പട്ടത്തോടൊപ്പം പറന്ന അഞ്ച് വയസുകാരന് ദാരുണാന്ത്യം
വിയറ്റ്നാമില് കൂറ്റന് പട്ടത്തില് കുടുങ്ങി ആകാശത്തേക്കുയര്ന്ന ബാലന് നാട പൊട്ടി താഴേക്കു വീണു മരിച്ചു. ഹോചി മിന് നഗരത്തിലെ പട്ടം പറത്തി പരിശീലനം നടത്തുന്ന ദോംഗ് ദിയു വയലിലാണ് ദുരന്തമുണ്ടായത്. ഇവിടെ ഒരു ശീതളപാനീയ കടയില് അമ്മയോടൊപ്പം വിശ്രമിക്കുന്നതിനിടെയാണ് നിലത്തു വീണുയര്ന്ന ഒരു കൂറ്റന് പട്ടത്തിന്റെ നാട ബാലന്റെ കാലില് കുരുങ്ങിയത്. പട്ടത്തോടൊപ്പം 60 അടി ഉയരത്തോളം അഞ്ചു വയസ്സുകാരനും ഉയരത്തിലേക്കു പറക്കുകയായിരുന്നു. ഇതു കണ്ട കാണികള് ആര്ത്തു വിളിച്ചെങ്കിലും കൂറ്റന് പട്ടത്തെ പെട്ടെന്ന് നിലത്തിറക്കാനായില്ല. പിന്നീട് നിയ്ന്ത്രണം വിട്ട് നിലത്തു പതിച്ച പട്ടത്തോടൊപ്പം ബാലനും താഴേക്കു വീഴുകയായിരുന്നു. ഉടന് തന്നെ ആശുപത്രിയിലേക്ക് കൊണ്ടു പോയെങ്കിലും വഴി മധ്യേ ബാലന് മരിക്കുകയായിരുന്നു.
അടുത്തു നടക്കാനിരിക്കുന്ന പട്ടം പറത്തല് ഫെസ്റ്റിവലിനു വേണ്ടി വിവിവിധ പട്ടം പറത്തല് സംഘങ്ങള് പരിശീലനം നടത്തി വരികയായിരുന്നു ഇവിടെ. കുട്ടികള് പട്ടത്തിന്റെ നാടയില് കുരുങ്ങുന്നത് തടയാനും സംരക്ഷിക്കാനും മതിയായ ഉദ്യോഗസ്ഥരെ ഇവരെ നിയോഗിച്ചിട്ടുണ്ടായിരുന്നെന്നും എന്നാല് ഈ ബാലന് അമ്മയോടൊപ്പമായിരുന്നതിനാല് ശ്രദ്ധയില്പ്പെട്ടില്ലെന്നും നഗരസഭാ വക്താവ് പ്രതികരിച്ചു.
അപകടത്തെക്കുറിച്ച് സമഗ്ര അന്വേഷണം നടന്നു വരുന്നുണ്ടെന്നും അദ്ദേഹം പറഞ്ഞു.
അപകടമുണ്ടാക്കിയ കൂറ്റന് പട്ടം പലതവണ നിലം പതിക്കുകയും വീണ്ടും പറന്നുയരുകയും ചെയ്തിരുന്നു. കാഴ്ച്ചക്കാരിലധിക പേരുടേയും ശ്രദ്ധ ഈ പട്ടത്തിലായിരുന്നു. പൊടുന്നനെയാണ് നാടയില് കുരുങ്ങിയ ബാലനുമായി പട്ടം പറന്നുയരുന്നത് കാണികളുടെ ശ്ര്ദ്ധയില്പ്പെട്ടത്. ഇവര് ആര്ത്തു വിളിക്കുന്നതും സംഭവത്തിന്റെ വീഡിയോയില് കേള്ക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha