19-കാരിയെ നാലുപേര് ചേര്ന്ന് ചെയ്തത്... ഇത് മനഃസാക്ഷിയെ നടുക്കുന്ന ക്രൂരത! പോലീസിന്റെ കാടത്തം കണ്ടു നിൽകാനാകില്ല...തുറന്നടിച്ച് ഹൈക്കോടതി! ഹത്രാസ് സംഭവത്തില് അലഹബാദ് ഹൈക്കോടതി സ്വമേധയാ കേസെടുത്തു; ഉദ്യോഗസ്ഥര്ക്ക് സമന്സ്
19-കാരിയെ നാലുപേര്ചേര്ന്ന് സെപ്റ്റംബര് 14 നാണ് കൂട്ടബലാത്സംഗം ചെയ്യുകയും ക്രൂരമായി പീഡിപ്പിക്കുകയും ചെയ്തത്. പോലീസിന് വിവരം നല്കാതിരിക്കാന് പെണ്കുട്ടിയുടെ നാവ് മുറിച്ചു. കുടുംബാംഗങ്ങളെ നിരന്തരം ഭീഷണിപ്പെടുത്തി. കൃഷിസ്ഥലത്ത് ഗുരുതരാവസ്ഥയില് കണ്ടെത്തിയ പെണ്കുട്ടിയെ ആദ്യം അലിഗഢിലെ ആശുപത്രിയിലാണ് പ്രവേശിപ്പിച്ചത്. സെപ്റ്റംബര് 28 ന് ഡല്ഹി എയിംസിലേക്ക് മാറ്റി. തൊട്ടടുത്ത ദിവസമാണ് മരിച്ചത്.
എന്നാൽ പോലീസിന്റെ ഇടപെടലാണ് സംഭവത്തിന് പിന്നാലെ രാജ്യം മുഴുവൻ അലയടിച്ചത്. ദളിത് യുവതി കൂട്ടബലാത്സംഗത്തിന് ഇരയായി കൊല്ലപ്പെടുകയും തുടര്ന്ന് മൃതദേഹം പോലീസ് ബലമായി സംസ്കരിക്കുകയും ചെയ്ത സംഭവത്തില് ഇപ്പോൾ സ്വമേധയാ കേസെടുത്തിരിക്കുകയാണ് അലഹബാദ് ഹൈക്കോടതി. സംഭവത്തില് ഉന്നത സര്ക്കാര് ഉദ്യോഗസ്ഥര്ക്ക് ഹൈക്കോടതിയുടെ ലഖ്നൗ ബഞ്ച് നോട്ടീസ് അയച്ചു. മനഃസാക്ഷിയെ നടുക്കുന്ന സംഭവമാണ് നടന്നതെന്ന് ഹൈക്കോടതി നിരീക്ഷിച്ചു.
യു.പി അഡീഷണല് ചീഫ് സെക്രട്ടറി, ഡിജിപി, എഡിജിപി എന്നിവര് ഒക്ടോബര് 12-ന് ഹാജരാകണമെന്നാണ് ഹൈക്കോടതി നിര്ദ്ദേശിച്ചിട്ടുള്ളത്. ഹത്രാസ് ജില്ലാ മജിസ്ട്രേട്ട്, സീനിയര് സൂപ്രണ്ട് ഓഫ് പോലീസ് എന്നിവര്ക്കും ജസ്റ്റിസുമാരായ രാജന് റോയ്, ജസ്പ്രീത് സിങ്ങ് എന്നിവരുടെ ബെഞ്ച് സമന്സ് അയച്ചിട്ടുണ്ട്. സംഭവവുമായി ബന്ധപ്പെട്ട എല്ലാ വിവരങ്ങളും രേഖകളുമായി എത്താനാണ് ഉദ്യോഗസ്ഥരോട് നിര്ദ്ദേശിച്ചിട്ടുള്ളത്. മാതാപിതാക്കളുടെ സമ്മതമില്ലാതെ പോലീസ് ബലപ്രയോഗത്തിലൂടെ മൃതദേഹം സംസ്കരിച്ച നടപടിയില് കോടതി രോഷം പ്രകടിപ്പിച്ചുവെന്ന് വാര്ത്താ ഏജന്സി റിപ്പോര്ട്ടു ചെയ്തു. കൂട്ടബലാത്സംഗം, കൊലപാതകം എന്നിവയുമായി ബന്ധപ്പെട്ട കേസിന്റെ അന്വേഷണ പുരോഗതി അറിയിക്കണമെന്നും നിര്ദ്ദേശിച്ചിട്ടുണ്ട്. കോടതിയിലെത്തി തങ്ങള്ക്ക് പറയാനുള്ളത് ബോധിപ്പിക്കണമെന്ന് പെണ്കുട്ടിയുടെ മാതാപിതാക്കളോടും നിര്ദ്ദേശിച്ചിട്ടുണ്ട്. അവര്ക്ക് യാത്രാ സൗകര്യം ഏര്പ്പെടുത്താന് ജില്ലാ ഭരണകൂടത്തെ ചുമതലപ്പെടുത്തി.
കഴിഞ്ഞ ദിവസം ഹഥ്രാസിൽ കൊല്ലപ്പെട്ട പെൺകുട്ടിയുടെ കുടുംബത്തെ സന്ദർശിക്കാൻ പോയ രാഹുൽ ഗാന്ധിക്കും പ്രിയങ്ക ഗാന്ധിക്കുമെതിരെ ഉത്തർപ്രദേശ് പൊലീസ് കേസെടുത്തിരുന്നു. പകർച്ച വ്യാധി നിയമപ്രകാരമാണ് കേസെടുത്തതും. 153 കോൺഗ്രസ് പ്രവർത്തകർക്കെതിരെയും ഗൗതം ബുദ്ധ നഗർ പൊലീസ് കേസെടുത്തു. ഹാത്രസിലേക്ക് പുറപ്പെട്ട രാഹുൽ ഗാന്ധിയെയും പ്രിയങ്ക ഗാന്ധിയെയും യുപി പൊലീസ് കസ്റ്റഡിയിൽ എടുത്തെങ്കിലും പിന്നീട് വിട്ടയച്ചു. അതെ സമയം പെൺകുട്ടി ബലാത്സംഗത്തിന് ഇരയായിട്ടില്ലെന്ന പൊലീസിന്റെ വാദത്തിനെതിരെ വലിയ വിമർശനമാണ് ഉയരുന്നത്. ഫോറൻസിക് തെളിവുകളുടെ അടിസ്ഥാനത്തിലാണ് യുപി പൊലീസ് എഡിജിപി പ്രശാന്ത് കുമാർ ഈക്കാര്യം അറിയിച്ചത്. എന്നാൽ ഇത് തെളിവ് നശിപ്പിക്കാനുള്ള പൊലീസിന്റെ ശ്രമമാണെന്ന് പ്രതിപക്ഷത്തിന്റെ ആരോപണം.
വരും ദിവസങ്ങളിലും പ്രതിഷേധം രാജ്യവ്യാപകമായി തുടരുന്നാണ് കോൺഗ്രസിന്റെ തീരുമാനം. പൊലീസ് അന്വേഷണത്തിനെതിരായ കുടുംബത്തിന്റെ പ്രസ്താവന പിൻവലിക്കാൻ ജില്ലാ മജിസ്ട്രേറ്റ് സമ്മർദ്ദം ചെലുത്തുന്ന ദൃശ്യങ്ങളും കഴിഞ്ഞ ദിവസം പുറത്തുവന്നു. , കേസിൽ അന്വേഷണ ഉദ്യോഗസ്ഥരെ അലഹബാദ് ഹൈക്കോടതി നേരിട്ട് വിളിപ്പിച്ചു. ഒക്ടോബർ 12 ന് ഹാജരാകാനാണ് കോടതി നിർദ്ദേശം. സംഭവത്തിൽ കോടതി സ്വമേധയാ കേസ് എടുക്കുകയായിരുന്നു.
https://www.facebook.com/Malayalivartha