സൗന്ദര്യം കൂടിയ ഭാര്യയെ വിരൂപിയാക്കാന് ഭര്ത്താവ് ക്വട്ടേഷന് നല്കിയത് 50,000 രൂപ
സുന്ദരിയായ ഭാര്യ ഏതൊരു പുരുഷന്റേയും സ്വപ്നമാണ്. എന്നാല് ആ സൗന്ദര്യം കൊണ്ട് മനസമാധാനം ഇല്ലാതായപ്പോള് ആ സൗന്ദര്യത്തെ ഇല്ലാതാക്കാന് ഭര്ത്താവ് 50,000 രൂപ ക്വട്ടേഷന് നല്കി. പത്തനംതിട്ട കോന്നിയിലാണ് നാടിനെ നടുക്കുന്ന സംഭവമുണ്ടായത്.
കോന്നി തണ്ണിത്തോട് കിഴക്കേച്ചരുവില് സുനില്രാജിന്റെ ഭാര്യ ശ്രീജ (30)യെ കഴിഞ്ഞ 21നു പൊള്ളലേല്പിച്ച കേസുമായി ബന്ധപ്പെട്ട അന്വേഷണമാണ് ഭര്ത്താവിന്റെ ക്രൂരകൃത്യത്തിലേക്ക് പോകുന്നത്. പത്തനംതിട്ട ബാറിലെ ഒരു അഭിഭാഷകന്റെ ഓഫീസില് ക്ലര്ക്കായി ജോലി നോക്കുകയായിരുന്നു ശ്രീജ. ആസിഡ് ആക്രമണത്തില് പൊള്ളലേറ്റ ശ്രീജയുടെ വലതു കണ്ണിന്റെ കാഴ്ച നഷ്ടമായിരിക്കുകയാണ്.
വിദേശത്തായിരുന്ന സുനില്രാജ് നാട്ടിലെത്തിയശേഷം കൊല്ലത്തെ ഒരു സ്വകാര്യ സ്ഥാപനത്തില് ജോലി നോക്കുകയായിരുന്നു. ആഴ്ചയില് ഒരിക്കല് മാത്രം വീട്ടിലെത്തുന്ന സുനില്രാജിന് ഭാര്യ ശ്രീജയില് സംശയങ്ങളുണ്ടായിരുന്നു. ഇതേത്തുടര്ന്ന് ഇവരുടെ ദാമ്പത്യ ജീവിതത്തില് വിള്ളലുണ്ടായി.
ശ്രീജയുടെ സൗന്ദര്യമാണ് എല്ലാത്തിനും കാരണമെന്ന് സുനില്രാജ് വിശ്വസിച്ചു. തുടര്ന്നാണ് സുഹൃത്തുക്കളുടെ സഹായത്തോടെ ശ്രീജയെ ആസിഡ് ഒഴിച്ച് പൊള്ളലേല്പിക്കാന് തീരുമാനിച്ചത്. ഇതിനായി 50,000 രൂപയ്ക്ക് സുഹൃത്തുക്കള്ക്ക് ക്വട്ടേഷന് നല്കി. ഇതില് 20,000 രൂപ കൈമാറുകയും ചെയ്തു.
21നു രാത്രി വീടിനു സമീപമെത്തി സുനില്രാജ് തന്നെ കതകില് മുട്ടി ശ്രീജയെ വിളിച്ചു. ശ്രീജ കതക് തുറന്നപ്പോള് സുനില്രാജ് ഇരുളില് മറയുകയും ഒപ്പമുണ്ടായിരുന്ന സുഹൃത്തുക്കള് ശ്രീജയുടെ മുഖത്തേക്ക് ആസിഡ് ഒഴിക്കുകയുമായിരുന്നു. സംഭവത്തിനുശേഷം സുനില്രാജ് വീടിനു സമീപം തന്നെ ഒളിച്ചിരുന്നു സ്ഥിതിഗതികള് വിലയിരുത്തുകയും പ്രദേശവാസികളായ മറ്റ് ആളുകളുടെ പേരുകള് വിളിച്ചു പറഞ്ഞ് നാട്ടുകാരില് സംശയം ജനിപ്പിക്കാന് ശ്രമം നടത്തുകയുമുണ്ടായി.
ഭാര്യയുമായി പിണക്കത്തിലായിരുന്ന സുനില്രാജ് പക്ഷേ കോട്ടയം മെഡിക്കല് കോളജില് ഇവര്ക്കൊപ്പമുണ്ടായിരുന്നു. ശ്രീജ നല്കിയ മൊഴിയും ഭര്ത്താവിന്റെ പെരുമാറ്റങ്ങളിലും അന്വേഷണം വഴിതിരിച്ചുവിടാനുള്ള ശ്രമത്തിലും പോലീസിനു സംശയങ്ങളുണ്ടായി. തുടര്ന്ന് സുനില്രാജിന്റെ നീക്കങ്ങള്പോലീസ് സസൂക്ഷ്മം നിരീക്ഷിക്കുകയും ഇയാളെ ചോദ്യം ചെയ്യുകയുമായിരുന്നു. സുഹൃത്തുക്കളെയും ചോദ്യം ചെയ്തു. ആദ്യം ഒഴിഞ്ഞുമാറിയെങ്കിലും വിശദമായ ചോദ്യം ചെയ്യലില് സുനിലും പ്രകാശും കുറ്റം സമ്മതിച്ചു. തുടര്ന്നായിരുന്നു അറസ്റ്റ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha