ഇനി കുടി വീട്ടില് തന്നെ... ബാറുകള് പൂട്ടിയതോടെ വീടുകള് ബാറാകും; വീട്ടില് വരുന്ന മാമന്മാരെ ശ്രദ്ധിക്കുക; സ്ത്രീകള് അപകടത്തില്
സുരേഷ് ഗോപി വീണ്ടും വാര്ത്തകളില് നിറയുന്നു. സംസ്ഥാനത്ത് ബാറുകള് പൂട്ടിയ സാഹചര്യത്തിലാണ് സുരേഷ് ഗോപി മനസ് തുറക്കുന്നത്. ബാറുകള് പൂട്ടിയതോടെ വീടുകള് ബാറുകളാകുന്ന സാഹചര്യം വരുമെന്നും ഇത് സ്ത്രീസുരക്ഷയെ അപകടത്തിലാക്കുമെന്നും സുരേഷ് ഗോപി പറഞ്ഞു.
മദ്യപര്ക്കൊപ്പം വീട്ടിലേക്ക് വരുന്ന മാമന്മാരെ സൂക്ഷിക്കണം. സംസ്ഥാനത്തെ ബാറുകള് പൂട്ടിയ സര്ക്കാര് നടപടി നല്ലതാണ്. എന്നാല് അതുവഴി ഉണ്ടാകുന്ന പ്രശ്നങ്ങള് കാണാതിരിക്കരുതെന്നും അദ്ദേഹം പറഞ്ഞു.
സംസ്ഥാന സര്ക്കാരിന്റെ മദ്യനയത്തിനോ ബാറുകള് പൂട്ടുന്നതിനോ താന് എതിരല്ല. എന്നാല്, ബാറുകള് പൂട്ടുമ്പോഴുണ്ടാകുന്ന സാമൂഹിക സാഹചര്യം വേണ്ടവിധത്തില് ബന്ധപ്പെട്ടവര് മനസ്സിലാക്കിയിട്ടില്ല. സുഹൃത്തുക്കളുമൊത്ത് വീട്ടില് മദ്യപാനം തുടരുന്ന സാഹചര്യമാണ് ഇനിയുണ്ടാകുക. ഇതാകട്ടെ വീട്ടിലെ സ്ത്രീകളുടെ സുരക്ഷയെ ബാധിക്കും.
ഡല്ഹി സംഭവത്തോടെ അവസാനിച്ചെന്നു കരുതിയ സ്ത്രീപീഡനങ്ങളുടെ തുടര്ക്കഥകള് രാജ്യത്തിന്റെ പല ഭാഗങ്ങളില്നിന്നും കേള്ക്കാന് തുടങ്ങിയിരിക്കുകയാണ്.
ബാറുകള് പൂട്ടാനുള്ള തീരുമാനം വീട്ടിലെ പെണ്കുട്ടികളുടെ സുരക്ഷയെ എത്രമാത്രം ബാധിക്കുമെന്ന് ആഭ്യന്തര വകുപ്പ് സര്വേ നടത്തണമെന്നും സുരേഷ് ഗോപി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha