താനും ഒരുപെണ്ണാണ്, എനിക്കും ആഗ്രഹമുണ്ട് ഒരുഅമ്മയാവാന്‍, ഈ ജിവിതത്തില്‍ ഇനിയത് നടക്കില്ലെന്ന് തോന്നുന്നു. മരിക്കുന്നതിന് മുമ്പ് ഡോക്ടര്‍ പ്രിയ തന്റെ സുഹൃത്തിനോട് പറഞ്ഞ വാക്കുകളാണിത്. ഡല്‍ഹിയിലെ സ്വകാര്യ ഹോട്ടലില്‍ കഴിഞ്ഞ ദിവസമാണ് എയിംസിലെ വനിതാ ഡോക്ടറെ ദുരൂഹ സാഹചര്യത്തില്‍ മരിച്ച നിലയില്‍ കണ്ടത്. സംഭവത്തില്‍ ഭര്‍ത്താവ് ഡോക്ടര്‍ കമല്‍ വേദിയെ പൊലീസ് കസ്റ്റഡിയില്‍ എടുത്തു. അനസ്‌തേഷ്യ വിഭാഗത്തിലെ മുതിര്‍ന്ന ഡോക്ടര്‍ ജയ്പൂര്‍ സ്വദേശിനിയായ പ്രിയയാണ് ആത്മഹത്യ ചെയ്തത്. ആത്മഹത്യാ കുറിപ്പിന്റെ അടിസ്ഥാനത്തിലാണ് ഡോക്ടര്‍ കമലിനെ അറസ്റ്റ് ചെയ്തത്.

എല്ലാവരെയും പോലെ താനും വളരെ താല്‍പര്യത്തോടെയാണ് വിവാഹംകഴിച്ചത്. പക്ഷേ വിവാഹം കഴിഞ്ഞിട്ട് അഞ്ച് വര്‍ഷമായെങ്കിലും ഡോ. കമലുമായി ഇതുവരെ ശാരീരിക ബന്ധമുണ്ടായിട്ടില്ല. അദ്ദേഹത്തിന് ശാരീരിക ബന്ധത്തിന് താല്‍പ്പര്യമില്ലാത്തതിന്റെ കാരണം അറിയുന്നതിന് ലാപ്‌ടോപ്പ് പരിശോധിച്ചു.

വ്യാജ ജി മെയില്‍ ഐ.ഡിയില്‍ നിന്ന് ഭര്‍ത്താവ് സ്വവര്‍ഗാനുരാഗികളായ സുഹൃത്തുക്കളോട് ചാറ്റ് ചെയ്യുന്നതും ഗേ പോണ്‍ വീഡിയോകള്‍ ആസ്വദിക്കുന്നതായും കണ്ടെത്തി.വിവാഹ ശേഷം ആറ് മാസങ്ങള്‍ക്കകം ഭര്‍ത്താവിന്റെ സ്വവര്‍ഗാനുരാഗം താന്‍ കണ്ടെത്തിയിരുന്നു. എന്നാല്‍ ഇക്കാര്യം പരസ്യമാക്കിയിരുന്നില്ല. ഇപ്പോള്‍ മാനസിക പീഡനം സഹിക്കാനാകാത്തതിനാലാണ് ഇക്കാര്യം പരസ്യമാക്കുന്നതെന്നും ഡോ. പ്രിയ ആത്മഹത്യ കുറിപ്പില്‍ വെളിപ്പെടുത്തുന്നു.

വിവാഹം കഴിഞ്ഞ് ആറ് മാസത്തിന് ശേഷവും ഭര്‍ത്താവിന് തന്നില്‍ താല്‍പ്പര്യം തോന്നാത്തതിനെ കുറിച്ച് പരിശോധിച്ചപ്പോള്‍ ഭര്‍ത്താവ് സ്വവര്‍ഗാനുരാഗികളുമായി ചാറ്റ് ചെയ്യുന്നത് തന്റെ ശ്രദ്ധയില്‍പ്പെട്ടുവെന്നാണ് ഇവരുടെ ഫേസ്ബുക്ക് കുറിപ്പില്‍ പറയുന്നത്. സംഭവത്തെ കുറിച്ച വിശദമായ അന്വേഷണത്തിന് ഒരുങ്ങുകയാണ് പൊലീസ്. ഡോ. പ്രിയയുടെ ആത്മഹത്യാ കുറിപ്പിന്റെ അടിസ്ഥാനത്തില്‍ ഞായറാഴ്ച വൈകുന്നേരത്തോടെ ഡോ. കമല്‍ വേദിയെ ഡല്‍ഹി പൊലീസ് അറസ്റ്റ് ചെയ്തു. ആത്മഹത്യാ പ്രേരണാ കുറ്റം ചുമത്തിയാണ് അറസ്റ്റ്. ഇയാള്‍ എയിംസിലെ ത്വക്ക്, അലര്‍ജി വിഭാഗത്തിലെ ഡോക്ടറാണ്.

ശനിയാഴ്ച രാത്രിയോടെയാണ് ഡോക്ടര്‍ പ്രിയ ഹോട്ടലില്‍ മുറിയെടുത്തത്. ഞായറാഴ്ച രാവിലെ വൈകിയും മുറി തുറക്കാഞ്ഞതിനാല്‍ പരിശോധിച്ചപ്പോഴാണ് ഇവരെ മരിച്ച നിലയില്‍ കണ്ടെത്തിയത്. ഭര്‍ത്താവുമായുള്ള ദാമ്പത്യ പ്രശ്‌നമാണ് മരണത്തിലേക്ക് നയിച്ചതെന്ന് പ്രിയയുടെ ഫേസ്ബുക്ക് പോസ്റ്റില്‍ നിന്നും വ്യക്തമായിരുന്നു. ഭര്‍ത്താവ് സ്വവര്‍ഗപ്രേമിയാണെന്ന് ഫേസ്ബുക്കില്‍ കുറിച്ച ശേഷമാണ് പ്രിയയെ മരിച്ച നിലയില്‍ കണ്ടെത്തിയത്‌. വിവാഹം കഴിഞ്ഞ് അഞ്ചു വര്‍ഷം പിന്നിട്ടിട്ടും തങ്ങള്‍ തമ്മില്‍ ശാരീരിക ബന്ധമുണ്ടായിട്ടില്ലെന്നും പ്രിയ കുറിക്കുന്നു. ഇതിന് പിന്നാലെയാണ് ആത്മഹത്യ കുറിപ്പ് ലഭിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha