതയുണ്ട്. അതിനാൽ മീനിന്റെ കണ്ണ് തെളിഞ്ഞതാണോ, ചെകിളപ്പൂക്കൾക്ക് നല്ല ചുവപ്പ് നിറമുണ്ടോ, മാംസം അമർത്തുമ്പോൾ ഉറപ്പുള്ളതാണോ എന്ന് നോക്കി മാത്രം വാങ്ങുക.ചുരുക്കത്തിൽ, തീരത്തുനിന്ന് നേരിട്ടോ വിശ്വസ്തരായ കച്ചവടക്കാരിൽ നിന്നോ വാങ്ങുകയാണെൽ ചാകര മീനുകൾ ഗുണമേന്മയിലും ആരോഗ്യത്തിലും മികച്ചതാണ്.