ഉരുക്കിന്റെ കരുത്തുമായി അജിതാബീഗം ചുരം കയറുന്നു; യാഥാസ്ഥിതിക മുസ്ലീം കുടുംബത്തില് നിന്നും ഐപിഎസിലേക്കെത്തിയ അജിതയുടെ അടുത്ത ലക്ഷ്യം മാവോയിസ്റ്റ്
ഉരുക്കിന്റെ കരുത്തുമായി അജിതാബിഗം ഐപിഎസ് വയനാടന് ചുരം കയറുകയാണ്. വയനാട് ജില്ലാപൊലീസ് മേധാവിയായാണ് അജീതാബീഗം വയനാട്ടില് എത്തുന്നത്. മാവോയിസ്റ്റ് വിരുദ്ധസേനയുടെ ചുമതലകൂടി അജിതയ്ക്ക് ലഭിച്ചിട്ടുണ്ട്. തിരുവനന്തപുരം ഡെപ്യൂട്ടീ കമ്മീഷണറായി ഏറെ തിളങ്ങിയ ആളാണ് അജിതാബീഗം.
കോയമ്പത്തൂര് ശൗരിപാളയത്തെ യാഥാസ്ഥിതിക മുസ്ലീം കുടുംബത്തില്നിന്നാണ് അജീത ഐ.പി.എസിലെത്തിയത്. കിട്ടിയത് ജമ്മുകാശ്മീര് കേഡര്. ജമ്മുകാശ്മീരില് നിന്ന് 200 കിലോമീറ്ററകലെ സമുദ്രനിരപ്പില് നിന്ന് 3800 അടിയിലധികം ഉയരത്തിലുള്ള റംബാന് ജില്ലയില് ആദ്യ നിയമനം. ഗര്ഭിണിയായിരിക്കേ തീവ്രവാദികളുടെ വിഹാരകേന്ദ്രത്തില് ക്രമസമാധാനപാലന ചുമതല വഹിച്ചു. കേഡര്മാറി കേരളത്തിലെത്തിയ അജീതയെ സ്ത്രീകള്ക്കും പെണ്കുട്ടികള്ക്കുമെതിരായ കേസുകളുടെ അന്വേഷണത്തിനുള്ള വിമന് ഇന്വെസ്റ്റിഗേഷന് ടീമിലുള്പ്പെടുത്തി. ഇപ്പോള് അതി നിര്ണ്ണായകമായ ചുമതലയും. തിരുവനന്തപുരത്ത് വനിതാ സുരക്ഷ ഉള്പ്പെടെയുള്ള സാമൂഹിക സുരക്ഷാ പദ്ധതികള് നടപ്പാക്കി വിജയിച്ച ശേഷമാണ് വയനാട്ടിലേക്കുള്ള മാറ്റം.തിരുവനന്തപുരം സിറ്റി ഡെപ്യൂട്ടി കമ്മീഷണറായ അജീത മാവോയിസ്റ്റ് ബാധിത മേഖലയായ വയനാട്ടിലേക്കുള്ള മാറ്റം ആവശ്യപ്പെടുകയായിരുന്നുവെന്ന് പൊലീസ് നേതൃത്വം വ്യക്തമാക്കി. വര്ഷങ്ങള്ക്കുമുമ്പ് തലയ്ക്ക് പത്തുലക്ഷം രൂപവരെ വിലയിട്ടിട്ടും പിടികൂടാനാവാത്ത മാവോയിസ്റ്റ് പെണ്പുലി സുന്ദരിയുടെ സംഘത്തെ തളയ്ക്കാനുള്ള ദൗത്യം സ്വയം ഏറ്റെടുക്കുകയായിരുന്നു. കര്ണാടക നക്സല് വിരുദ്ധസേനയുമായുള്ള വെടിവയ്പ്പില് കൊല്ലപ്പെട്ട മാവോയിസ്റ്റ് നേതാവ് ദിനകറിന്റെ ഭാര്യയാണ് സുന്ദരി. ബല്ത്തങ്ങാടിയിലെ മുതിര്ന്ന നക്സല്നേതാവ് വസന്തിന്റെ സഹോദരിയാണ്. സുന്ദരിയും ആയുധപരിശീലനംനേടിയിട്ടുണ്ട്.വയനാട് എസ്പിയായിരുന്ന പുട്ടവിമലാദിത്യ ഹൈദരാബാദിലെ ദേശീയ പൊലീസ് അക്കാഡമി അസിസ്റ്റന്റ് ഡയറക്ടറായി പോയ ഒഴിവിലാണ് അജീതയ്ക്ക് മാവോയിസ്റ്റ് വേട്ടയുടെ ചുമതല കൈമാറിയത്.
ഝാര്ഖണ്ഡില് ഗറിലാ ആര്മിയുടെ സായുധ പരിശീലനം നേടിയ മാവോയിസ്റ്റ് സംഘത്തെ പിടികൂടാനോ കണ്ടെത്താനോ ഇതുവരെ കേരളത്തിന്റെ കമാന്ഡോസേനയ്ക്ക് കഴിഞ്ഞിട്ടില്ല. ഈ സാഹചര്യത്തിലാണ് വയനാട്ടിലേക്കുള്ള അജിതയുടെ നിയമനം. മാവോയിസ്റ്റ് വേട്ടതന്നെയാകും പ്രഥമ പരിഗണനയെന്ന് ഈ ഐപിഎസുകാരിയും വ്യക്തമാക്കുന്നു. ആദിവാസികളെ വിശ്വാസത്തിലെടുത്തുള്ള പ്രവര്ത്തനമാകും ലക്ഷ്യം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha