പ്രതിഫലം ആഗ്രഹിക്കാതെ കര്മ്മം ചെയ്തു പക്ഷേ...
അമേരിക്കയിലെ കാലിഫോര്ണിയയിലെ അംഗീകാരം നേടിയ ഒരു ശിശുരോഗ വിദഗ്ദ്ധനാണ് ഡോ. മൈക്കല് ഷാനോന്. മുപ്പതു വര്ഷങ്ങള്ക്കു മുമ്പ് ഷാനോന്റെ ആശുപത്രിയില് മാസം തികയാതെ ഒരു ആണ്കുഞ്ഞു ജനിച്ചു. ആ കുഞ്ഞ് രക്ഷപ്പെടാന് വലിയ സാധ്യതയൊന്നും ഇല്ലെന്ന് ഡോക്ടര്മാരെല്ലാം വിലയിരുത്തി. എന്നാല് ഷാനോന് പ്രതീക്ഷ വെടിഞ്ഞില്ല. പകലും രാത്രിയും ആ കുഞ്ഞിന്റെയടുക്കല് നിന്നു മാറിയില്ല.
അതിനു നല്കാവുന്ന എല്ലാ ശ്രദ്ധയും പരിചരണവും നല്കി. മിടുക്കനായി ആ കൈകുഞ്ഞ് അന്ന് ആശുപത്രി വിട്ടപ്പോള് ഏറ്റവും സന്തോഷിച്ചത് ഡോ. ഷാനോനായിരുന്നു. തന്റെ സേവന മേഖലയില് 30 വര്ഷം പിന്നിട്ട ഷാനോന് അടുത്തയിടെ ഒരു അപകടത്തില് പെട്ടു. അദ്ദേഹത്തിന്റെ കാര് ഒരു കൂറ്റന് ട്രക്കുമായി കൂട്ടിമുട്ടി. ട്രക്കിനടിയിലയ്ക്ക് കയറിയ കാറിനുള്ളില് നിന്നു പുറത്തിറങ്ങാനാവാതെ ഷാനോന് ഇരിക്കുകയായിരുന്നു. കാറിന് തീപിടിയ്ക്കുകയും ചെയ്തു. തീയില്പെട്ട് മരിക്കുമെന്ന് ഏറെകുറെ ഉറപ്പായ നിമിഷമായിരുന്നു അത്.
അപ്പോഴാണ് മറ്റൊരു സ്ഥലത്ത് നടന്ന തീപിടുത്തത്തിലവെ തീ അണച്ചതിനു ശേഷം ഒരു സംഘം അഗ്നിശമന പ്രവര്ത്തകരുടെ വാഹനം അതുവഴി വന്നത്. അപകടം കണ്ട് ചാടിയിറങ്ങി ആദ്യമെത്തിയത് ക്രിസ് ട്രോക്കി എന്ന പാരാമെഡിക്കായിരുന്നു. ട്രക്കിനടിയില് കുടുങ്ങി കിടന്ന കാറില് ഒരു ദ്വാരമുണ്ടാക്കി കാറിനുള്ളിലുണ്ടായിരുന്ന ആളിനെ വലിച്ചു പുറത്തെടുത്ത് ആശുപത്രിയിലാക്കി.
പിറ്റേദിവസം ആശുപത്രിയിലെത്തി സംസാരിക്കവെയാണ് അപകടത്തില് പെട്ടയാളുടെ പേര് ഷാനോന് എന്നാണെന്നും, അദ്ദേഹം ഒരു ശിശുരോഗവിദഗ്ദ്ധനാണെന്നും ക്രിസ് ട്രോക്കി അറിഞ്ഞത്. ചെറുപ്പം മുതല് വീട്ടില് പറഞ്ഞു കേട്ട തന്റെ ജനന കഥയിലെ ഡോ. ഷാനോനാണ് അത് എന്ന് തിരിച്ചറിഞ്ഞയുടനെ തന്നെ ക്രിസ് ട്രോക്കി ഷാനോന് തന്നെ പരിചയപ്പെടുത്തിക്കൊടുത്തു. വര്ഷങ്ങള്ക്കു മുമ്പ് മാസം തികയാതെ ഒരു കുഞ്ഞു ജനിച്ചപ്പോള് ഡോക്ടര് ഉറങ്ങാതിരുന്നു പരിചരിച്ച് ജീവിതത്തിലേയ്ക്ക് കൂട്ടി കൊണ്ടു വന്ന ആ കുഞ്ഞാണ് താനെന്ന് അയാള് വെളിപ്പെടുത്തി. പ്രതിഫലം ഇച്ഛിക്കാതെ ചെയ്ത തന്റെ നന്മയ്ക്ക് കാലം പ്രതിഫലം കാത്തു വച്ചിരുന്നുവെന്ന് ഡോക്ടര്ക്കു അപ്പോള് മനസ്സിലായി. ഇപ്പോള് വിവാഹിതനായ ക്രിസിന് ഒരു മകനുണ്ട്. അതേ, നിങ്ങള് ഊഹിച്ചത് ശരിയാണ് ഡോ. ഷാനോനാണ് ഇപ്പോള് ക്രിസിന്റെ മകന്റെ പീഡിയാട്രിഷന്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha