വിദ്യാര്‍ഥികളുടെ മൊബൈല്‍ ഫോണുകള്‍ പ്രിന്‍സിപ്പല്‍ ചുറ്റിക കൊണ്ട് അടിച്ചുപൊട്ടിച്ചു!
കര്‍ണാടകയിലെ സിര്‍സിയിലെ ശാന്തിനഗര്‍ എംഇഎസ് ചൈതന്യ പിയു കോളജ് പ്രിന്‍സിപ്പല്‍ ആര്‍.എം ഭട്ട് വിദ്യാര്‍ഥികളുടെ ഫോണുകള്‍ തല്ലിപ്പൊട്ടിച്ച് സമൂഹമാധ്യമങ്ങളില്‍ തരംഗമായി.
കോളജില്‍ വിദ്യാര്‍ഥികളുടെ മൊബൈല്‍ ഫോണ്‍ ഉപയോഗം നിയന്ത്രണാതീതമായതോടെയാണ് പ്രിന്‍സിപ്പല്‍ ഈ സാഹസം കാട്ടിയത്.
ചൈതന്യ പിയു കോളജില്‍ മൊബൈല്‍ ഫോണ്‍ ഉപയോഗിക്കുന്നതിന് വിലക്കുണ്ട്. എന്നാല്‍ വിദ്യാര്‍ഥികള്‍ അധികൃതരുടെ നിര്‍ദേശം ചെവിക്കൊള്ളാതെ നിര്‍ബാധം മൊബൈല്‍ ഫോണ്‍ ഉപയോഗിച്ചുവരികയായിരുന്നു.
ഇതിനിടെ മൊബൈല്‍ ഫോണ്‍ പിടിച്ചെടുത്താല്‍ നശിപ്പിക്കുമെന്ന് പ്രിന്‍സിപ്പല്‍ മുന്നറിയിപ്പ് നല്‍കി. ക്ലാസ് നടക്കുന്നതിനിടയിലും വിദ്യാര്‍ഥികള്‍ മൊബൈല്‍ ഉപയോഗിക്കാന്‍ തുടങ്ങിയതോടെ പ്രിന്‍സിപ്പല്‍ നേരിട്ടിറങ്ങി.
വ്യാഴാഴ്ച നടന്ന മിന്നല്‍ പരിശോധനയില്‍ 16 മൊബൈല്‍ ഫോണുകളാണ് പിടിച്ചെടുത്തത്. ഇതോടെ കോളജ് ഹാളില്‍ വിദ്യാര്‍ഥികള്‍ എത്തിച്ചേരാന്‍ പ്രിന്‍സിപ്പല്‍ നിര്‍ദേശം നല്‍കി. ഇവിടെവച്ച് വിദ്യാര്‍ഥികളുടെ മുന്നില്‍ വച്ച്് പിടിച്ചെടുത്ത മൊബൈല്‍ ഫോണുകള്‍ പ്രിന്‍സിപ്പല്‍ ഭട്ട് ചുറ്റികയ്ക്ക് അടിച്ചുപൊട്ടിച്ചു. സംഭവത്തിന്റെ വീഡിയോ ദൃശ്യങ്ങള്‍ അധ്യാപകരില്‍ ഒരാള്‍ പകര്‍ത്തി സമൂഹമാധ്യമത്തില്‍ എത്തിച്ചതോടെ ഭട്ട് വൈറലായി.
https://www.facebook.com/Malayalivartha
