അശ്ലീല സന്ദേശങ്ങൾ അയച്ചയാൾക്കെതിരെ പെൺകുട്ടി ചെയ്തത്; അയച്ച സന്ദേശങ്ങളും പിന്നാലെ ആളെ കണ്ടെത്താൻ നടത്തിയ മാർഗങ്ങളും ചേര്‍ത്തൊരു വീഡിയോ പങ്കുവച്ച് വൈറലായി പെണ്‍കുട്ടി
നിലവിൽ സമൂഹ മാധ്യമങ്ങളിലൂടെ സ്ത്രീകൾക്കെതിരെ അശ്ലീല സന്ദേശം അയക്കുന്നവരുടെയും മോശം കമന്‍റുകള്‍ ചെയ്യുന്നവരുടെയും എണ്ണം ദിനംപ്രതി വർധിക്കുകയാണ്. ഇത്തരത്തിൽ നിരവധി പരാതികളാണ് പൊലീസിന് ലഭിക്കുന്നത്. കടുത്ത നടപടികൾ സ്വീകരിച്ചാൽ തന്നെയും ഇതിനു അറുതിയില്ല എന്നുതന്നെ പറയാം. സിനിമാതാരങ്ങള്‍ മുതല്‍ സാധാരണക്കാര്‍ വരെ ഇതിന് ഇരയാകുന്നതായി കാണുവാൻ സാധിക്കും. അടുത്തിടെ അത്തരത്തില്‍ നടന്ന സംഭവത്തിന്‍റെ അടിസ്ഥാനത്തില്‍ കേരളത്തില്‍ 'വീ ഹാവ് ലെഗ്‌സ്' എന്നൊരു ക്യാംപെയ്ന്‍ വരെ ആളിക്കത്തിയിരുന്നു.
എന്നാൽ ഇത്തരം ‘സൈബർ സദാചാര ആങ്ങള’മാര്‍ക്കും അശ്ലീല സന്ദേശം അയക്കുന്നവര്‍ക്കുമൊക്കെ ചുട്ടമറുപടി കൊടുക്കാനും ഇന്നത്തെ തലമുറയ്ക്ക് മടിയില്ല എന്നതും നാം കണ്ടതുമാണ്. ഇപ്പോഴിതാ അത്തരത്തിൽ ഒരു യുവതിയാണ് ഇപ്പോൾ വാർത്തകളിൽ നിറയുന്നത്.
ഇൻസ്റ്റഗ്രാമിലൂടെയാണ് പെൺകുട്ടി അശ്ലീല സന്ദേശങ്ങൾ അയച്ചയാൾക്കെതിരെ ശക്തമായി പ്രതികരിച്ചുകൊണ്ട് രംഗത്ത് എത്തിയത്. അതായത് അയാള്‍ അയച്ച സന്ദേശങ്ങളും പിന്നാലെ ആളെ കണ്ടെത്താൻ നടത്തിയ മാർഗങ്ങളും ചേര്‍ത്തൊരു വീഡിയോ ആണ് പെണ്‍കുട്ടി ഇന്‍സ്റ്റഗ്രാമിലൂടെ പങ്കുവച്ചത്. ഇതിലൂടെ ഇനി ഇത്തരത്തിൽ പെരുമാറുമ്പോൾ ശ്രദ്ധിക്കണമെന്നും അതല്ലെങ്കിൽ നല്ല മനുഷ്യനാവണമെന്നും പറഞ്ഞാണ് വീഡിയോ പോസ്റ്റ് ചെയ്തിരിക്കുന്നത്.
https://www.facebook.com/Malayalivartha
