കഴിഞ്ഞ രാത്രി തീഗോളം പ്രത്യക്ഷപ്പെട്ട സംഭവത്തില്‍ ജനങ്ങള്‍ ആശങ്കയിലാണ്. മന്ത്രിയുള്‍പ്പെടെയുലള്ളവര്‍ ഇതിന് പല വ്യാഖ്യാനങ്ങള്‍ നല്‍കുന്നെങ്കിലും ജനങ്ങള്‍ക്ക് അതിലൊന്നും വലിയ വിശ്വാസമില്ല. ഇതിനിടെ തീഗോളത്തിന്റെ അവശിഷ്ടം നാട്ടുകാര്‍ കണ്ടെത്തി. എറണാകുളം വലമ്പൂരിലാണ് അവശിഷ്ടം കണ്ടെത്തിയതായി നാട്ടുകാര്‍ വ്യക്തമാക്കിയത്. അവശിഷ്ടങ്ങളെന്ന് കരുതുന്ന വസ്തുക്കളില്‍ തൊടരുതെന്ന് ദുരന്തനിവാരണ അതോറിറ്റി മുന്നറിയിപ്പ് നല്‍കി.
തീഗോളം പ്രത്യക്ഷപ്പെട്ടതുമായി ബന്ധപ്പെട്ട വിവരങ്ങള്‍ ദുരന്ത നിവാരണ അതോറിറ്റി നല്‍കിയിട്ടുള്ള നമ്പരിയോ തൊട്ടടുത്ത പോലീസ് സ്‌റ്റേഷനിയോ അറിയിക്കാനാണ് നിര്‍ദേശം. സംഭവവുമായി ബന്ധപ്പെട്ട് പ്രചരിക്കുന്ന ചിത്രം യഥാര്‍ത്ഥമല്ലെന്നും ക്യൂബയില്‍ നിന്നുള്ള ഉല്‍ക്കയുടെ ചിത്രമാണെന്നും വകുപ്പ് അറിയിച്ചിട്ടുണ്ട്.
എറണാകുളം, ഇടുക്കി, കോട്ടയം, പാലക്കാട്, തൃശൂര്‍, കോഴിക്കോട്, മലപ്പുറം ജില്ലകളില്‍ കഴിഞ്ഞ രാത്രി 9.40 നും 10.20 നും ഇടയിലാണ് തീഗോളം നാട്ടുകാര്‍ കണ്ടത്. ഉല്‍ക്കയാണെന്നും റോക്കറ്റ് തകര്‍ന്നതിന്റെ അവശിഷ്ടമാണെന്നും വാര്‍ത്ത പ്രചരിക്കുന്നുണ്ടെങ്കിലും സംഭവത്തില്‍ കൃത്യമായ നിര്‍വ്വചനം നല്‍കാന്‍ കഴിയാതെ കുഴങ്ങുകയാണ് ശാസ്ത്രലോകം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha