കരിപ്പൂര് വിമാനത്താവളത്തില് നിന്നും വീണ്ടും ജീവിതത്തിലേക്ക് ഒരു ടേക്ക് ഓഫ്!
അബുദാബി നാഷനല് ഇന്ഷുറന്സ് കമ്പനിയില് ജീവനക്കാരനായ റഫി കോവിഡ് പ്രതിസന്ധിയെത്തുടര്ന്നാണു നാട്ടിലേക്ക് മടങ്ങിയത്.
ക്വാറന്റീന് പൂര്ത്തിയാക്കി കുണിയയിലെ വീട്ടില് കഴിയുന്ന ഇവര്ക്ക് ഈ ഓണം പ്രതീക്ഷകളുടേതാണ്.
കരിപ്പൂരില് റണ്വേയില് നിന്നു 35 അടി താഴ്ചയിലേക്കു പതിച്ചു രണ്ടായി പിളര്ന്ന എയര് ഇന്ത്യ എക്സപ്രസ് വിമാനത്തിലെ യാത്രക്കാരായിരുന്നു അബ്ദുല് റഫി, ഭാര്യ ആയിഷത്ത് സെലീന, മക്കളായ അബ്ദുല്ല റിയാന്, അബ്ദുല്ല ഷരണ് എന്നിവര്.
വിമാനാപകടത്തില് നിന്നു രക്ഷപ്പെട്ടതിന്റെ ആശ്വാസത്തിലാണ് ഈ കുടുംബം ഓണം ആഘോഷിക്കുന്നത്.
കഴിഞ്ഞ രണ്ടു വര്ഷവും ദുബായിലായിരുന്നു ഇവരുടെ ഓണം. ഇത്തവണ നാട്ടിലാണെങ്കിലും അപകടം വരുത്തിയ ശാരീരികാവശതകളുണ്ട്.
അതിനാല് തിരുവോണദിനത്തില് കുടുംബത്തോടൊപ്പം വീട്ടില് തന്നെയായിരിക്കുമെന്ന് റഫി പറഞ്ഞു. എങ്കിലും പെരിയ കുണിയ ആര്എസ് വില്ലയില് ഈ കുടുംബത്തിന് ഈ ഓണക്കാലം വളരെ പ്രിയപ്പെട്ടതാണ്.
https://www.facebook.com/Malayalivartha