തമാശയ്ക്കായി 37 സത്രീകളെ കൊന്ന യുവാവ് അറസ്റ്റില്
സ്ത്രീകളെ കൊല്ലുന്നതില് ഹരം കണ്ടത്തിയ ബ്രസീലുകാരനെ പോലീസ് അറസ്റ്റ് ചെയ്തു. ഒരു സ്ത്രീയെ കൊലപ്പെടുത്തിയ കേസില് അറസ്റ്റിലായപ്പോഴാണ് മറ്റ് 40 പേരെകൂടി കൊന്നിട്ടുള്ളതായി ഇയാള് വെളിപ്പെടുത്തിയത്. സ്തീകളെ കൊല്ലുന്നത് പ്രത്യേകം അസ്വദിച്ചിരുന്നതായി ഇയാള് പറഞ്ഞു. 26 വയസ്സുള്ള സെയ്ല്സണ് ജോസ് ദാസ് ഗ്രാകസ് ആണ് സ്ത്രീകളെ തമാശയ്ക്കായി കൊലപ്പെടുത്തിയത്. ഇയാളൊരു മാനസിക വിഭ്രാന്തിയുള്ളയാളാണെന്ന് വടക്കന് പ്രദേശമായ നോവ ഇഗ്വാകുവിലെ പൊലീസ് കമ്മിഷണര് പെദ്രോ ഹെന്റിക് മെദിന പറഞ്ഞു.
ഇയാളുടെ മൊഴിയും മുന് അന്വേഷണ റിപ്പോര്ട്ടുകളും പരിശോധിക്കുകയാണെന്നും പൊലീസ് അറിയിച്ചു. 37 സ്ത്രീകളും മൂന്ന് പുരുഷന്മാരും ഒരു രണ്ടു വയസ്സുള്ള കുട്ടിയുമാണ് ഇയാളുടെ ക്രൂരതയ്ക്ക് ഇരയായത്. ഒന്പതു വര്ഷം കൊണ്ടാണ് ഇയാള് ഈ കൃത്യങ്ങള് ചെയ്തത്. ഇയാള്ക്ക് വെളുത്ത വംശജരോടാണ് താല്പ്പര്യമെന്നും പോലീസ് പറഞ്ഞു. കൊല്ലുന്നതിനു മുന്പ് സ്ത്രീകളെ പിന്തുടര്ന്ന് കൃത്യമായി നിരീക്ഷിക്കും, എന്നിട്ടാണ് കൊല നടത്തുക.
കൊലപാതകങ്ങളില് ഒന്ന് ഒരു ദമ്പതികള്ക്കു വേണ്ടിയാണെന്നും ഇയാള് കൂട്ടിച്ചേര്ത്തു. ദമ്പതികളെ പൊലീസ് അറസ്റ്റ് ചെയ്തു. കൊല്ലുന്നതില് പശ്ചാത്താപമില്ലെന്നും ജയിലില് പോയി തിരിച്ചുവന്നാലും ഇതു തന്നെ തുടരുമെന്നും ഗ്രാകസ് കൂട്ടിച്ചേര്ത്തു. ബ്രസീലിയന് നിയമം അനുസരിച്ച് ഏറ്റവും കൂടുതല് ശിക്ഷാ കാലാവധി 30 വര്ഷമാണ്. വധശിക്ഷ ഇല്ലാത്ത രാജ്യമാണ് ബ്രസീല്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha