8 വയസ്സുകാരിയുടെ അറിവില്ലായ്മയില് നിന്ന് കാന്സറിന് മരുന്നു കണ്ടെത്തി
കാന്സറിന് മരുന്ന് കണ്ടെത്തിയിട്ടുണ്ടോ എന്ന് പലരും ഇപ്പോഴും ചോദിക്കുന്നു. മരുന്നില്ലാതെ കാന്സര് മാറ്റാന് സാധിക്കുമോ ? അങ്ങനെ പല ചോദ്യങ്ങള്. എന്നാല് ആന്റിബയോട്ടിക്ക് കഴിച്ചാല് കാന്സര് സുഖമായി മാറ്റിയെടുക്കാന് കഴിയുമെന്ന് കണ്ടെത്തിയിരിക്കുകയാണ് എ്ട്ട് വയസുകാരി. വിവിധ തരം കാന്സറുകള് ഉള്ളതില് വ്യത്യസ്ത രീതിയിലുള്ള ചികിത്സാരീതികള് അവലംബിച്ചാല് രോഗശമനത്തിന് സാധ്യതയുണ്ടോ എന്നറിയാനുള്ള ഗവേഷണങ്ങളില് ഏര്പ്പെട്ടിരിക്കുകയാണ് മാഞ്ചസ്റ്റര് യൂണിവേഴ്സിറ്റിയിലെ ബ്രേക്ത്രൂ ബ്രെസ്റ്റ് കാന്സര് യൂണിറ്റിലെ ശാസ്ത്രജ്ഞരായ പ്രൊ.ലിസാന്റിയും ഭാര്യ ഡോ. ഫെഡറിക്ക സോട്ജിയയും.
കാന്സര് എന്ന വലിയ രോഗത്തിന് മരുന്നു കണ്ടുപിടിക്കുന്നതിനായുള്ള ജോലികളാണ് ഡാഡിയും മമ്മിയും ചെയ്തു കൊണ്ടിരിക്കുന്നതെന്ന് രാത്രി ഭക്ഷണമേശയില് ഒപ്പമിരുന്ന എട്ടു വയസ്സുകാരി മകളോട് വെറുതെ കുശലം പറഞ്ഞു. മകള് കാമില്ലയുടെ ഉത്തരം പെട്ടെന്നായിരുന്നു. അതിനെന്താ, അസുഖമുള്ളവര് ആന്റിബയോട്ടിക്കുകള് കഴിച്ചാല് പോരേ? സാധാരണ അസുഖങ്ങള്ക്ക് ആന്റിബയോട്ടിക് നല്കുന്നതു കണ്ടിട്ടുള്ള വിവരമേ ആ എട്ടു വയസ്സുകാരിക്കുള്ളൂ. കാന്സറിനോട് അതു പറ്റില്ല എന്നൊന്നും അവള്ക്കറിയില്ലല്ലോ.
മകളുടെ ഉത്തരം കേട്ട് അവര് ചിരിച്ചെങ്കിലും പിന്നീട് അതേ കുറിച്ചൊന്നു ചിന്തിച്ചു നോക്കി. ശരീരത്തിലെ ഓരോ കോശത്തിനും വേണ്ട ഊര്ജ്ജം നല്കുന്നത് അതിലുള്ള മൈറ്റോ കോണ്ട്രിയയാണ്. ഈ ഊര്ജ്ജം ഉപയോഗിച്ചാണ് കോശങ്ങള് അനേകമായി വിഘടിച്ചു പെരുകി ട്യൂമറുകളായി മാറുന്നത്. എല്ലാത്തരം കാന്സറുകളും ഉണ്ടാകുന്നത് കാന്സര് വിത്തുകോശങ്ങള് (സ്റ്റെം സെല്) വിഘടിച്ചു പെരുകുന്നതിനാലാണ്. സാധാരണ ചികിത്സകളൊന്നും അതില് ഫലം ചെയ്യുകയില്ലെന്നു മാത്രമല്ല, അല്പനാള് കഴിയുമ്പോള് ആ ചികിത്സകള്ക്കെതിരെ അവ പ്രതിരോധ ശേഷി ആര്ജ്ജിക്കുകയും ചെയ്യും. തന്മൂലം കോശങ്ങള്ക്ക് ഊര്ജ്ജം നല്കുന്ന മൈറ്റോകോണ്ട്രിയ നശിപ്പിക്കാന് മാര്ഗ്ഗം കണ്ടെത്തി കഴിഞ്ഞാല് കാന്സര് കോശങ്ങളിലുള്ള മൈറ്റോ കോണ്ട്രിയയെ നശിപ്പിച്ച് ട്യൂമറുകള് ഇല്ലാതാക്കാന് കഴിയുമല്ലോ എന്ന ആശയം രൂപപ്പെട്ടു.പിന്നീട് ഗവേഷണം ഈ ആശയത്തിന്റെ വഴിയില് തിരിച്ചു വിട്ടു.
അഞ്ചു തരം ആന്റിബയോട്ടിക്കുകള് ഏട്ടു തരം ട്യൂമറുകളില് പരീക്ഷിച്ചു നോക്കി. അവയില് നാലു ആന്റിബയോട്ടിക്കുകള് ഗ്ലയോ ബ്ലാസ്റ്റോമ എന്ന ബ്രെയിന് ട്യൂമര് ഉള്പ്പെടെ ശ്വാസകോശ കാന്സര്, പ്രോസ്റ്റേറ്റ് കാന്സര്, അണ്ഡാശയ കാന്സര്, സ്താനാര്ബുദം, പാന്ക്രിയാറ്റിക് കാന്സര് , ത്വക്ക് കാന്സര് എന്നീ കാന്സറുകള് ഉണ്ടാക്കുന്ന കാന്സര് വിത്തുകോശങ്ങളെ നശിപ്പിക്കുന്നതായി കണ്ടെത്തി. എന്നാല് ഈ ആന്റിബയോട്ടിക്കുകള് സാധാരണ കോശങ്ങള്ക്ക് യാതൊരു ദോഷവും വരുത്തിയതുമില്ല. കാരണം ഇവയൊക്കെ ഇപ്പോള്തന്നെ വിവിധ രോഗങ്ങള്ക്കായി ഉപയോഗിച്ചു കൊണ്ടിരിക്കുന്നവയാണ്. കാന്സര് ചികിത്സയില് വന് വഴിത്തിരിവിന് ഇത് ഇടയാക്കുമെന്നാണ് വിദഗ്ദ്ധര് അഭിപ്രായപ്പെടുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha