പ്രശസ്ത ഗായിക രഞ്ജിനി ജോസിന്റെ പിതാവിനെതിരെ പണം തട്ടിപ്പു നടത്തിയെന്നാരോപിച്ചു കൂടുതല്‍ പേര്‍ രംഗത്ത്. രഞ്ജിനിയുടെ വിവാഹാവശ്യത്തിനാണെന്നു പറഞ്ഞ് പിതാവ് ബാബു ജോസ് പലരില്‍നിന്നും പണം വാങ്ങിയെന്നാണ് ആരോപണം. രഞ്ജിനിയുടെ അച്ഛന്‍ ബാബു ജോസ് 2,85,000 രൂപ തട്ടിയെടുത്തെന്ന പരാതിയുമായി എറണാകുളം പനമ്പള്ളി നഗര്‍ സ്വദേശിയും സിനിമാ സംവിധായകനുമായ ശ്രീലാല്‍ ദേവരാജാണ് പുതിയ വെളിപ്പെടുത്തലുമായി രംഗത്തുവന്നിരിക്കുന്നത്. രഞ്ജിനിയുടെ വിഹാത്തിനായി രണ്ടു വര്‍ഷം മുമ്പു 16 ലക്ഷം രൂപ വാങ്ങിയിട്ടു തിരികെത്തന്നില്ലെന്നു ആരോപിച്ച് എറണാകുളം തൃക്കാക്കര സ്വദേശി പി ഐ ജോസഫ് കഴിഞ്ഞദിവസം എറണാകുളം ചിഫ് ജുഡിഷ്യല്‍ മജിസ്‌ട്രേറ്റ് കോടതിയെ സമീപിച്ചിരുന്നു. ഇതിന് പിന്നാലെയാണ് പുതിയ കേസും
ശ്രീലാല്‍ ദേവരാജിന്റെ പക്കല്‍നിന്ന് 1,85,000 രൂപ ചെക്ക് നല്‍കിയും ഒരു ലക്ഷം രൂപ വില്ല രജിസ്റ്റര്‍ ചെയ്തു നല്‍കാമെന്നും പറഞ്ഞാണ് ബാബു ജോസ് പണം വാങ്ങിയത്. മകളുടെ വിവാഹ ആവശ്യത്തിനാണെന്നു പറഞ്ഞ് ഒരു ലക്ഷം രൂപ ചോദിച്ചാണ് ബാബു ജോസ് ശ്രീലാലിനെ ആദ്യമായി സമീപിക്കുന്നത്.
രഞ്ജിനി ജോസിന്റെ പിതാവ് എന്ന പരിചയംകൊണ്ടാണ് അപ്പോള്‍ പണം നല്‍കിയത്. ഇതിന് ഉറപ്പെന്ന നിലയില്‍ ബ്ലാങ്ക് ചെക്കും ബാബു ജോസ് നല്‍കി. പറഞ്ഞസമയം തീര്‍ന്നിട്ടും പണം തിരിച്ചുകിട്ടാതെ വന്നതോടെ വീണ്ടും ബാബുജോസിനെ സമീപിച്ചു. ഇതിനിടെയാണ് തൃപ്പൂണിത്തുറയിലുള്ള ഒരു വില്ല തന്റെ പേരില്‍ രജിസ്റ്റര്‍ ചെയ്തുതരാമെന്ന വാഗ്ദാനവുമായി വീണ്ടുമെത്തുന്നത്. 3200 ചതുരശ്ര അടിയിലുള്ള നാലു കിടപ്പുമുറികളോടു കൂടിയ വില്ലയ്്ക്കായി ആദ്യഘട്ടത്തില്‍ 10 ലക്ഷം രൂപയാണ് ആവശ്യപ്പെട്ടത് ഒരുരുലക്ഷം രൂപ മുന്‍കൂറായി വേണമെന്ന് ഇയാള്‍ ആവശ്യപ്പെട്ടതായും ഇതു നല്‍കിയതായും ശ്രീലാല്‍ ദേവരാജന്‍ പറഞ്ഞു.
പിന്നീടാണ് ഇതും മറ്റൊരുരു തട്ടിപ്പാണെന്ന് ബോധ്യമായത്. ഷൈജു ഈപ്പന്‍ എന്നയാളുടെ ഉടമസ്ഥതയിലുള്ള വില്ല കൈമാറ്റം ചെയ്യാന്‍ ബാബു ജോസിന്റെ പേരിലുള്ള മുക്തിയാര്‍ ആണ് ബാബുജോസ് കാണിച്ചിരുന്നത്. ഇതുപ്രകാരമായിരുന്നു ശ്രീലാലും ബാബുജോസും തമ്മില്‍ കരാറുണ്ടായിരുന്നത്.എന്നാല്‍ പിന്നീട് എസ്.ബി.ടിയുടെ ബ്രാഞ്ചില്‍ അന്വേഷിച്ചപ്പോഴാണ് മുന്‍പുതന്നെ ബാങ്ക് ജപ്തി നടപടി പൂര്‍ത്തിയാക്കിയ വസ്തുവാണിതെന്നു മനസ്സിലായതെന്നു ശ്രീലാല്‍ പറയുന്നു. കബളിപ്പിക്കപ്പെട്ടുവെന്നു ബോധ്യമായതോടെ തേവര പൊലീസ് സ്‌റ്റേഷനില്‍ പരാതി നല്‍കി ആദ്യഘട്ടത്തില്‍ അനുകൂല നിലപാടെടുത്ത എസ്.ഐ പിന്നീട് സാമ്പത്തികതട്ടിപ്പാണെന്നു പറഞ്ഞ് തന്നെ ഒഴിവാക്കുകയായിരുന്നുവെന്നും ശ്രീലാല്‍ പറയുന്നു. ഇതോടെ ഒരുരുലക്ഷം രൂപയുടെ ചെക്ക് കേസും, വില്ല നല്‍കാമെന്ന് പറഞ്ഞുപറ്റിച്ച് പണം തട്ടിയെന്ന പരാതി മറ്റൊരുരു കേസുമായി കോടതിയെ സമീപിച്ചിരിക്കുകയാണിപ്പോള്‍. നിരവധി തവണ പണത്തിനായി സമീപിച്ചിട്ടും യാതൊരുരു പ്രതികരണവുമില്ലാത്തതിനാലാണ് നിയമനടപടിയുമായി മുന്നോട്ടുപോയതെന്ന് ശ്രീലാല്‍ ദേവരാജ് കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha