ലണ്ടനിലെ പ്രൈമറി സ്‌കൂളില്‍ ആറുവയസുകാരന്‍ സഹപാഠിയെ പീഡിപ്പിക്കാന്‍ ശ്രമിച്ചതായി പരാതി
പ്രൈ സ്‌കൂളില്‍ ആറു വയസ്സുകാരന്‍ വിദ്യാര്‍ത്ഥി സമപ്രായക്കാരിയായ സഹപാഠിയെ ക്ലാസ് മുറിയിലും കളിസ്ഥലത്തും വച്ച് പീഡിപ്പിക്കാന്‍ ശ്രമിച്ചു.ലണ്ടനിലാണ് സംഭവം റിപ്പോര്‍ട്ട് ചെയ്തത്. എന്നാല്‍ ഒരു ക്രിമിനല്‍ കുറ്റം ചുമത്തുന്നതിനുള്ള പ്രായപരിധി പത്തു വയസ്സ് ആണെന്നതിനാല്‍ സംഭവത്തില്‍ നടപടി എടുക്കാനാവാതെ കുഴങ്ങിയിരിക്കുകയാണ് പൊലീസ്. ഇംഗ്ലണ്ടിലെ നിയമ പ്രകാരം ബാലനെതിരെ കുറ്റം ചുമത്താന്‍ അധികൃതര്‍ക്കാവില്ല. ക്ലാസില്‍ നിന്നും ബാലനെ മാറ്റണമെന്ന ആവശ്യം സ്‌കൂള്‍ അധികൃതര്‍ നിരസിച്ചതോടെ സ്‌കൂളിനെതിരെ കടുത്ത വിമര്‍ശനവുമായി പെണ്‍കുട്ടിയുടെ അമ്മയാണ് രംഗത്തെത്തിയത്. പെണ്‍കുട്ടിയെ മറ്റൊരു സ്‌കൂളിലേക്ക് മാറ്റിയിട്ടുണ്ട്.
എന്നാല്‍ ആണ്‍കുട്ടി ക്ലാസില്‍ തുടരുന്നതില്‍ പ്രശ്‌നമൊന്നുമില്ലെന്ന് സ്‌കൂള്‍ അധികൃതര്‍ പറഞ്ഞപ്പോള്‍ മകളെ ഈ സ്‌കൂളില്‍ നിന്നു മാറ്റുകയല്ലാതെ നിര്‍വാഹമുണ്ടായിരുന്നില്ലെന്നും അവര്‍ പറഞ്ഞു. സംഭവത്തെ കുറിച്ച് സ്‌കൂള്‍ അധികൃതരേയും സോഷ്യല്‍ സര്‍വീസിനെയും പൊലീസിനെയും അറിയിച്ചതും പെണ്‍കുട്ടിയുടെ അമ്മയാണ്. ആണ്‍കുട്ടിയുടെ മാതാപിതാക്കളുമായി സംസാരിച്ച് അവര്‍ക്കു പറയാനുള്ളത് കൂടി കേള്‍ക്കേണ്ടതുണ്ടെന്നായിരുന്നു സ്‌കൂള്‍ അധികൃതരുടെ മറുപടി. ഈ ദുരനുഭവം എത്രത്തോളം മോശമാണെന്ന് തന്റെ മകള്‍ക്ക് തിരിച്ചറിയാനായിട്ടില്ല. സ്‌കൂള്‍ അധികൃതരുടെ നിലപാട് മകള്‍ക്ക് മതിയായ സുരക്ഷിതത്വം നല്‍കുന്നില്ലെന്നും അമ്മ ആരോപിച്ചു.
ഇളം പ്രായത്തില്‍ തന്നെ കുട്ടികള്‍ സെക്‌സിലേക്ക് കൂടുതലായി കടന്നു വരുന്ന സാഹചര്യത്തില്‍ നിയമത്തില്‍ അതിനനുസരിച്ചുള്ള മാറ്റങ്ങള്‍ ആവശ്യമാണെന്നും ഇത്തരം കേസുകളില്‍ വിശദമായ അന്വേഷണം നടക്കണമെന്നും അമ്മ ആവശ്യപ്പെട്ടു. പെണ്‍കുട്ടിയെ പീഡിപ്പിക്കാന്‍ ശ്രമിച്ചതായുള്ള പരാതി ലഭിച്ചിട്ടുണ്ടെന്ന് സ്ഥിരീകരിച്ച പൊലീസ് നടപടി എടുക്കേണ്ടത് സ്‌കൂള്‍ അധികൃതരും സോഷ്യല്‍ സര്‍വീസുമാണെന്നും വ്യക്തമാക്കി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
