സാന്‍വിച്ച് വൈകിയതിന് എയര്‍ഹോസ്റ്റസിന് യാത്രക്കാരന്റെ വക തല്ല്
മണിക്കൂറുകളായി സാന്‍വിച്ച് കിട്ടാന്‍ ആ യാത്രക്കാരന്‍ കാത്തിരുന്നു. ഒടുവില്‍ എയര്‍ഹോസ്റ്റസ് എത്തിയപ്പോള്‍ ദേഷ്യം വന്ന് യഥാര്‍ത്ഥ സ്വഭാവം യാത്രക്കാരന്‍ പുറത്തെടുത്തു. അല്‍പ സമയം കൂടുതല്‍ കാത്തിരിക്കേണ്ടി വന്നതിലുള്ള കലിപ്പ് തീര്‍ക്കാന്‍ യാത്രക്കാരന്‍ എയര്‍ഹോസ്റ്റിനെ പിടിച്ച് ഇടിച്ചു സാന്‍വിച്ചാക്കി. ബ്രിട്ടീഷ് ബജറ്റ് എയര്‍ലൈനായ ഈസി ജെറ്റിന്റെ ജനീവയില്‍ നിന്നും കൊസോവയിലെ പ്രിസ്റ്റീനയിലേക്ക് പറക്കുകയായിരുന്ന വിമാനത്തിലാണ് ഈ സംഭവം.
മണിക്കൂറുകളായി താന്‍ കാത്തിരിക്കുകയാണെന്നും വിശന്നു വലഞ്ഞിരിക്കുകയാണെന്നും എയര്‍ഹോസ്റ്റസിനെ ഇടിച്ചുവീഴ്ത്തുന്നതിനു മുമ്പ് യാത്രക്കാരന്‍ വിളിച്ചു പറഞ്ഞിരുന്നതായി ദൃക്‌സാക്ഷികള്‍ പറഞ്ഞു. ശബ്ദം ഉയര്‍ത്തി യാത്രക്കാരന്‍ എയര്‍ഹോസ്റ്റസിനെ വിളിച്ച് വരുത്തുകയായിരുന്നു. സാന്‍വിച്ചുമായി വന്ന എയര്‍ഹോസ്റ്റസിനെ സീറ്റില്‍ നിന്നും എഴുന്നേറ്റ് നിന്നാണ് ഇയാള്‍ അടിക്കാന്‍ കൊടുത്തത്. ആക്രമണത്തില്‍ നിലത്തു വീണ എയര്‍ഹോസ്റ്റസിനെ നിര്‍ത്താതെ യാത്രക്കാരന്‍ തല്ലുകയായിരുന്നു.
ഒടുവില്‍ മറ്റു യാത്രക്കാര്‍ ഇടപെട്ടാണ് ഇയാളെ പിടിച്ചു മാറ്റിയത്. തുടര്‍ന്ന് അടുത്ത വിമാനത്താവളത്തില്‍ എയര്‍ഹോസ്റ്റസ് ഇറങ്ങാന്‍ തീരുമാനിച്ചു. ഇറ്റാലിയന്‍ തലസ്ഥാനമായ റോമിലെ ഫുമിസിനോ വിമാനത്താവളത്തില്‍ എയര്‍ഹോസ്റ്റസ് ഇറങ്ങി. ഒരു സാന്‍വിച്ചിനു വേണ്ടി ഒരാള്‍ ഇത്രത്തോളം ആക്രമാസക്തമാകുമെന്ന് താനൊരിക്കലും പ്രതീക്ഷിച്ചില്ലെന്നായിരുന്നു എയര്‍ഹോസ്റ്റ് പറഞ്ഞു. വിമാനം ലാന്റ് ചെയ്ത ഉടന്‍ തന്നെ പോലീസ് യാത്രക്കാരനെ അറസ്റ്റ് ചെയ്തു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
