തന്സീര് മരണത്തെ തോല്പ്പിച്ച് തിരികെയെത്തി , ഇടതു കൈയ്യും കാലും നഷ്ടമായെങ്കിലും പതറാതെ മുന്നോട്ട്...!
കെഎസ്ഇബി പാവറട്ടി സെക്ഷനിലെ കരാര് ജീവനക്കാരനായിരുന്ന തന്സീര് കഴിഞ്ഞ വര്ഷത്തെ സെപ്റ്റംബര് 3-ാം തീയതി ഒരിക്കലും മറക്കില്ല. അന്ന് മരുതയൂരിലേക്ക് പുതിയ ലൈന് വലിക്കുന്ന ജോലിയിലായിരുന്നു കാക്കശേരി പുല്ലാട്ടയില് താഹയുടെ മകന് തന്സീര്(23).
അതിനിടെ ഹൈ ടെന്ഷന് കമ്പിയില് നിന്നും ഷോക്കേറ്റു. ഷോക്കേറ്റ് തൂങ്ങിക്കിടന്ന തന്സീറിന്റെ കൈകളും കാലുകളും കത്തിക്കരിഞ്ഞു. ഭീതി മൂലം ആരും വൈദ്യുതക്കാലില് കയറാന് ധൈര്യപ്പെട്ടില്ല. ഒടുവില് ചക്കാണയില് മാധവന്റെ മകന് സച്ചിന് വൈദ്യുതക്കാലില് കയറി ഷോക്കേറ്റ് കിടന്ന തന്സീറിനെ താങ്ങിപ്പിടിച്ചു. കാല് കമ്പിയില് കുരുങ്ങിയതു മൂലം താഴെ ഇറക്കാനായില്ല.
അഗ്നിരക്ഷാസേന വരുന്നതു വരെ തന്സീര് വീഴാതെ കാത്ത സച്ചിന് ഹൃദയ ധമനികളുടെ പ്രവര്ത്തനം നിലയ്ക്കാതിരിക്കാനുള്ള ശ്രമങ്ങളും നടത്തി.
താഴെയിറക്കുമ്പോള് തന്സീറിനു ബോധം നഷ്ടമായിരുന്നു. എറണാകുളം മെഡിക്കല് സെന്റര് ഐസിയുവില് രണ്ടരമാസം ചികിത്സ. ഇടതു കയ്യും കാലും മുറിച്ചു മാറ്റി. പിന്നീട് എറണാകുളം അമൃത ആശുപത്രിയില് തുടര്ച്ചയായ ശസ്ത്രക്രിയകളും ചികിത്സയും.
ആത്മധൈര്യത്തിന്റെ പര്യായമാകുകയാണ്, ജര്മന് നിര്മിതമായ കാലും കൈകളും ധരിച്ച് പിച്ചവച്ച് നടക്കാനുള്ള പരിശീലനം നടത്തുന്ന തന്സീര്. ഭാരിച്ച ചെലവുകളാണ് കുടുംബത്തിന് നേരിടേണ്ടി വന്നത്. ഒട്ടേറെപ്പേരുടെ സാമ്പത്തിക സഹായങ്ങളാണ് തുണയായതെന്ന് തന്സീര് നന്ദിയോടെ ഓര്ക്കുന്നു.
https://www.facebook.com/Malayalivartha