കാര്‍ത്തികേയനു ഐഎഎസ് കിട്ടാനായി കാത്തിരുന്നെന്ന് വാസുകി
പഠനകാലത്ത് നല്ലവണ്ണം പ്രണയിച്ച് നടക്കും ഇണപിരിയാത്ത കുരുവികളെപ്പോലെ. കാമുകിക്ക് നല്ല ജോലി കിട്ടുബോള്‍ അവള്‍ കാമുകനെ ഉപേക്ഷിച്ച് അവളേക്കാള്‍ ഉയര്‍ന്ന നിലയിലുള്ള ഒരാളെയും കല്യാണം കഴിച്ച് ജീവിക്കാന്‍ നോക്കും. ഏതു പെണ്ണും അവരുടെ ജീവിതം സുരക്ഷിതമാക്കാനേ ശ്രമിക്കു. അപൂര്‍വം ചിലര്‍ മാത്രം എന്തൊക്കെ പ്രതിസന്ധിയുണ്ടായാലും പ്രണയിച്ചയാളുടെ കൂടെ തന്നെ ജീവിക്കും. പ്രണയത്തിന് വേണ്ടി ത്യാഗങ്ങള്‍ സഹിച്ച അപൂര്‍വം കാമുകിമാരിലൊരാളാണ് സുചിത്വമിഷന്‍ ഡയറക്ടര്‍ ഡോ കെ വാസുകി ഐഎഎസ്. ഇപ്പോഴത്തെ തിരുവനന്തപുരം സബ്കളകടറായ ഡോ എസ് കാര്‍ത്തികേയനാണ് കഥയിലെ നായകന്‍.
മദ്രാസ് മെഡിക്കല്‍ കേളേജിലാണ് ഇരുവരും പഠിച്ചത്. കോളേജിലെ മില്ലെനിയം ബാച്ച് എന്നറിയപ്പെടുന്ന 2000 ബാച്ചിലെ വിദ്യാര്‍ത്ഥികളായ ഞാന്‍ ബയോളജിയില്‍ ഒന്നാം റാങ്കു നേടിയുമാണ് മെഡിക്കല്‍ കോളേജിലെത്തിയത്. ക്യാംപസില്‍ ഏഴു പേരുള്ള ഗ്യാങിലെ അംഗങ്ങളായിരുന്നു ഇരുവരും. സെവന്‍ സ്റ്റാര്‍ എന്നാണ് ഇന്നും അന്നും ഗ്യാങ്ങ് അറിയപ്പെടുന്നത്. ഗ്യാങിലെ അംഗങ്ങള്‍ തമ്മില്‍ കംബൈന്‍ഡ് സ്റ്റഡിയും വീടുകള്‍ സന്ദര്‍ശനവും പതിവായിരുന്നു. തനിക്ക് അദ്യമേ കാര്‍ത്തികേയനെ ഇഷ്ടമായിരുന്നുവെന്ന് വാസുകി പറഞ്ഞു. പക്ഷേ തുറന്ന് പറഞ്ഞിട്ടില്ല. കാര്‍ത്തികേയനും അതു തന്നെ. കാര്ത്തികേയന് ചില കണ്‍ഫ്യൂസിങ്ങ സിഗ്നലുകള്‍ തരും. ഉദാഹരണത്തിന് ഗാങ്ങിലെ മറ്റെല്ലാവരെയും ഫോണില്‍ വിളിച്ചാലും എന്നെ മാത്രം വിളിക്കില്ല അതുപോലുള്ള ചില വേലത്തരങ്ങള്‍. എന്നെ അവന് ഇഷ്ടമായിരുന്നെങ്കിലും തുറന്ന് പറയാനുളള പേടി,മാത്രമല്ല പലരും ആ സമയം എന്റെ പുറകേ നടക്കുന്നുണ്ടായിരുന്നു. അതുകൊണ്ട് കൂടിയാവാം കാര്‍ത്തി പ്രണയം തുറന്ന് പറയാന്‍ മടിച്ചത്.
അവസാന വര്‍ഷ പരീക്ഷാതലേന്നാണ് ഞാന്‍ കാര്‍ത്തികേയനോട് പ്രണയാഭ്യര്‍ഥന നടത്തിയത്. എന്റെ വീട്ടില്‍ കംബൈന്‍ഡ് സ്റ്റഡിക്കെത്തിയതായിരുന്നു കാര്ത്തികേയന്. അവനത് വലിയ ഷോക്കായിരുന്നു. അവന്‍കേള്‍ക്കാന്‍ ആഗ്രഹിച്ചത് കേട്ടതിലുള്ള ഷോക്ക്. അവനറിയാമായിരുന്നു ഞാന്‍ അവനെ സ്്‌നേഹിക്കുന്നു വെന്നകാര്യം. പിന്നെ കുറേ ദിവസം പുള്ളിയുടെ ഭാഗത്ത് നിന്ന് മൗനമായിരുന്നു. പിന്നെയായിരുന്നു പ്രണയം.
ഏപ്രില്‍ ആയപ്പോഴേക്കും നമ്മള്‍ ഒരുമിക്കാന്‍ തന്നെ തീരുമാനിച്ചു. പക്ഷേ 2004 ഡിസംബറിലുണ്ടായ സുനാമിയായാണ് കാര്യങ്ങള്‍ മാറ്റിമറിച്ചത്. ചെന്നൈയിലും തമിഴ്‌നാട്ടിലും ആയിരങ്ങളെയാണു സുനാമി വിഴുങ്ങിയത്. സിവില്‍ സര്‍വീസിലുള്ളവര്‍ സമൂഹത്തിനു പ്രയോജനം ചെയ്യുന്നതു നേരിട്ടു കാണാനിടയായി. അതോടെ സിവില്‍ സര്‍വീസ് പരീക്ഷയെഴുതാന്‍ ഞാനും കാര്‍ത്തിയും തീരുമാനിച്ചു.
ജോഗ്രഫിയും സൈക്കോളജിയും ഐശ്ചികമായെടുത്ത് ഇരുവരും പഠനം തുടങ്ങി. 2008ലെ പരീക്ഷയില്‍ എനിക്ക് തൊണ്ണൂറ്റിഏഴാം റാങ്ക്, കാര്ത്തികേയന് 127. ആദ്യ ഏറില്‍ തന്നെ ഞാന്‍ ഐഎഎസില്‍ വീണു. കാര്ത്തികേയന് ഐഎഎസ് കിട്ടിയില്ല. കിട്ടിയത് ഐഎഫ്എസ്.
വിജയം ആഘോഷിക്കുമ്പോഴാണ് ഇടിത്തീ പോലെ അലോട്ട്‌മെന്റ് വരുന്നത്. എനിക്ക് മധ്യപ്രദേശ് കേഡര്‍. കാര്‍ത്തിക്ക് കിട്ടിയത് വിദേശകാര്യ സര്‍വീസാണ്. ലോകത്തെവിടെയെങ്കിലുമൊക്കെ ആയിരിക്കും ജോലി. മധ്യപ്രദേശിലുള്ള ഞാനും കാര്‍ത്തിയും എങ്ങനെ ഒരുമിച്ചു കഴിയും?
പക്ഷേ ഐഎഫ്എസ് വേണ്ടെന്നു വയ്ക്കാനായിരുന്നു കാര്‍ത്തികേയന്റെ തീരുമാനം. എല്ലാരും അതിശയിച്ചു. സ്വര്‍ഗജാത സര്‍വീസ്(ഹെവന്‍ബോണ്‍ സര്‍വീസ്) എന്നു പേരുള്ള ഐഎഫ്എസ് വേണ്ടെന്നു വയ്ക്കുകയോ? ഡല്‍ഹിയിലെ ഫോറിന്‍ സര്‍വീസ് ട്രെയിനിങ് ഇന്‍സ്റ്റിറ്റിയൂട്ടിലേക്ക് കാര്ത്തികേയന് പോയതേയില്ല. അവിടുന്നു വിളിയും സമ്മര്‍ദ്ദവും. ഇനി സിവില്‍ സര്‍വീസ് പരീക്ഷ എഴുതാനാവില്ലെന്നും എഴുതിയാല്‍ തന്നെ ഇന്റര്‍വ്യൂവിനു വിളിക്കില്ലെന്നും മറ്റും ആളുകള്‍ പറഞ്ഞു പരത്തി. പ്രേമബന്ധം അഗ്നി പരീക്ഷ നേരിട്ട കാലമായിരുന്നു അത്.
ഐഎഫ്എസ് കിട്ടിയിട്ടു വേണ്ടെന്നു വച്ചു വീണ്ടും പരീക്ഷയെഴുതാന്‍ തുനിഞ്ഞയാളെ ആര്‍ക്കും പിടിച്ചില്ല. എങ്കിലും ഐഎഫ്എസ് ലിസ്റ്റില്‍ രണ്ടു വര്‍ഷം അവര്‍ കാര്‍ത്തികേയന്റെ പേരു നിലനിര്‍ത്തി.
ഐഎഎസ് പരിശീലനത്തിന് മസൂറിയിലെ അക്കാഡമിയില്‍ ചേര്‍ന്ന 2008 ബാച്ചിലെ മറ്റെല്ലാവരും ആഘോഷിക്കുമ്പോള്‍ താന്‍ കാര്‍ത്തികേയനു വീണ്ടും പരീക്ഷയെഴുതാനുള്ള അവകാശം സ്ഥാപിക്കാന്‍ വാസുകി ഡല്‍ഹിയിലെ വിദേശകാര്യ പഴ്‌സണല്‍ മന്ത്രാലയങ്ങളില്‍ കയറിയിറങ്ങുകയായിരുന്നു. ഐഎഫ്എസ് കിട്ടിയ പയ്യന്‍, കാമുകിക്കുവേണ്ടി അതു വേണ്ടെന്നു വച്ച് ഐഎഎസിനു ശ്രമിക്കുന്നുവെന്ന വാര്‍ത്ത സിവില്‍ സര്‍വീസിലാകെ വിസ്മയമായി. മസൂറിയില്‍ കൂട്ടുകാര്‍ രാത്രി പാര്‍ട്ടിക്കു പോകുമ്പോള്‍ മുറിയില്‍ തനിച്ചിരുന്ന് കാമുകനു വേണ്ടി പ്രിപ്പയര്‍ ചെയ്യുന്ന കാമുകിയായിരുന്നു അവര്‍ക്ക് ഞാന്‍. മണിക്കൂറുകളോളം കുത്തിയിരുന്ന് നോട്‌സ് തയ്യാറാക്കി കാര്ത്തികേയന് അയച്ചു കൊടുക്കും.
പക്ഷേ 2009ലെ പരീക്ഷയില്‍ കാര്ത്തികേയന് കിട്ടിയത് ഐആര്‍എസ് മാത്രം. 2010ലെ പരീക്ഷയിലും ഐആര്‍എസ്. പിന്നെ കല്യാണം കഴിഞ്ഞിട്ടുമതി പഠനം എന്ന് തീരുമാനിച്ചു. അങ്ങനെ ആറു വര്‍ഷത്തെ പ്രേമം കഴിഞ്ഞ് 2010 ലായിരുന്നു കല്യാണം. വീണ്ടും നാലാം തവണയും ഐഎഎസിന് കാര്ത്തികേയന് പഠനം തുടങ്ങി. 2011ല്‍ കാര്ത്തികേയന് ഐഎഎസ് കിട്ടി. റാങ്ക് 116, കേരള കേഡര്‍.
പക്ഷേ വീണ്ടും പ്രശ്‌നം എന്നെ മധ്യപ്രദേശില്‍ നിന്നു വിടില്ല, ഒടുവില്‍ ചീഫ് സെക്രട്ടറി അവിടുത്തെ മുഖ്യമന്ത്രിയോട് പ്രേമകഥ പറയേണ്ടി വന്നു കാര്യങ്ങള്‍ തീര്‍പ്പാക്കാന്‍. മധ്യപ്രദേശില്‍ നിന്ന് കേരളത്തിലേക്കു മാറ്റം കിട്ടി. പ്രായത്തില്‍ എന്നേക്കാള്‍ പത്തു മാസം ഇളയ ഭര്‍ത്താവ് സര്‍വീസില്‍ മൂന്നു വര്‍ഷം ജൂനിയര്‍. എന്നാലും എല്ലാം കൊണ്ടും ഹാപ്പി. രണ്ടു കുട്ടികള്‍- മൂന്നു വയസുള്ള സയൂരിയും ഒന്നര വയസുള്ള സമരനും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
