ഓസ്‌ട്രേലിയയിലെ ന്യൂ സൗത്ത് വെയ്ല്‍സില്‍ സ്രാവ് സമീപമുണ്ടെന്ന് അറിയാതെ കടലില്‍ ഉല്ലസിച്ച സര്‍ഫറിന് ഡ്രോണ്‍ ഓപ്പറേറ്റര്‍ തുണയായി.

 സര്‍ഫിംഗിനിടെ ഇദ്ദേഹത്തിന്റെ തൊട്ട് അടുത്ത് സ്രാവ് എത്തിയിരുന്നു. എന്നാല്‍ സമീപമെത്തിയ അപകടത്തെക്കുറിച്ച് അദ്ദേഹം അറിഞ്ഞിരുന്നില്ല.

പക്ഷേ ഡ്രോണില്‍ കൂടി സ്രാവുകളെ നിരീക്ഷിച്ചുകൊണ്ടിരുന്ന ക്രിസ്റ്റഫെര്‍ ജോയ്‌സ് എന്നയാള്‍ ഇത് കണ്ടു. അദ്ദേഹം ഉടന്‍ തന്നെ ഡ്രോണിലെ സ്പീക്കറില്‍ കൂടി സര്‍ഫ് ചെയ്തുകൊണ്ടിരുന്നയാളോട് സ്രാവിനെക്കുറിച്ച് മുന്നറിയിപ്പ് നല്‍കുകയായിരുന്നു. അപകടം മനസിലാക്കിയ സര്‍ഫര്‍ ഉടന്‍ തന്നെ സ്ഥലത്ത് നിന്നും മടങ്ങി.

ഇതിന് മുമ്പും നിരവധി തവണ ലോകത്തിന്റെ പലഭാഗങ്ങളില്‍ നിന്നും സമാനസംഭവങ്ങള്‍ റിപ്പോര്‍ട്ട് ചെയ്തിട്ടുണ്ട്.