രാമനാഥപുരം ജില്ലാ കളക്ടറുടെ പ്രതിവാര പരാതിപരിഹാര ജനസമ്പര്‍ക്ക പരിപാടിയില്‍ ഒരു സ്‌പെഷ്യല്‍ അപേക്ഷ എത്തി.

ഇന്ത്യയുടെ വനിതാ ബാഡ്മിന്റണ്‍ സൂപ്പര്‍ താരം പി.വി. സിന്ധുവിനെ വിവാഹം ചെയ്യണമെന്ന ആഗ്രഹം അറിയിച്ചു കൊണ്ടുള്ള അപേക്ഷയുമായി എത്തിയത് എഴുപതുകാരനായ മലൈസ്വാമിയാണ്.

വിവാഹത്തിന് തയാറായില്ലെങ്കില്‍ തട്ടിക്കൊണ്ടുപോകുമെന്ന് ഭീഷണിപ്പെടുത്തിയ മലൈസ്വാമി ഇരുപത്തിനാലുകാരിയായ സിന്ധുവിന്റെ ചിത്രം ഒട്ടിച്ച കത്തുമായാണ് വന്നത്.

2004 ഏപ്രില്‍ നാലിനാണ് താന്‍ ജനിച്ചതെന്നും അതുകൊണ്ട് തനിക്ക് 16 വയസേ ഉള്ളെന്നും മലൈസ്വാമി അവകാശപ്പെടുന്നു.

സിന്ധുവിന്റെ കരിയര്‍ നേട്ടം കണ്ടാണ് ഇഷ്ടം തോന്നിയതെന്നും ജീവിത പങ്കാളിയാക്കാന്‍ തീരുമാനിച്ചതെന്നും മലൈസ്വാമി പറഞ്ഞു.