സ്വന്തം പേരോ നാടോ അറിയാതെ തെരുവില്‍ അലഞ്ഞ വൃദ്ധന്റെ ഭാണ്‍ഡം നിറയെ നോട്ടുകെട്ടുകള്‍. നൂറിന്റെയും അഞ്ഞൂറിന്റെയും നോട്ടുകള്‍ കെട്ടുകളായി ഇരുന്നിട്ടും മാസങ്ങളായി ഭക്ഷണം പോലും കഴിക്കാതെ അലയുകയായിരുന്നു ഇയാള്‍. നോട്ടുകളില്‍ ഏറെയും കാലപ്പഴക്കംകൊണ്ടു ദ്രവിച്ചുപോയിരുന്നു.
മലയാറ്റൂരില്‍ ആകാശപ്പറവകള്‍ എന്ന അഭയകേന്ദ്രത്തില്‍ എത്തിച്ച മൂകനും ബധിരനുമായ വൃദ്ധന്റെ ഭാണ്ഡക്കെട്ടിലാണു നോട്ടുകള്‍ കണ്ടെത്തിയത്. ചില്ലറത്തുട്ടുകള്‍ അഴുക്കുപുരണ്ടും ക്ലാവ് പിടിച്ചും മോശമായ സ്ഥിതിയിലായിരുന്നു. നോട്ടുകെട്ടുകളില്‍ ഉപയോഗയോഗ്യമായത് 10,000 രൂപയോളം ഉണ്ടായിരുന്നതായി ആകാശപ്പറവ ട്രസ്റ്റ് സെക്രട്ടറി എലിസബത്ത് സെബാസ്റ്റ്യന്‍ പറഞ്ഞു. ദീര്‍ഘകാലം കുളിക്കാതെയും വസ്ത്രങ്ങള്‍ മാറാതെയും കഴിഞ്ഞതിനാല്‍ കണ്ടെത്തുമ്പോള്‍ ദുര്‍ഗന്ധം വമിക്കുന്ന നിലയിലായിരുന്നു ഈ മനുഷ്യന്‍.
എഴുത്തും വായനയും വശമില്ലാത്ത വൃദ്ധന്‍ ആരാണെന്നു തിരിച്ചറിയാനായിട്ടില്ല. പോലീസാണു കൊടകരയിലെ മേല്‍പ്പാലത്തിനു സമീപം അവശനിലയില്‍ കണ്ടെത്തിയ ഇദ്ദേഹത്തെ ആകാശപ്പറവയിലെത്തിച്ചത്. ഏതാനും ദിവസത്തെ ശുശ്രൂഷകൊണ്ട് ആരോഗ്യം വീണ്ടെടുത്തു. ഇപ്പോള്‍ ഉന്മേഷവാനാണ്. അറുപതു വയസു തോന്നിക്കും. നോട്ടുകെട്ടുകള്‍ക്കുപരി താന്‍ ആരെന്നും പണത്തിന്റെ വിലയെന്താണെന്നുമുള്ള തിരിച്ചറിവാണ് വലുതെന്ന യാഥാര്‍ത്ഥ്യം വിസ്മരിച്ചുകൂടാ

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha