സ്വപ്‌നക്കും റമീസിനും ഒരെ സമയം ചികില്‍സ; എന്തോ ചിഞ്ഞുനാറുന്നില്ല; റിപ്പോര്‍ട്ട് തേടി ജയില്‍ അധികൃതര്‍; പ്രതികള്‍ക്ക് ഉന്നതരുമായി ബന്ധപ്പെടാന്‍ അവസരം; നേരത്തെ ചികില്‍സയിലിരിക്കേ സ്വപ്‌ന ഉന്നതരെ ബന്ധപ്പെട്ടു?
സ്വര്‍ണക്കടത്തിലെ പ്രധാന പ്രതികളായ സ്വപ്‌നക്കും റമീസിനും ഒരെ സമയം നെഞ്ചുവേദന. രണ്ടു പേര്‍ക്കും ഒരെ സമയം തൃശ്ശൂര്‍ മെഡിക്കല്‍ കോളേജില്‍ ചികില്‍സയക്ക് എത്തുന്നു. ഇതില്‍ എന്താണ് തെറ്റെന്ന് ചോദിക്കുന്നവര്‍ സി.പി.എമ്മിന്റെ ന്യായികരണ തൊഴിലാളികള്‍ മാത്രമായിരിക്കും. നേരത്തെ സ്വപ്‌ന ചികില്‍സയില്‍ ഇരിക്കേ നേഴ്്‌സിന്റെ ഫോണ്‍ ഉപയോഗിച്ച് ഉന്നതരുമായി ബന്ധപ്പെട്ടുവെന്ന് വാര്‍ത്തകള്‍ ഉണ്ടായിരുന്നു. ഈ സാഹചര്യത്തില്‍ സ്വപ്‌നക്കും റമീസിനും പരസ്പരം സംസാരിക്കാനും ഉന്നതരുമായി ബന്ധപ്പെടാനും അവസരം നല്‍കുന്നതിന്റെ ഭാഗമാണ് രണ്ടു പേര്‍ക്കും ഒരെ സമയം ചികില്‍സ നല്‍കിയതെന്നാണ് ആരോപണം. ഇതോടെ സ്വപ്‌ന സുരേഷിനും കെ ടി റമീസിനും ഒരേ സമയം ചികില്‍സ നല്‍കിയ സംഭവത്തില്‍ ജയില്‍ വകുപ്പ് റിപ്പോര്‍ട്ട് തേടിയിരിക്കുകയാണ്. വിയ്യൂര്‍ ജയില്‍ വകുപ്പ് അധികൃതരോടാണ് റിപ്പോര്‍ട്ട് തേടിയത്. ഇവരെ ചികില്‍സിച്ച തൃശൂര്‍ മെഡിക്കല്‍ കോളജിലെ ഡോക്ടര്‍മാരോട് സംസാരിച്ച് വിശദമായ റിപ്പോര്‍ട്ട് നല്‍കാനാണ് നിര്‍ദേശം നല്‍കിയത്. ഇന്നലെയാണ് ഇരുവരെയും ആശുപത്രിയില്‍ പ്രവേശിപ്പിച്ചത്.
നെഞ്ചുവേദനയെത്തുടര്‍ന്ന് ആറുദിവസമായി ആശുപത്രിയിലായിരുന്ന സ്വപ്‌നയ്ക്ക് മാനസിക സമ്മര്‍ദ്ദം അല്ലാതെ പ്രശ്‌നങ്ങളൊന്നുമില്ലെന്ന് കണ്ടെത്തിയിരുന്നു. ഇതേത്തുടര്‍ന്ന് ശനിയാഴ്ച ഉച്ചയോടെ വീണ്ടും ജയിലിലേക്ക് മാറ്റി. എന്നാല്‍ ഞായറാഴ്ച വീണ്ടും നെഞ്ചുവേദന അനുഭവപ്പെടുന്നു എന്നു പറയുകയും ആശുപത്രിയിലേക്ക് മാറ്റുകയുമായിരുന്നു. സ്വര്‍ണ്ണക്കടത്ത് കേസുമായി ബന്ധപ്പെട്ട് കസ്റ്റംസ് സംഘം റമീസിനെ ഞായറാഴ്ച ചോദ്യം ചെയ്തിരുന്നു. ഇതിന് പിന്നാലെയാണ് റമീസിനെ ആശുപത്രിയില്‍ പ്രവേശിപ്പിച്ചത്. വയറുവേദന തന്നെയാണ് റമീസിനെയും ആശുപത്രിയിലാക്കാന്‍ കാരണം.
അതെസമയം ഇ.പി ജയരാജന്റെ മകനും സ്വപ്‌നയുമായുള്ള പുതിയ ബന്ധങ്ങള്‍ പുറത്ത് വന്ന സാഹചര്യത്തിലാണ് ഇതുവരെ സ്വര്‍ണക്കടത്ത് പ്രതികള്‍ക്ക് ലഭിക്കാത്ത സര്‍ക്കാരിന്റെ ചില അനുകൂല്യങ്ങള്‍ അവര്‍ക്ക് ലഭിക്കുന്നതെന്നും വ്യക്തമാണ്. സാധാരണ ഗതിയില്‍ പ്രമുഖര്‍ അറസ്റ്റിലാകുമ്പോള്‍ അവര്‍ക്ക് നെഞ്ചുവേദന വരുന്നതും ജയിലിനു പകരം ആശുപത്രി വാസവും പതിവാണ്. പക്ഷേ സ്വര്‍ണക്കടത്തില്‍ ഇത് അല്‍പം വൈകി എന്നും മാത്രം. കാരണം സ്വര്‍ണക്കടത്ത് ഇപ്പോള്‍ എത്തി നില്‍ക്കുന്നത് പാര്‍ട്ടി സെക്രട്ടറിയുടെ കുടുംബത്തിലും മന്ത്രിമാരുടെ കുടുംബത്തിലുമാണ്. അപ്പോള്‍ പിന്നെ പ്രതികളെ സ്വാധീനിച്ചില്ലെങ്കില്‍ കാര്യങ്ങള്‍ കൈവിട്ടു പോകുമെന്ന കാര്യം ഉറപ്പാണ്. ഈ സാചര്യത്തിലാണ് രണ്ടു പ്രതികള്‍ക്ക് ഒന്നിച്ച് ചികില്‍സ നല്‍കിതെന്നാണ് വിലയിരുത്തപ്പെടുന്നത്.
ഇതിനിടെ ഇ.പി ജയരാജന്റെ മകനും സ്വപ്‌നയും തമ്മിലുള്ള ബന്ധം അന്വേഷണ ഏജന്‍സികള്‍ പരിശോധിക്കുകയാണ്. തിരുവനന്തപുരത്തെ ഒരു ഹോട്ടലില്‍ നടത്തിയ വിരുന്നിനിടെ മന്ത്രി പുത്രനും സ്വപ്‌ന സുരേഷും ഒരുമിച്ചുള്ള ദൃശ്യങ്ങള്‍ കഴിഞ്ഞദിവസം പുറത്തുവന്നിരുന്നു. ഈ ദൃശ്യങ്ങളുടെ കൂടുതല്‍ വിവരങ്ങളും ഇവര്‍ തമ്മിലുള്ള ബന്ധവും പരിശോധിക്കാനാണ് അന്വേഷണ ഏജന്‍സി ഒരുങ്ങുന്നത്. സംഭവത്തില്‍ മന്ത്രി പുത്രനെ എന്‍ഫോഴ്‌സ്‌മെന്റ് ഡയറക്ടറേറ്റ് വരും ദിവസങ്ങളില്‍ ചോദ്യം ചെയ്‌തേക്കും. അതേസമയം ചോദ്യം ചെയ്യലിന് ഹാജരാവണമെന്ന് ആവശ്യപ്പെട്ടുള്ള നോട്ടീസ് മന്ത്രിയുടെ മകന് ഇതുവരെ നല്‍കിയിട്ടില്ല. ലൈഫ് മിഷന്‍ പദ്ധതിയുമായി ബന്ധപ്പെട്ട് യൂണിടാക് നല്‍കിയ നാല് കോടിയിലധികം രൂപ കമ്മീഷനില്‍ നിന്നും ഒരു പങ്ക് മന്ത്രിയുടെ മകനും ലഭിച്ചുവെന്ന് എന്‍ഫോഴ്‌സ്‌മെന്റ് ഡയറക്ടറേറ്റിന് ചില സൂചനകള്‍ ലഭിച്ചിരുന്നു. ഇതിനിടെ ലൈഫ് മിഷനെതിരെയുള്ള ആരോപണങ്ങള്‍ നിഷേധിച്ച് മുഖ്യമന്ത്രി പിണറായി വിജയന് രംഗത്ത് എത്തിയിരുന്നു. ലൈഫ് മിഷന്റെ നേട്ടങ്ങള്‍ ഇല്ലാതാക്കുന്നിനുള്ള ഗൂഢനീക്കമാണ് ഇതിന് പിന്നിലെന്നാണ് മുഖ്യമന്ത്രി ആരോപിക്കുന്നത്.
https://www.facebook.com/Malayalivartha
