ജീവിതത്തിലേക്ക് തിരികെ കൊണ്ടുവന്ന കരച്ചില്‍ എന്നു വിശേഷിപ്പിക്കാം ആ കരച്ചിലിനെ. മരിച്ചെന്നു ഡോക്ടര്‍ വിധിയെഴുതിയ നവജാത ശിശു ശവസംസ്‌കാരത്തിന് മിനിട്ടുകള്‍ക്ക് മുമ്പ് ജീവിതത്തിലേക്ക് മടങ്ങിയെത്തി. മധ്യപ്രദേശിലെ ജബല്‍പൂരിലാണ് സംഭവം. ആകാശ് മറാത്തസോനു ദമ്പതികളുടെ മകളാണ് മരണത്തില്‍ നിന്നും തലനാരിഴയ്ക്ക് രക്ഷപ്പെട്ടത്. കുട്ടിയുടെ മൃതദേഹം സംസ്‌കരിക്കുന്നതിനായി കുടുംബം സമീപത്തെ ശ്മശാനത്തില്‍ എത്തിയതോടെയാണ് സംഭവങ്ങള്‍ക്ക് തുടക്കം. ശവസംസ്‌കാരത്തിനുള്ള ചടങ്ങുകളും കുട്ടിയുടെ മൃതദേഹം കുഴിച്ചിടുന്നതിനുള്ള കുഴിയും കുടുംബാംഗങ്ങള്‍ ഇവിടെ ഒരുക്കി. ഇതിനിടയിലാണ് കുട്ടിയുടെ മൃതദേഹം ശുദ്ധീകരിച്ചിട്ടില്ലെന്ന് ചടങ്ങുകള്‍ക്ക് നേതൃത്വം നല്‍കുന്ന വൈദികന്‍ ചൂണ്ടിക്കാട്ടിയത്. തുടര്‍ന്ന് മൃതദേഹത്തിനെ കുളിപ്പിക്കുന്നതിനുള്ള ശ്രമങ്ങള്‍ കുടുംബം ആരംഭിച്ചു. ഇതിനിടയില്‍ ശരീരത്ത് വെള്ളം വീണതോടെയാണ് കുട്ടി അസ്വസ്ഥത പ്രകടിച്ചത്. ആദ്യം കുടുംബാംഗങ്ങള്‍ അത്ഭുതപ്പെട്ടെങ്കിലും ഉടന്‍ തന്നെ കുട്ടിയെ സമീപത്തെ മറ്റൊരു ആശുപത്രിയിലെത്തിച്ചു. കുട്ടിയുടെ മാതാപിതാക്കള്‍ ആശുപത്രിക്ക് എതിരെ പിന്നീട് പോലീസില്‍ പരാതി നല്‍കി.
പ്രസവത്തിന്റെ ഭാഗമായി ഞായറാഴ്ചയാണ് സോനുവിനെ മന്നുലാല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചത്. തുടര്‍ന്ന് സോനു ഒരു പെണ്‍കുട്ടിക്ക് ജന്മം നല്‍കി. എന്നാല്‍ ജനിച്ച ശേഷം യാതൊരു പ്രതികരണവും നടത്താത്തതിനെ തുടര്‍ന്നാണ് ഡോക്ടര്‍ കുട്ടിയെ വിശദമായി പരിശോധിച്ചത്. പരിശോധനയ്ക്ക് ശേഷം കുട്ടിക്ക് ജീവന്‍ നഷ്ടപ്പെട്ടതായി ഡോക്ടര്‍ വിധിയെഴുതി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha