മലയാളത്തിൽ റൊമാന്റിക് നായകനായിരുന്നു ഒരു കാലത്ത് ചാക്കോച്ചൻ. താരത്തിന്റെ ഹിറ്റ് സിനിമകളിൽ ഒന്നാണ് പ്രിയം.

സിനിമ ഒരു മായിക ലോകമാണ്. അവിടെ എത്തിപ്പെടുക എന്നത് ശ്രമകരം തന്നെയാണ്. എന്നാൽ അവിടെ എത്തി എന്നാൽ കാര്യങ്ങൾ പൂർണമാകുന്നുമില്ല. ഒന്നും രണ്ടും സിനിമകളിൽ വന്ന ശേഷം മറഞ്ഞു പോയ മുഖങ്ങൾ ഏറെയുണ്ട്.

അവരൊക്കെ എവിടയാണ് എന്താണ് ചെയ്യുന്നത് എന്ന് ആരും അന്വേഷിക്കുന്നുണ്ടാകില്ല. ചാക്കോച്ചൻ നായകനായ പ്രിയം എന്ന സിനിമയിൽ, ബെന്നി എന്ന ചാക്കോച്ചന്റെ

കഥാപാത്രത്തിന്റെ പിന്നാലെ നടക്കുന്ന നാൻസി എന്ന പെൺകുട്ടിയെ ഓർക്കുന്നുണ്ടോ.?. ചിലർക്കെങ്കിലും ഓര്മയുണ്ടാകും. ശ്രുതി രാജ് എന്ന നടിയാണ് നാൻസി എന്ന കഥാപാത്രത്തെ അവതരിപ്പിച്ചത്.

മലയാളത്തിലും, തെലുങ്കിലും, തമിഴിലും, കന്നഡയിലുമെല്ലാം ശ്രുതി അഭിനയിച്ചിട്ടുണ്ട്. അഗ്രജൻ എന്ന മലയാളം സിനിമയിലാണ് ശ്രുതി ആദ്യമായി അഭിനയിച്ചത്. പിന്നീട് മമ്മൂട്ടി നായകനായ ഇളവങ്കോട് ദേശം എന്ന ചിത്രത്തിൽ ശ്രുതി അഭിനയിച്ചു.

2008 വരെ സിനിമകളിൽ സജീവമായിരുന്നു ശ്രുതി. തമിഴ് ചിത്രം ഇയക്കത്തിലാണ് അവസാനം അഭിനയിച്ചത്. ഇരുപത്തഞ്ചോളം സിനിമകളിൽ ശ്രുതി അഭിനയിച്ചിട്ടുണ്ട്. 2009 ന് ശേഷം ശ്രുതി തമിഴ് സീരിയലുകളുടെ ഭാഗമായി മാറി.

ഇടക്ക് തെലുങ്ക് സീരിയലുകളിലും അഭിനയിച്ചു. സൺ ടി വി യിൽ സംപ്രേഷണം ചെയ്തിരുന്ന അഴക് എന്ന സീരിയലിൽ ആണ് അവസാനമായി ശ്രുതി അഭിനയിച്ചത്.

സോഷ്യൽ മീഡിയയിൽ സജീവമായ ഒരാളാണ് ശ്രുതി. തന്റെ ചിത്രങ്ങൾ ഇൻസ്റാഗ്രാമിലൂടെ ശ്രുതി പങ്കു വയ്ക്കാറുണ്ട്. താരത്തിന്റെ ഭംഗി കൂടിയിട്ടുണ്ട് എന്നാണ് ആരാധകർ പറയുന്നത്.